អ្នកគាំទ្រភ្ញាក់ព្រឺត ក្រោយឃើញសភាព តួឈិនឡុង​​ ប្រែជាសក់ស្កូវចាស់ជាងមុន

កំពូលតារាសម្ដែងចិនល្បីល្បាញទាំងអាស៊ីនិងហូលីវូដ Jackie Chan ឬប្រជាជនកម្ពុជានិយមហៅថាឈិនឡុង តែងតែធ្វើឲ្យទស្សនិកជនជាច្រើនចងចាំអំពីស្នាដៃរបស់លោកផ្ទាល់ តាមរយៈភាពយន្តវាយប្រហារ បាញ់បោះអស់ជាច្រើនទសវត្សរ៍មកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទោះបីជាតារាសម្ថែងជើងចាស់រូបនេះ ឈានចូលវ័យ ៦៩ ឆ្នាំក៏ដោយ ក៏ប៉ុន្តែរូបលោកផ្ទាល់នៅតែទទួលយកគម្រោងថ្មីៗ ដោយយល់ព្រមសម្ដែងឈុតឆាកគ្រោះថ្នាក់ មិនចេះជិនណាយជាមួយនឹងអាជីពមួយនេះឡើយ។ ​ជាក់ស្ដែង កាលពីប៉ុន្មានថ្ងៃមុន លោកបានចូល​រួម​កម្មវិធី​មួយ​ក្នុង​ទីក្រុង Sichuan ឈិនឡុងបានបង្ហាញនូវទឹកមុខញញឹម​ពព្រាយនៅចំពោះមុខទស្សនិកជននិងមហាជនជាច្រើនរបស់លោក។ ប៉ុន្តែអ្វីដែលធ្វើឲ្យអ្នកគាំទ្រមានការភ្ញាក់ផ្អើលសឹងមិនជឿ នោះគឺសក់របស់ឈិនឡុង ប្រែជាស្កូវចំណែកផ្ទៃមុខវិញប្រែជាជ្រីជ្រួញខុសមុនឆ្ងាយ។

ទោះជាយ៉ាងណាក៏ដោយ គេនៅមិនទាន់ដឹងច្បាស់នូវឡើយថា ការផ្លាស់ប្ដូរសក់ខ្មៅប្រែជាសនេះដោយសារតែកត្តាអាយុជ្រេរបស់គាត់ឬយ៉ាងណា​នោះទេ។ កាលពីខែមករាក​ន្លងទៅនេះឈិនឡុងនៅមានសក់ខ្មៅក្រិប ដើម្បីត្រៀមថតភាពយន្តថ្មីរបស់លោក។

ដោយឡែក Jackie គ្រោងនឹងសម្តែងឡើងវិញនូវតួនាទីរបស់គាត់ពីមុនជាលោក Han ក្នុងរឿង Karate Kid 4 នាពេលខាងមុខនេះ។ ប៉ុន្តែគេនូវមិនទាន់ច្បាស់ថា លោកនឹងចាប់ផ្ដើមសម្រេចថតនៅពេលវេលាណាមួយ ឬប្រទេសណាណាមួយឡើយ។

យ៉ាងណាមិញ បន្ទាប់ពីរូបភាពពីព្រឹត្តិការណ៍នោះត្រូវបានសាយភាយតាមអ៊ីនធឺណិត អ្នកលេងអ៊ីនធឺណេតមានការភ្ញាក់ផ្អើលយ៉ាងខ្លាំងបានធ្វើការ Comment ពិភាក្សាគ្នាថាតើពេលនេះ Jackie មានអាយុប៉ុន្មានហើយ។ ម្នាក់​បាន​បញ្ចេញ​មតិ​ថា​ ពួកគេហាក់មានអារម្មណ៍​ចង់​យំ​ពេល​ឃើញ​រូបរបស់លោកនាពេលនេះ ខណៈ​ម្នាក់​ទៀត​អង្វរ​គាត់​ឲ្យចូល​និវត្តន៍ និង​សម្រាកឲ្យបាន​ល្អប្រសើរជាងនៅសម្ដែង។ ព្រោះពេលនេះឈិនឡុងស្ថិតក្នុងវ័យចាស់ណាស់ទៅហើយ ដែលសមល្មមដល់ពេលសម្រាក​ ឲ្យបានពេញលេញជាជាងនៅធ្វើការ៕

អត្ថបទ៖ សាង ស្រីល័ក្ខ

ចុចអាន៖ចាំងគីម និង អ៊ូ ម៉ីនាង ប៉ះគ្នាលើឆាកតែមួយ ហ្វេនសរសើរថាជារាជិនីសម្រស់ប្រចាំកូរ៉េនិងចិន