ព័ត៌មានជាតិ
ដាក់ឱសានវាទចុះរៀបចំសណ្តាប់ធ្នាប់នៅបេនឡានចាស់ក្នុងក្រុងសិរីសោភ័ណ
ដើម្បីធានាឲ្យដំណើរការកែលម្អសុវត្ថិភាព ការរៀបចំសណ្តាប់ធ្នាប់របៀបរៀបរយសាធារណៈ និងការធ្វើចរាចរណ៍មានភាពងាយស្រួល រដ្ឋបាលក្រុងសិរីសោភ័ណខេត្តបន្ទាយមានជ័យបានចេញសេចក្តីជូនដំណឹងដល់បងប្អូនដែលធ្វើអាជីវកម្ម មានលក់ដូរក្នុងបេនឡានចាស់ និងម្ចាស់រថយន្តគ្រប់ប្រភេទ ដែលធ្វើអាជីវកម្មរថយន្តដឹកអ្នកដំណើរត្រូវតែចូលមកចតក្នុងចំណតរថយន្តចាស់តាមទីតាំងដែលគណៈកម្មាធិការបានកំណត់។
![](https://www.kampucheathmey.com/wp-content/uploads/2024/03/IMG_20240320_104034_687-1024x768.jpg)
បើតាមរដ្ឋបាលក្រុងសិរីសោភ័ណ មួយរយៈកាលកន្លងមកនេះមានបងប្អូនដែលប្រកបអាជីវកម្មក្នុងបេនឡានចាស់មួយចំនួនតូចនាំគ្នាលក់ដូរគ្មានសណ្តាប់ធ្នាប់ ពិសេសបងប្អូនដែលប្រកបអាជីវកម្មរថយន្តនិងនាំគ្នាចាប់ភ្ញៀវនិងម៉ូយនៅតាមផ្លូវសាធារណៈក្នុងក្រុងសិរីសោភ័យដោយគ្មានរបៀបរាបរយ បណ្ដាលឲ្យមានការស្ទះចរាចរណ៍ជាពិសេសប៉ះពាល់ដល់សណ្ដាប់ធ្នាប់របៀបរៀបរយសាធារណៈយ៉ាងខ្លាំងផងដែរ។
ដោយព្រមាននឹងចាត់វិធានការយ៉ាងតឹងរឹង រដ្ឋបាលក្រុងសិរីសោភ័ណបានក្រើនរំលឹកដល់អាជីវករលក់ដូរនៅតាមបេនឡានចាស់ និងម្ចាស់រថយន្តគ្រប់ប្រភេទដែលធ្វើអាជីវកម្មរថយន្តដឹកអ្នកដំណើរចាប់អនុវត្តពីថ្ងៃជូនដំណឹងនេះតទៅ រហូតដល់ថ្ងៃទី២២ ខែមីនាឆ្នាំ ២០២៤ ជាកំហិត។ ក្រោយផុតថ្ងៃកំណត់នៃសេចក្តីជូនដំណឹងនេះ រដ្ឋបាលក្រុងសិរីសោភ័ណនឹងចុះអនុវត្តច្បាប់មិនអាចលើកលែងឲ្យបានឡើយ។
ជាមួយគ្នានេះ រដ្ឋបាលក្រុងក៏ជឿជាក់យ៉ាងមុតមាំថា បងប្អូនអាជីវករនិងម្ចាស់រថយន្តគ្រប់ប្រភេទដែលធ្វើអាជីវកម្មរថយន្តដឹកអ្នកដំណើរនឹងចូលរួមដោយស្ម័គ្រចិត្តក្នុងការជួយរៀបចំសណ្តាប់ធ្នាប់របៀបរៀបរយនិងការអភិវឌ្ឍលើកស្ទួយសោភ័ណភាពក្នុងក្រុងសិរីសោភ័ណឲ្យកាន់តែល្អប្រសើរឡើងថែមទៀត។
![](https://www.kampucheathmey.com/wp-content/uploads/2024/03/IMG_20240320_104031_836-1024x768.jpg)
ដោយឡែកទាក់ទងករណីក្រុមហ៊ុនឈឿន ចាន់ថន អាហ័រណ នីអាហ័រណ និងសំណង់ រដ្ឋបាលក្រុងសេរីសោភ័ណបានបញ្ជាក់ថា ក្រុមហ៊ុនពុំមានសិទ្ធកាន់កាប់ដីចំណតបេនឡានថ្មីបន្តទៀតឡើយ ដោយរដ្ឋបាលខេត្តបានប្រគល់ឲ្យរដ្ឋបាលក្រុងសិរីសោភ័ណកាន់កាប់វិញហើយ ដូច្នេះបុគ្គលដែលដេកចាំយកលុយពីអ្នកដំណើរមកចតនៅបេនឡានថ្មី និងអ្នកលក់ដូរនៅក្នុងបេនឡានថ្មី និងរថយន្តតាក់ស៊ីរត់ឈ្នួល ត្រូវហាមដាច់ខាតបន្តយកលុយពីពួកគាត់ទៀតបើនៅតែបន្តនឹងចាត់ការទៅតាមច្បាប់។
បែនឡានថ្មីក្រោយពីរដ្ឋបាលខេត្តបានប្រគល់ឲ្យរដ្ឋបាលក្រុងសិរីសោភ័ណកាន់កាប់វិញហើយ នឹងចាត់ចែងឲ្យអ្នកមកមើលការខុសត្រូវនៅថ្ងៃខាងមុខនេះបន្តទៀតហើយ៕
អត្ថបទ៖ វ៉ាន ណាង
![](https://kampucheathmey.com/wp-content/uploads/2020/12/1-01-2-01-1.png)
-
សេដ្ឋកិច្ច៦ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ៦ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៥ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច៦ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
ព័ត៌មានអន្ដរជាតិ១ សប្តាហ៍ ago
ទំនប់វារីអគ្គិសនីនៅស៊ូដង់បាក់ក្រោយភ្លៀងខ្លាំងបណ្តាលឱ្យប៉ះពាល់ផ្ទះ៥ម៉ឺនខ្នងនិង៦០ស្លាប់
-
ព័ត៌មានជាតិ១ សប្តាហ៍ ago
សម្ដេចតេជោ អំពាវនាវឱ្យចូលគ្រុបតេឡេក្រាម«មូលនិធិកសាងហេដ្ឋារចនាសម្ព័ន្ធព្រំដែនផ្តោតលើការកសាងផ្លូវក្រវាត់ព្រំដែន»
-
សេចក្ដីជូនដំណឹង៨ ម៉ោង ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
សន្តិសុខសង្គម១ សប្តាហ៍ ago
ស្នងការរាជធានី នឹងបញ្ជូនខ្លួនលោក ស៊ុន ហួរ ទៅតុលាការនៅរសៀលថ្ងៃទី២៧សីហានេះ