សេដ្ឋកិច្ច
៥ ឆ្នាំ ពលរដ្ឋឃុំអណ្ដូងទឹក ទទួលអនុផលផ្លែសំរងលក់ឱ្យឈ្មួញម្ដង
ក្រុមប្រជាពលរដ្ឋភូមិអណ្តូងទឹក ឃុំអណ្តូងទឹក ស្រុកបូទុមសាគរ លើកឡើងរួមគ្នាថា ៥ ឆ្នាំម្តង ទើបមានអនុផលផ្លែសំរងបេះលក់ឱ្យឈ្មួញម្តង ព្រោះវាជាប្រពៃណីរបស់អ្នកភូមិដែលក្រៅពីការធ្វើស្រែចម្ការ។
អ្នកស្រី កើត រតនា ជាឈ្មួញធំមួយនៅឃុំអណ្តូងទឹកដែលប្រមូលទិញផ្លែសំរងយកទៅលក់បន្តទៅតាមបណ្ដាខេត្តផ្សេងៗ នៃប្រទេសកម្ពុជា បានរៀបរាប់ថា ទូទៅ ៤ ទៅ ៥ ឆ្នាំ ទើបមានផ្លែសំរងនេះលក់ម្តង ដោយប្រជាជនចេញពីភូមិឋានទៅរើសក្រោមព្រៃឈើដែលមិនឆ្ងាយពីផ្ទះ ដើម្បីមកលក់ឱ្យគាត់។
អ្នកស្រី កើត រតនា បន្ថែមថា ផ្លែសំរងប្រភេទចាស់ ក្នុង ១ គីឡូក្រាម ថ្លៃ ១៥ ០០០ ទៅ ២ ម៉ឺនរៀល រីឯផ្លែសំរងដែលហាលស្ងួតហើយ ក្នុង ១ គីឡូក្រាម ថ្លៃ ៧ ម៉ឺនរៀល ឡើងទៅ។ ក្នុង ១ ថ្ងៃ គាត់អាចប្រមូលទិញពីពលរដ្ឋចាប់ពី ៣០០ គីឡូក្រាម ទៅ ៥០០ គីឡូក្រាម។
ចំណែកអ្នកស្រី ស្តើង ស្រីមុំ ក៏ជាអ្នកទិញផ្លែសំរងពីពលរដ្ឋម្នាក់ក្នុងឃុំអណ្តូងទឹក លើកឡើងកាលពីថ្ងៃទី ៩ ខែមីនា ឆ្នាំ ២០២៤ ថ្មីៗ នេះថា ផ្លែសំរងដែលគាត់ទិញបានពីពលរដ្ឋ គាត់អាចលក់បន្តទៅឈ្មួញកណ្ដាលតាមដែលត្រូវថ្លៃសម្រាប់ការលក់។ ក្នុង ១ ថ្ងៃ ទិញបាន ២០០ ទៅ ៣០០ គីឡូក្រាម ពេលខ្លះមិនទៀងនោះទេ។
អ្នកស្រី ស្តើង ស្រីមុំ រំលឹកទៀតថា ផ្លែសំរង ត្រូវបានយកទៅធ្វើជាបង្អែមពិសា ព្រោះគេជឿជាក់ថា ធ្វើឱ្យត្រជាក់ក្នុងខ្លួន និងកាត់បន្ថយជាខ្លាញ់ជាដើម។ ការប្រមូលអនុផលព្រៃឈើនេះដែរ ផ្តើមធ្វើឡើងនៅខែកុម្ភៈ ដល់ខែមេសា ដែលជារដូវពេញការប្រមូលផល។
ស្រុកបូទុមសាគរ ត្រូវបានគេមើលឃើញថា ជាស្រុកមួយមានប្រជាពលរដ្ឋចេញទៅព្រៃរកអនុផលផ្លែសំរងមកលក់ច្រើនជាងបណ្តាស្រុកផ្សេងៗ ក្នុងខេត្តកោះកុង។ តែទោះយ៉ាងណា គេមិនដឹងច្បាស់ពីវិធីសាស្ត្រក្នុងការបេះយកផ្លែសំរងនេះយ៉ាងណានោះទេ ដោយពលរដ្ឋខ្លះនិយាយថា ទៅរើសពីក្រោមដើម រីឯមន្ត្រីសុំមិនបញ្ចេញឈ្មោះខ្លះនិយាយថា ពួកគាត់ទៅកាប់ដើមវាយកផ្លែទាំងចាស់ ឬ ទុំ មកលក់៕
អត្ថបទ ៖ សិរីវឌ្ឍនៈ
-
ព័ត៌មានជាតិ៥ ថ្ងៃ ago
ព្យុះចំនួន២ នឹងជះឥទ្ធិពលលើកម្ពុជាក្នុងពេលតែមួយចាប់ពីថ្ងៃនេះ ដល់ថ្ងៃទី២តុលា
-
សន្តិសុខសង្គម២ ថ្ងៃ ago
យុវជន ៣ នាក់ បាត់បង់ជីវិតដោយសារលង់ទឹក
-
ព័ត៌មានអន្ដរជាតិ៥ ថ្ងៃ ago
ភ្នំមួយទៀតនៅវៀតណាម ប្រេះប្រវែង១០០ម៉ែត្រ បង្កការភ័យខ្លាច
-
ចរាចរណ៍៦ ថ្ងៃ ago
ឡិចស៊ីស 470 មួយគ្រឿង បោះពួយលឿនបែកកង់ជ្រុលបុកបង្គោលភ្លើងរលំ ០២ ដើម
-
ព័ត៌មានអន្ដរជាតិ២៤ ម៉ោង ago
ព្រះអាទិត្យផ្ទុះអណ្តាតភ្លើង ជះព្យុះកម្តៅមកផែនដីនៅចុងសប្តាហ៍នេះ
-
សន្តិសុខសង្គម១ ថ្ងៃ ago
យុវជន៣នាក់ត្រូវទឹកគួចលង់ស្លាប់ សមត្ថកិច្ចប្រើពេលជិត២៤ម៉ោងទើបរកសពឃើញ
-
ព័ត៌មានជាតិ១ ថ្ងៃ ago
ខេត្តកែបទទួលបានភ្ញៀវទេសចរជិត៨ម៉ឺននាក់ ក្នុងឱកាសបុណ្យភ្ជុំបិណ្ឌ
-
ចរាចរណ៍១ សប្តាហ៍ ago
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង