ព័ត៌មានអន្ដរជាតិ
អ្នកដំណើរនៅ ចិន ម្នាក់ បោះកាក់ចូលម៉ាស៊ីនយន្តហោះ បួងសួងសុំសេចក្តីសុខ
តាមការចុះផ្សាយរបស់ CNN កាលពីថ្ងៃសុក្រទី៨ខែមីនា, ជើងហោះហើររបស់ក្រុមហ៊ុនអាកាសចរណ៍ China Southern ត្រូវពន្យារពេលជាង៤ម៉ោង បន្ទាប់ពីអ្នកដំណើរម្នាក់ បោះកាក់ជាច្រើន ចូលទៅក្នុងម៉ាស៊ីនរបស់យន្តហោះ ដើម្បីបួងសួងសុំសេចក្តីសុខនិងសំណាងល្អ។
ទោះបីជាយ៉ាងណាក៏ដោយ រឿងនេះកើតឡើងតាំងពីថ្ងៃទី៦ខែមីនាមកម្ល៉េះ ពោលគឺដើមឡើយ ជើងហោះហើរ CZ8805 គ្រោងចេញដំណើរពីទីក្រុង Sanya ទៅកាន់ទីក្រុងប៉េកាំង នៅម៉ោងប្រហែល១០ព្រឹក ប៉ុន្តែយន្តហោះ មិនអាចចេញដំណើរបានទេ រហូតដល់ម៉ោង២រសៀលឯណោះ ក្រោយអ្នកបម្រើលើយន្តហោះដឹងថា មានអ្នកដំណើរម្នាក់បានបោះកាក់ចូលក្នុងម៉ាស៊ីន។
ដោយដកស្រង់ប្រភពពីប្រព័ន្ធផ្សព្វផ្សាយរដ្ឋរបស់ចិន, CNN រាយការណ៍ថា នៅពេលត្រូវបានសាកសួរ អ្នកដំណើរក៏សារភាពថា គាត់ពិតជាបោះកាក់៣ទៅ៥កាក់ចូលទៅក្នុងម៉ាស៊ីន ដើម្បីបួងសួងសុំសំណាងល្អមែន។ ដើម្បីធានាសុវត្ថិភាព អាកាសយានិកបានពិនិត្យម៉ាស៊ីន ហើយក៏រកឃើញកាក់ ខណៈបុរសរូបនោះ ត្រូវបានប៉ូលិសឃាត់ខ្លួន។
នៅក្នុងការបង្ហោះលើបណ្តាញទំនាក់ទំនងសង្គម Weibo របស់ប្រទេសចិន, ក្រុមហ៊ុនអាកាសចរណ៍ China Southern បានព្រមានថា ការបោះកាក់ចូលទៅក្នុងម៉ាស៊ីនយន្តហោះ មិនត្រឹមតែជាទង្វើអសីលធម៌ប៉ុណ្ណោះទេ ប៉ុន្តែថែមទាំងគំរាមកំហែងដល់សុវត្ថិភាពអាកាសចរណ៍ផងដែរ ហើយនឹងត្រូវទទួលទណ្ឌកម្ម ចៀសមិនរួច។
សូមបញ្ជាក់ នេះមិនមែនជាលើកទីមួយឡើយ ដែលអ្នកដំណើរបោះកាក់ចូលម៉ាស៊ីនយន្តហោះដើម្បីសុំសេចក្តីសុខ តួយ៉ាងកាលពីឆ្នាំមុន ហេតុការណ៍ដូចគ្នា បានកើតឡើងលើជើងហោះហើររបស់ក្រុមហ៊ុនដដែលនេះ នៅក្នុងទីក្រុងក្វាងចូវ។ ចំណែកក្នុងឆ្នាំ២០២១ ជើងហោះហើររពី Weifang និង Haikou ត្រូវបានលុបចោល នៅពេល កាក់ជាច្រើនដែលរុំដោយក្រដាសក្រហម ត្រូវបានរកឃើញនៅលើវាលយន្តហោះ៕
អត្ថបទ៖ សុខ សុវណ្ណ
ចុចអាន៖ យន្តហោះក្រុមហ៊ុនអាកាសចរណ៍ United Airlines ឆេះម៉ាស៊ីន ខណ:កំពុងហោះលើអាកាស
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា