ព័ត៌មានជាតិ
រាជរដ្ឋាភិបាលកម្ពុជា នឹងបន្តប្រែក្លាយផ្លូវដីក្រហមនៅទីជនបទ ឲ្យក្លាយជាផ្លូវកៅស៊ូ ឬផ្លូវបេតុងបន្ថែមទៀត
សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានលើកឡើងថា នៅពេលរាជរដ្ឋាភិបាលមានលទ្ធភាព នឹងបន្តប្រែក្លាយផ្លូវដីក្រហមនៅទីជនបទ ឲ្យក្លាយជាផ្លូវកៅស៊ូ ឬផ្លូវបេតុងបន្ថែមទៀត។ ការលើកឡើងនេះ ធ្វើឡើងក្នុងពិធីបិទសន្និបាតបូកសរុបការងារ របស់ក្រសួងអភិវឌ្ឍន៍ជនបទ នៅរសៀលថ្ងៃទី ២០ ខែមីនា ឆ្នាំ ២០២៤នេះ។
![](https://www.kampucheathmey.com/wp-content/uploads/2024/03/009-20-1024x614.png)
សម្ដេចធិបតី ហ៊ុន ម៉ាណែត បានថ្លែងថា បើគិតត្រឹមឆ្នាំ ២០២៣ គឺបរិមាណផ្លូវជនបទបានកើនដល់ចំនួន ៥០ ២៦២ គីឡូម៉ែត្រ ស្មើនឹង ៧៤ភាគរយ នៃផ្លូវសរុបនៅទូទាំងប្រទេស។ ជាការពិតផ្លូវទាំងនោះ មិនទាន់គ្របដណ្ដប់ទាំងអស់ជាផ្លូវបេតុង ឬក៏ផ្លូវកៅស៊ូ ដោយផ្លូវខ្លះនូវជាផ្លូវលំ និងផ្លូវដីក្រហមនៅឡើយ តែបរិមាណតភ្ជាប់ផ្លូវជាង ៥ម៉ឺនគីឡូម៉ែត្រនេះ គឺបានតភ្ជាប់ឲ្យប្រជាពលរដ្ឋធ្វើសកម្មភាពសេដ្ឋកិច្ចរួចទៅហើយ។
សម្ដេចនាយករដ្ឋមន្ត្រី បានថ្លែងបន្តថា «យើងអាចធ្វើដំណើរតភ្ជាប់ ប្រជាពលរដ្ឋអាចដឹកកសិផល ប្រជាពលរដ្ឋធ្វើដំណើរឆ្លងកាត់ទទួលនូវសេវាសុខាភិបាល ការរៀនសូត្រ ភ្ជាប់ពីតំបន់ដាច់ស្រយាលទៅជាមួយនឹងក្រុង កៀកនៅក្នុងជីវភាពរស់នៅរបស់ប្រជាពលរដ្ឋ»។
![](https://www.kampucheathmey.com/wp-content/uploads/2024/03/002-6.jpg)
ប្រមុខរាជរដ្ឋាភិបាល បានលើកឡើងថា ការកសាង និងស្ថាបនាផ្លូវជនបទជាង ៥ម៉ឺនគីឡូម៉ែត្រនេះ មិនមែនជាចំនួនតិចនោះទេ ហើយនៅពេលកម្ពុជាកាន់តែមានលទ្ធភាព គឺរាជរដ្ឋាភិបាលនឹងបន្តកែប្រែផ្លូវនៅតាមទីជនបទ ឲ្យទៅជាផ្លូវបេតុង និងកៅស៊ូ បន្ថែមទៀត។
សម្ដេចធិបតី ហ៊ុន ម៉ាណែត មានប្រសាសន៍ថា «អញ្ចឹងការធ្វើជាង ៥ម៉ឺនគីឡូម៉ែត្រនេះ គឺមិនតិចទេ អាហ្នឹងបើមួយជុំផែនដី ចង់មួយជុំជាង ពិតណាស់ផ្លូវវាធ្វើជាកង់ៗដោះស្រាយតាមតំបន់ ហើយទៅមុខទៀតយើងនឹងឈានពេលដែលលទ្ធភាពយើងជាក់ស្ដែងអាចមាន យើងនឹងបន្តគ្របដណ្ដប់ប្រែក្លាយ ពីមុនអត់មានអីជាភ្លឺស្រែទៅជាផ្លូវដីក្រហម ហើយថ្ងៃក្រោយមានលទ្ធភាពពីដីក្រហមទៅជាផ្លូវកៅស៊ូ ឬមួយក៏ផ្លូវបេតុង»។
បើតាមសម្ដេចនាយករដ្ឋមន្ត្រី ប្រជាពលរដ្ឋនៅតាមទីជនបទមួយចំនួន ចង់ឲ្យរាជរដ្ឋាភិបាលកសាង និងស្ថាបនាផ្លូវបេតុងជាជាងផ្លូវកៅស៊ូ ពីព្រោះពួកគាត់យល់ថា ផ្លូវបេតុងមានភាពធន់ ជាប់បានយូរ និងមិនងាយខូច នោះឡើយ៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ