ជីវិតកម្សាន្ដ

តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ

បានផុស

១០ ខែ មុន

នៅ

ថ្ងៃសុក្រ ១៥ មីនា ២០២៤

ដោយ

រៀមច្បង Benz Pornchita ដែលទស្សនិកជនជាច្រើនស្គាល់តាមរយៈការសម្ដែងនូវរឿងភាគថៃជំនាន់ឆ្នាំ៩០ថា ជាតួឆ្នាសឆ្នើមដណ្ដើមប្ដីតួឯកស្រីឬជាជនទី៣ជ្រែកស្នេហារបស់អ្នកដទៃ ពេលនេះនាងដណ្ដើមបានតំណែងជារាជិនីមានសម្រស់ស្អាតផូរផង់ បន្ទាប់ពីសម្រកទម្ងន់យករាងស្វែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកម្ដាយកូន៣ និងជាភរិយាជាទីស្រលាញ់របស់តារាសម្ដែង Mick Baromvudh បានវិលត្រលប់មកគ្រងតំណែងវិញ ជាមួយនឹងរូបរាងចុងក្រោយស្អាតអត់ទាស់កន្លែងណាមួយឡើយ។ ជាពិសេសទស្សនិកជនសុទ្ធតែដឹងហើយថា Benz ធ្លាប់ប្រកាសថា គាត់ពិតជាចង់សម្រកទំងន់ ដើម្បីទទួលបានរាងស្អាត និងមុខមាត់ស្អាតឡើងវិញជាខ្លាំង។

យ៉ាងណាក៏ដោយ ការតាំងចិត្តរបស់តារាស្រីនិយមតួឆ្នាសរូបនេះពិតជាមានប្រសិទ្ធភាពពិតៗ ខណៈដែលក្នុងថ្ងៃនេះ Benz Pornchita នាងពិតជាធ្វើបានមែនដោយវិលត្រលប់មករាងស្លីម និងស្រស់ស្អាតដូចពីមុន ថ្វីបើជាម្ដាយដែលមានកូនបីនិងអាយុជ្រេក៏ដោយ។

មិនត្រឹមតែប៉ុណ្ណឹងនោះទេ ការផ្លាស់ប្ដូររូបរាងថ្មីរបស់តួកាច “វិញ្ញាណស្នេហ៍នាងបាប” បានទទួលការសាទរយ៉ាងភ្លូកទឹកភ្លូកដី ខណៈដែលមហាជនបញ្ចេញមតិថា គាត់កាន់តែចាស់តែនៅតែអាចបង្អួតរាងរៅហឹរខ្លាំងតាំងពីក្បាលដល់ចុងជើង។ ជាពិសេស ឈុតដែលគាត់ជ្រើសរើសមកស្លៀក រឹតតែបង្កើតអនុភាពដល់អ្នកស្លៀកកាន់តែឆើតឆាយ និងមានស្រស់ចែងចាំងសឹងមើលមិនដឹងថា នាងឈានដល់វ័យ៤៣ឆ្នាំ ហើយថែមទាំងមានកូនប្រុសស្រីដល់ទៅ៣នាក់ទៀតផង។

សូមជម្រាបជូនថា តារាស្រីជើងចាស់នាង Benz Pornchita ទស្សនិកជនកម្ពុជាប្រាកដជាស្គាល់នាងយ៉ាងច្បាស់តាមរយៈតួអង្គកាចឆ្នាសឆ្នើម ដណ្ដើមស្វាមីតួឯកស្រីក្នុងភាពយន្ត។ លើសពីនេះថែមទៀត ស្នាដៃដែលនាងចូលរួមសម្ដែងកន្លងមក តែងតែទទួលបានការចូលទស្សនាច្រើនលើសលុបឥតគណនាបានឡើយ។ នេះក៏ដោយសារតែសមត្ថភាពរបស់នាងនិងទេពកោសល្យពីកំណើតទើបធ្វើឲ្យនាងអាចក្លាយជាតារាស្រីឈានមុខគេមកទល់សព្វថ្ងៃ៕