ព័ត៌មាន​បឋម៖ មាន​ការ​បិទ​កោះពេជ្រ​មុន​នេះ

មុន​នេះបន្តិច​មាន​សេចក្តី​រាយការណ៍​ពីការ​បិទកោះពេជ្រ បន្ទាប់ពី​សង្ស័យ​មាន​ករណីឆ្លង​កូវីដ ១៩។

​សម្តេចតេជោ ហ៊ុន សែន នាយករដ្ឋមន្ត្រីកម្ពុជា នឹង​ថ្លែងសារបន្ទាន់មួយ​ចេញពីគេហដ្ឋាននៅក្រុងតាខ្មៅនៅម៉ោង ៩ ព្រឹកថ្ងៃទី ២០ ខែកុម្ភៈ ឆ្នាំ២០២១ នេះ។

គួ​របញ្ជាក់​ថា នៅ​ប៉ុន្មានម៉ោង​មុន​នេះ រដ្ឋមន្រ្តី​ក្រសួង​ព័ត៌មាន​បាន​បង្ហើប​​តម្រុយ​ការ​ឆ្លង​កូវីដ ១៩ ធ្ងន់ធ្ងរ​នៅកម្ពុជា ស្រប​ពេល​ដែល​ពលរដ្ឋ​កំពុង​ទន្ទឹង​រង់ចាំ​របាយការណ៍​របស់​ក្រសួង​សុខាភិបាល​។

ឯកឧត្តម​ខៀវ កាញារីទ្ធ បាន​ថ្លែង​ថា៖ “ថ្ងៃនេះ មានរឿងកូវីដ១៩ ធ្ងន់​នៅ​កម្ពុជា​ហើយ ។ សូមរង់ចាំ ដំណឹងពីសុខាភិបាល”។

គិត​ត្រឹម​ម៉ោង​នេះ ក្រសួង​សុខាភិបាល​មិន​ទាន់​ចេញ​របាយការណ៍​ពី​ស្ថានភាព​កូវីដ​នៅ​ឡើយ​ទេ៕

អត្ថបទ៖ ប៊ុណ្ណារ៉ា