កីឡា

ឈ្នះខ្សែក្រវាត់យប់មិញ ព្រំ សំណាង ទទួលបានឱកាសទៅប្រកួតនៅបារាំង

បានផុស

១០ ខែ មុន

នៅ

ថ្ងៃសុក្រ ១ មីនា ២០២៤

ដោយ

កីឡាករប្រដាល់គុនខ្មែរ ព្រំ សំណាង នឹងត្រូវធ្វើដំណើរទៅប្រកួតនៅប្រទេសបារាំងនាខែមិថុនា ឆ្នាំ២០២៤ បន្ទាប់ពីរូបគេទទួលបានខ្សែក្រវាត់១គ្រឿងទៀតតាមរយៈជ័យជម្នះលើកីឡាករមីយ៉ាន់ម៉ាកាលពីយប់មិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការប្រកួតដណ្តើមខ្សែក្រវាត់កាលពីយប់ថ្ងៃទី២៩ ខែកុម្ភៈ ឆ្នាំ២០២៤ ព្រំ សំណាង បានយកឈ្នះលើកីឡាករមីយ៉ាន់ម៉ា ទុនទុន មីង ដែលជាអតីតដៃគូក្នុងកីឡាស៊ីហ្គេមឆ្នាំ២០២៣ដោយពិន្ទុ។ ក្រោយទទួលបានខ្សែក្រវាត់១គ្រឿងទៀត រូបគេទទួលបានដំណឹងល្អភ្លាមគឺទៅប្រកួតនៅប្រទេសបារាំង។

តាមការគ្រោង ការប្រកួតគុនខ្មែរអន្តរជាតិមាន២កម្មវិធីនៅប្រទេសបារាំងគឺនៅថ្ងៃទី១ ខែមិថុនា និងនៅថ្ងៃទី២៧ ខែមិថុនា ដែលកីឡាករគុនខ្មែរច្រើនរូបត្រូវធ្វើដំណើរទៅប្រកួតនៅតំបន់អឺរ៉ុប។ អត្តពលិកគុនខ្មែរ៦រូបដែលត្រូវទៅប្រកួតនៅបារាំង។ គិតត្រឹមថ្ងៃទី១ ខែមីនានេះ កីឡាករកម្ពុជា៤រូបមានឈ្មោះជាផ្លូវការគឺម្ចាស់មេដាយមាសស៊ីហ្គេម ឃីម បូរ៉ា, ម្ចាស់មេដាយមាសស៊ីហ្គេម ឡៅ ចិត្រា, ម្ចាស់មេដាយមាសស៊ីហ្គេម លន បញ្ញា និងម្ចាស់មេដាយមាសស៊ីហ្គេម ព្រំ សំណាង ហើយនៅសល់២រូបទៀតដែលមិនទាន់ចុះកុងត្រាគឺកីឡាករទម្ងន់៦០គីឡូក្រាម និងកីឡាការិនី១រូប។