ព័ត៌មានអន្ដរជាតិ
ថៃ បញ្ជូនជំនួយមនុស្សធម៌លើកដំបូងចូលទឹកដី មីយ៉ាន់ម៉ា តែរងមតិរិះគន់ថា ទើរត្រឹមយោធា
ប្រទេសថៃបានដឹកជញ្ជូនជំនួយមនុស្សធម៌លើកដំបូងរបស់ខ្លួនទៅកាន់ទឹកដីមីយ៉ាន់ម៉ាដែលកំពុងយាយីដោយសង្រ្គាមផ្ទៃក្នុងកាលពីថ្ងៃចន្ទ ទី២៥ ខែមីនា ដើម្បីជួយសម្រាលស្ថានភាពលំបាកនៃប្រជាជនមីយ៉ាន់ម៉ារាប់លាននាក់ ដែលកំពុងផ្លាស់ទីជម្រកគេចពីសង្គ្រាម ។ នេះបើតាមការចុះផ្សាយរបស់សារព័ត៌មានថៃ Khaosod ។
![](https://www.kampucheathmey.com/wp-content/uploads/2024/03/Myanmar1.jpg)
ទន្ទឹមនឹងនោះ ក៏មានការរិះគន់ពីសាធារណមតិផងដែរថា ជំនួយទាំងនោះនឹងផ្តល់ជាប្រយោជន៍ត្រឹមតែប្រជាពលរដ្ឋមីយ៉ាន់ម៉ាដែលស្ថិតក្នុងតំបន់ក្រោមការគ្រប់គ្រងរបស់កងទ័ពយោធាតែប៉ុណ្ណោះ ។ ដោយឡែក ប្រជាពលរដ្ឋជាច្រើនទៀតដែលសល់នៅពីក្រោយនោះ ពិសេសក្នុងតំបន់ជម្លោះ ពុំមានឱកាស ឬមានសិទ្ធិអាចយកជំនួយនេះបានឡើយ ។
យ៉ាងណាមិញ ប្រទេសថៃបានបញ្ជូនជំនួយតាមឡានដឹកទំនិញប្រមាណ ១០ គ្រឿងទៅដល់ព្រំដែនខេត្ត Tak ភាគខាងលិចប្រទេស ដោយមានជំនួយប្រមាណ ៤,០០០ កញ្ចប់ ផ្តល់ទៅកាន់ទីប្រជុំជនចំនួន ៣ ក្នុងរដ្ឋ Kayin ក៏ដូចជារដ្ឋ Karen ប្រទេសមីយ៉ាន់ម៉ាដែលបញ្ជូនបន្តទៅដល់ប្រជាពលរដ្ឋប្រមាណ ២០,០០០ នាក់ ។
![](https://www.kampucheathmey.com/wp-content/uploads/2024/03/Myanmar2.jpg)
កញ្ចប់ជំនួយខាងលើនោះ ជាតម្លៃលុយប្រមាណ ៥ លានបាត ប្រហែលនឹង ១៣៨,០០០ ដុល្លារអាមេរិក ដែលភាគច្រើនគឺជាអាហារ ភេសជ្ជៈ សាប៊ូ និងគ្រឿងប្រើប្រាស់ប្រចាំថ្ងៃមួយចំនួន ។
គួររំឭកដែរថា ប្រជាជនជាង ២.៨ លាននាក់នៅមីយ៉ាន់ម៉ានាពេលបច្ចុប្បន្ននេះកំពុងផ្លាស់ទីជម្រក ដោយហេតុផលសង្គ្រាមហែកហួរក្នុងប្រទេស ។ តាមទិន្នន័យពីភ្នាក់ងារអង្គការសហប្រជាជាតិ ប្រជាពលរដ្ឋមីយ៉ាន់ម៉ាប្រមាណ ១៨.៦លាននាក់ រួមទាំងកុមារ ៦ លាននាក់កំពុងត្រូវការជំនួយសង្គ្រោះមនុស្សធម៌ជាចាំបាច់ ៕
![](https://www.kampucheathmey.com/wp-content/uploads/2024/03/Myanmar3.jpg)
![](https://www.kampucheathmey.com/wp-content/uploads/2024/03/Myanmar4.jpg)
ដោយ៖ មាន រតនា
![](https://kampucheathmey.com/wp-content/uploads/2020/12/1-01-2-01-1.png)
-
សេដ្ឋកិច្ច៦ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ១ សប្តាហ៍ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៦ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច១ សប្តាហ៍ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
សេចក្ដីជូនដំណឹង២២ ម៉ោង ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានជាតិ១ សប្តាហ៍ ago
សម្ដេចតេជោ អំពាវនាវឱ្យចូលគ្រុបតេឡេក្រាម«មូលនិធិកសាងហេដ្ឋារចនាសម្ព័ន្ធព្រំដែនផ្តោតលើការកសាងផ្លូវក្រវាត់ព្រំដែន»
-
ព័ត៌មានជាតិ៤ ថ្ងៃ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
សេចក្ដីជូនដំណឹង១ សប្តាហ៍ ago
បុគ្គលិក គ្រួសារ Galaxy Navatra Group ជាង 3.000 នាក់បរិច្ចាគម្នាក់ 5ពាន់រៀល ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន»