Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

អ្នកប្រើប្រាស់បណ្ដាញសង្គមរបស់ក្រុមហ៊ុន Meta ដូចជា Facebook, Instagram និង Messenger នៅជុំវិញពិភពលោកកំពុងជួបបញ្ហាសាជាថ្មីម្ដងទៀត ជាពិសេស Facebook តែម្ដង ។ នេះបើយោងតាមការចេញផ្សាយដោយសារព័ត៌មាន RT នៅថ្ងៃទី២០ ខែមីនានេះ ។

ដោយឡែកយោងតាមគេហទំព័រ DownDetector ក៏បានឲ្យដឹងដែរថា អ្នកប្រើប្រាស់បណ្ដាញសង្គម Facebook នៅតំបន់នានាទូទាំងសហរដ្ឋអាមេរិក ចក្រភពអង់គ្លេស អឺរ៉ុប និងអាស៊ី កំពុងជួបបញ្ហាមិនលោត Story ក្នុងកម្មវិធីទូរស័ព្ទ ជាពិសេសនៅត្រង់មុខងារ Search គឺបាត់ទិន្នន័យចាស់ៗទាំងអស់តែម្ដង ។

ទោះយ៉ាងណា ភាពរអាក់រអួលនេះមិនជាប៉ះពាល់ធ្ងន់ធ្ងរប៉ុន្មានទេ ប៉ុន្តែវាកើតឡើងត្រឹមតែរយៈពេលតែជាង ២ សប្ដាហ៍ប៉ុណ្ណោះ ចាប់តាំងពីបណ្ដាញសង្គម Facebook ជាប់គាំងនៅទូទាំងពិភពលោកជាង ២ ម៉ោង និងខាតបង់ប្រាក់ជាង ១៨ ពាន់លានដុល្លារ ៕

ដោយ ៖ សុខ ជីវ័ន្ត

ចុចអាន ៖ ប្រធានាធិបតី វៀតណាម ប្រកាសលាលែងពីតំណែង