ព័ត៌មានអន្ដរជាតិ

ចិន ជោគជ័យប្រតិបត្តិការខួងស្រទាប់ផែនដីជម្រៅ ១ ម៉ឺនម៉ែត្រ

បានផុស

៤ ខែ មុន

នៅ

ថ្ងៃអាទិត្យ ១០ មីនា ២០២៤

ដោយ

យោងតាមការចុះផ្សាយរបស់សារព័ត៌មានចិន ស៊ីនហួរ បានឲ្យដឹងថា ប្រទេសចិនបានប្រតិបត្តិការខួងទៅក្នុងជម្រៅផែនដីបានប្រមាណ ១ ម៉ឺនម៉ែត្របានដោយជោគជ័យកាលពីថ្ងៃចន្ទដើមសប្តាហ៍កន្លងទៅ ដែលនេះជាការបំបែកកំណត់ត្រាខួងជម្រៅផែនដីជ្រៅជាងគេបំផុតមិនធ្លាប់មានក្នុងប្រទេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពដដែលបានឲ្យដឹងថា ប្រតិបត្តិការខួងទៅក្នុងស្រទាប់ផែនដីបានធ្វើឡើងនៅតំបន់វាលខ្សាច់ Taklimankan នៃតំបន់ស្វយ័ត Xinjiang Uygur ភាគពាយព្យនៃប្រទេសចិន ដោយស្ថិតនៅដាច់ស្រយាលពីទីក្រុងប្រជុំជន ហើយប្រតិបត្តិការនេះ នឹងនៅបន្តទៅមុខទៀតដោយរំពឹងថា នឹងខួងបានជម្រៅ ១១,១០០ ម៉ែត្រជាការបញ្ចប់បេសកកម្មពេញលេញ ។

គួរបញ្ជាក់ផងដែរថា នេះគឺជាប្រតិបត្តិការស្រាវជ្រាវវិទ្យាសាស្រ្តដំបូងបំផុតនៃប្រទេសចិន ដែលខួងក្នុងស្រទាប់ផែនដីបានជម្រៅ ១ ម៉ឺនម៉ែត្រ។ គម្រោងនេះបានចាប់ផ្តើមដំណើរការតាំងតែពីថ្ងៃទី៣០ ខែឧសភា ឆ្នាំ២០២៣ មកម្ល៉េះដែលក្នុងនោះក្រុមអ្នកវិទ្យាសាស្រ្តបានដាក់បញ្ចូលបំពង់ស្រាវជ្រាវចូលក្នុងស្រទាប់ផែនដីប្រមាណ ១,០០០ បំពង់ ដែលមាន ២០បំពង់កំពុងដំណើរការប្រតិបត្តិការក្នុងទិសដៅស្រាវជ្រាវបច្ចេកទេស ៕