ព័ត៌មានជាតិ
តម្លៃផ្លែស្វាយកែវរមៀតធ្លាក់ចុះ នារដូវប្រមូលផលលើកទី២
កសិករដាំស្វាយបានលើកឡើងថា តម្លៃផ្លែស្វាយកែវរមៀតខុសរដូវដែលប្រមូលផលលើកទី២ បានធ្លាក់ចុះខ្លាំង ដែលអាចនឹងធ្វើឱ្យកសិករខាតបង់។
លោក ម៉ាត់ ដៃនី កសិករដាំស្វាយកែវររមៀត នៅស្រុកសន្ទុក ខេត្តកំពង់ធំ បានឱ្យដឹងថា ពីមុនលោកលក់ស្វាយកែវរមៀតបាន ១.០០០ រៀល ក្នុងមួយគីឡូក្រាម ខណៈបច្ចុប្បន្ន តម្លៃស្វាយកែវរមៀតបានធ្លាក់ចុះបន្ទាប់ពីបុណ្យចូលឆ្នាំចិនហើយ មកនៅខ្ទង់ ៣០០ រៀល ក្នុងមួយគីឡូក្រាម ដែលលោកអះអាងថា ជាតម្លៃធ្វើឱ្យកសិករខាត។
លោក ឡេង សុខលី អ្នកដាំស្វាយនៅខេត្តកំពង់ស្ពឺ បានប្រាប់ដែរថា តម្លៃស្វាយបានធ្លាក់មកនៅ ៣៥០ រៀល ក្នុងមួយគីឡូក្រាម លោកថា កសិករអាចលក់ចំណេញបានលុះត្រាតែ ៧០០ ទៅ ១០០០ រៀលទើបចំណេញ សម្រាប់ស្វាយខុសរដូវនេះ។
លោក ឡេង សុខលីប្រាប់ថា មូលហេតុតម្លៃស្វាយកែវវមៀតធ្លាក់ចុះ ដោយសារសម្បូរស្វាយ កសិករសម្រុកប្រមូលផលច្រើន ដែលជាហេតុផលធ្វើឱ្យឈ្មួញទម្លាក់តម្លៃ។
ឆ្លើយតបនឹងបញ្ហានេះ លោក ឃឹម ហ្វីណង់ អ្នកនាពាក្យក្រសួង កសិកម្មរុក្ខា ប្រមាញ់ និងនេសាទ បានឱ្យដឹងនៅថ្ងៃទី ០៥ ខែមីនា ឆ្នាំ ២០២៤ នេះថា រាល់ការផលិតរបស់កម្ពុជាមានគោលដៅសម្រាប់ការនាំចេញ រហូតមកដល់ពេលនេះ ទីផ្សារនាំចេញស្វាយរបស់កម្ពុជានៅមានចំនួនកំណត់នៅឡើយ។
លោកថា នៅពេលដែលការប្រមូលផលទន្ទឹមគ្នា និងតម្រូវការស្រូបទាញមិនគ្រប់គ្រាន់ ការធ្លាក់ចុះតម្លៃវាគឺជាគោលការណ៍នៃសេដ្ឋកិច្ចទីផ្សារ ដោយសារតម្រូវការមិនអាចផ្គត់ផ្គង់បាន។ ក្រសួងកសិកម្មក៏បានខិតខំបើកច្រករកទីផ្សារនាំចេញស្វាយស្រស់ផងដែរ ប៉ុន្តែត្រូវការពេលវេលា។
លោក ចាន់ សុផល អ្នវិភាគសេដ្ឋកិច្ច បានឱ្យដឹងថា ដំណាំស្វាយនៅកម្ពុជា មានចំនួនលេីសតម្រូវការខ្លាំងណាស់។ វាជាដំណាំងាយដាំ ដែលភាគច្រើនដាំតាមគ្នា ដេីម្បីដាក់ជាដំណាំអ្វីមួយនៅលេីដីចម្ការធំៗ។
លោកថា នៅលេីពិភពលោកទាំងមូល មានពាណិជ្ជកម្មស្វាយចំនួន មិនដល់ ២ លានតោនទេ ក្នុងមួយឆ្នាំ។ រីឯផ្លែស្វាយនៅប្រទេសកម្ពុជា មានដល់ទៅ ជាង ២ លានតោន ទៅហេីយ (150,000 ហិកតា x 15 តោន)។
ប្រសិនបើតម្រូវការផ្លែស្វាយនៅលេីពិភពលោកកេីនឡើង ១០% មានន័យថា ផ្លែស្វាយនៅកម្ពុជា នៅតែលេីសកំណេីនតម្រូវការពិភពលោក ប្រហែល ១០ ដង។
យោងតាមរបាយការណ៍របស់ក្រសួង កសិកម្ម រុក្ខាប្រមាញ់ និងនេសាទបង្ហាញថា នៅក្នុងឆ្នាំ ២០២៣ កម្ពុជានាំចេញផ្លែស្វាយស្រស់ជាង ១៦ ម៉ឺនតោន (១៦១ ៩២៤) ថយចុះ 0.៣១ ភាគរយ បើធៀបនឹងឆ្នាំ ២០២២។ ចំណែកដំណាប់ស្វាយនាំចេញចំនួនជិត ៣ ម៉ឺនតោន (២៧ ៣៨៧) កើនឡើង ៤៨ ភាគរយ៕
អត្ថបទ៖ ឡេង ដេត
លោក លី ធុជ ចាត់ទុកដំណើរឈ្វេងយល់សារមន្ទីរតេជោសន្តិភាពសម្រាប់សកម្មភាពមីន ជាផ្លូវឆ្ពោះទៅពិភពលោកមួយគ្មានមីន
Bloomberg៖ លោក បៃដិន នឹងជួយអ៊ុយក្រែន ២រឿងទៀត មុនចេញពីតំណែង
តើត្រូវឆ្លងកាត់ការប្រឡងអ្វីខ្លះ ដើម្បីក្លាយជាសិស្សមន្ត្រីជាន់ខ្ពស់ ជំនាន់ទី១៣ នៅសាលាភូមិន្ទរដ្ឋបាល?
ប្រទះឃើញនាវាផ្ទុកយន្តហោះរបស់ចិន នៅមហាសមុទ្រប៉ាស៊ីហ្វិក ចំពេលបារម្ភផ្ទុះសង្គ្រាមលោកលើកទី៣
នគរបាលរាជធានីភ្នំពេញ បង្ហាញមុខជនសង្ស័យ១៣នាក់ ពាក់ព័ន្ធបង្កហិង្សាបណ្តាលឱ្យរងរបួសច្រើននាក់ និងខូចខាតម៉ូតូជាច្រើន
រុស្ស៊ី ព្រមានថា ពិភពលោក កំពុងស្ថិតនៅលើផ្លូវឆ្ពោះទៅរកសង្គ្រាមលោកលើកទី៣
Bloomberg៖ លោក បៃដិន នឹងជួយអ៊ុយក្រែន ២រឿងទៀត មុនចេញពីតំណែង
ប្រទះឃើញនាវាផ្ទុកយន្តហោះរបស់ចិន នៅមហាសមុទ្រប៉ាស៊ីហ្វិក ចំពេលបារម្ភផ្ទុះសង្គ្រាមលោកលើកទី៣
ដ្រូនចម្លែក ហោះឆ្វែលមូលដ្ឋានទ័ពធំៗរបស់អាមេរិក នៅអង់គ្លេស
ត្រាំ ជួបប្រមុខណាតូ ចំពេលស្ថានការណ៍ពិភពលោក កំពុងពុះកញ្ជ្រោល
-
ជីវិតកម្សាន្ដ៧ ថ្ងៃ agoទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
-
ព័ត៌មានអន្ដរជាតិ៧ ថ្ងៃ agoជាប្រវត្តិសាស្រ្ត! ព្យុះ៤ ត្រូវថតជាប់ក្នុងពេលតែមួយ នៅមហាសមុទ្រប៉ាស៊ីហ្វិក
-
សន្តិសុខសង្គម៣ ថ្ងៃ agoទូកទេសចរណ៍មួយគ្រឿងលិចបាត់ទាំងស្រុងក្នុងសមុទ្រកោះរ៉ុង
-
ជីវិតកម្សាន្ដ៧ ថ្ងៃ agoអ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
-
ព័ត៌មានជាតិ១ សប្តាហ៍ ago៣ ថ្ងៃពិធីបុណ្យអុំទូក សំរាមជាង ១ ម៉ឺនតោន បានប្រមូលដឹកចេញទៅកាន់ទីលានចាក់សំរាម
-
ព័ត៌មានជាតិ៧ ថ្ងៃ agoជនជាតិដើមភាគតិចទំពួន នៅតែប្រកាន់ខ្ជាប់នូវទម្លាប់«សែនអ្នកតាម្ចាស់ភូមិ»ចំពោះអ្នកប្រព្រឹត្តខុស«មានកូនមុនរៀបការ»
-
សន្តិសុខសង្គម៦ ថ្ងៃ agoUpdate៖ ឃាត់ខ្លួនម្ចាស់គ្លីនិកពីរនាក់ប្ដីប្រពន្ធ ករណីចាក់ថ្នាំប្រតិកម្មបណ្ដាលឲ្យស្ត្រីម្នាក់ស្លាប់
-
សន្តិសុខសង្គម៧ ថ្ងៃ agoឃាត់ខ្លួនមន្ត្រីនគរបាលម្នាក់ ក្រោយបាញ់ប្រហារប្ដីប្រពន្ធមួយគូរងរបួសធ្ងន់