Connect with us

ព័ត៌មានអន្ដរជាតិ

ត្រៀមខ្លួន! ឆ្នាំនេះអាកាសធាតុនៅ អាស៊ីអាគ្នេយ៍ នឹងក្តៅបំផុត ជាប្រវត្តិសាស្រ្ត

បានផុស

នៅ

តាមការចុះផ្សាយរបស់ The Nation កាលពីថ្ងៃសុក្រទី១ខែមីនា, អ្នកជំនាញថៃមួយរូប បានបង្ហោះ Facebook ដោយព្រមានថា ឆ្នាំនេះ ប្រទេសថៃ ក៏ដូចជាតំបន់អាស៊ីអាគ្នេយ៍ នឹងជួបប្រទះអាកាសធាតុក្តៅខ្លាំងបំផុតមិនធ្លាប់មានសោះក្នុងប្រវត្តិសាស្រ្ត។

(រូបថត៖ Getty)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជំនាញបរិស្ថានសមុទ្រលោក Thon Thamrongnawasawat បានព្រមានបែបនេះ ដោយចង្អុលទៅបាតុភូត El Nino ជាហេតុបណ្តាលឲ្យសីតុណ្ហភាព ហក់ឡើងដល់កម្រិតកំពូល។

លោកនិយាយថា “បាតុភូត El Nino នឹងបញ្ចប់ក្នុងខែមិថុនា ប៉ុន្តែសីតុណ្ហភាពនៅប្រទេសជាច្រើន អាចកើនឡើងខ្ពស់នៅក្នុងឆមាសទីមួយនៃឆ្នាំនេះ។ កម្ដៅ​នៅ​អាស៊ីអាគ្នេយ៍ និង​តំបន់​ផ្សេង​ទៀត​នៃ​ពិភពលោក​ អាច​ឡើង​ដល់​កម្រិត​ខ្ពស់​ថ្មី ហើយសីតុណ្ហភាពទឹកសមុទ្រ ក៏នឹងកើនឡើងផងដែរ ដែលបង្កឲ្យមានហានិភ័យធ្វើឲ្យផ្កាថ្មឡើងពណ៌ស”។

លោក Thon Thamrongnawasawat (រូបថត៖ Travel Weekly)

មិនមែនតែអ្នកជំនាញថៃទេ ពោលគឺអ្នកវិទ្យាសាស្រ្តទូទាំងពិភពលោក សុទ្ធតែចេញសេចក្តីប្រកាសបែបនេះ ឲ្យគ្រប់គ្នាត្រៀមខ្លួនចំពោះអាកាសធាតុក្តៅខ្លាំង ដោយសារឥទ្ធិពល El Nino។

តាមការព្យាករ ពេលកម្តៅឡើងដល់កម្រិតកំពូល សីតុណ្ហភាពនៅប្រទេសខ្លះនៃតំបន់អាស៊ីអាគ្នេយ៍ អាចមានចន្លោះពី៤០ទៅ៥០អង្សាសេ ជាពិសេសប្រទេសថៃតែម្តង ដែលសីតុណ្ហភាពអាចឡើងដល់ជាង៥០អង្សាសេឯណោះ រីឯកម្ពុជា អាចមានចន្លោះពី ជាង៣០ទៅជាង៤០អង្សាសេ។

(រូបថត៖ Hurriyet Daily News)

សូមបញ្ជាក់ El Nino ត្រូវបានបង្កឡើងដោយការកើនឡើងនៃសីតុណ្ហភាពលើផ្ទៃមហាសមុទ្រប៉ាស៊ីហ្វិកភាគខាងកើត ដែលនាំទៅដល់ដំណាក់កាលនៃការឡើងកម្តៅផែនដី។

បាតុភូតធម្មជាតិនេះ តែងតែកើតឡើងរៀងរាល់២ទៅ៧ឆ្នាំម្តង ហើយទាញបន្ថយកម្រិតភ្លៀងធ្លាក់នៅតំបន់អាស៊ីអាគ្នេយ៍ និងភាគខាងត្បូងប្រទេសអូស្ត្រាលី។ ផលប៉ះពាល់របស់វាត្រូវបានគេចាត់ទុកថាធ្ងន់ធ្ងរគួរសម ពោលគឺវាចោទជាបញ្ហាដល់វិស័យកសិកម្ម ការនាំចេញ និងទេសចរណ៍ ព្រមទាំងវិស័យផ្សេងៗទៀត៕

អត្ថបទ៖ សុខ​ សុវណ្ណ

ចុចអាន៖ អ្នកវិទ្យាសាស្រ្តព្រមានថា​ ឆ្នាំនេះ ពិភពលោកនឹងជួបគ្រោះធម្មជាតិ សាហាវៗជាងឆ្នាំមុនទៅទៀត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២០ ម៉ោង មុន

ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ

ព័ត៌មានអន្ដរជាតិ១៩ ម៉ោង មុន

ភាគពាយព្យ ថៃ រញ្ជួយដី ១៣លើក, ពលរដ្ឋភ័យតាំងពីយប់ ដល់ព្រឹក

ព័ត៌មានអន្ដរជាតិ២២ ម៉ោង មុន

ថាក់ស៊ីន៖​ ក្រុមឆបោក​អនឡាញ​ប្រើ AI ត្រាប់សំឡេង​ លោក ដូណាល់ ត្រាំ​​ ឲ្យ​កូនស្រីលោក​វេរលុយទៅហុងកុង​​

សេដ្ឋកិច្ច២៣ ម៉ោង មុន

ការកក់បន្ទប់ស្នាក់នៅ មុនពេលបុណ្យចូលឆ្នាំចិន មិនទាន់មាន ខណៈអ្នកជំនាញអះអាងថា ជាទម្លាប់ប្រជា​ជនមិនចូលចិត្តកក់ទុកមុន

ព័ត៌មានអន្ដរជាតិ១ ម៉ោង មុន

ចូលកាន់តំណែងភ្លាម លោក ត្រាំ ប្រកាសអាសន្ននៅព្រំដែនជាប់ ម៉ិកស៊ិក ភ្លែត

Sokha Hotels

ព័ត៌មានពេញនិយម