មុននេះចេញ​បញ្ជី​ជនសង្ស័យឆ្លងកូវីដ ១៩ រង់ចាំការ​បញ្ជាក់ពី​ក្រសួង​សុខាភិបាល

ព័ត៌មានបឋមមាន​ការ​ផ្សព្វផ្សាយ​បញ្ជី​ជន​សង្ស័យ ឆ្លងកូវីដ ១៩ ដែល​ត្រូវចែកចាយ​តៗ​គ្នាលើ​បណ្តាញ​សង្គម។

យ៉ាង​ណា ​​ក្រសួង​សុខាភិបាល​មិនទាន់បញ្ជាក់​ពីអត្តសញ្ញាណ​ជន​សង្ស័យ​ដែល​ឆ្លង​កូវីដ ១៩ ស្រប​​ពេល​បន្តិច​ទៀត​នេះ​សម្តេច​តេជោ ហ៊ុន សែន​នឹង​ថ្លែង​សារ​បន្ទាន់ពីក្រុង​តាខ្មៅ​។

គួ​របញ្ជាក់​ថា នៅ​ប៉ុន្មានម៉ោង​មុន​នេះ រដ្ឋមន្រ្តី​ក្រសួង​ព័ត៌មាន​បាន​បង្ហើប​ពី​តម្រុយ​ការ​ឆ្លង​កូវីដ ១៩ ធ្ងន់ធ្ងរ​នៅកម្ពុជា ស្រប​ពេល​ដែល​ពលរដ្ឋ​កំពុង​ទន្ទឹង​រង់ចាំ​របាយការណ៍​របស់​ក្រសួង​សុខាភិបាល​។

ឯកឧត្តម​ខៀវ កាញារីទ្ធ បាន​ថ្លែង​ថា៖ “ថ្ងៃនេះ មានរឿងកូវីដ១៩ ធ្ងន់​នៅ​កម្ពុជា​ហើយ ។ សូមរង់ចាំ ដំណឹងពីសុខាភិបាល”។

គិត​ត្រឹម​ម៉ោង​នេះ ក្រសួង​សុខាភិបាល​មិន​ទាន់​ចេញ​របាយការណ៍​ពី​ស្ថានភាព​កូវីដ​នៅ​ឡើយ​ទេ៕