ព័ត៌មានអន្ដរជាតិ
តុលាការឧក្រិដ្ឋកម្មទីក្រុងបាងកក កាត់ទោសមនុស្សជិត ៧០នាក់ពាក់ព័ន្ធនឹងការតវ៉ាដ៏ធំ កាលពីឆ្នាំ ២០០៨
តុលាការថៃកាលពីថ្ងៃសុក្រ បានកាត់ទោសមនុស្សជិត ៧០នាក់ ពីបទចោទប្រកាន់ទាំងអស់ ពាក់ព័ន្ធនឹងការតវ៉ាដ៏ធំ ដែលបានបិទអាកាសយានដ្ឋានពីររបស់ទីក្រុងបាងកក កាលពីឆ្នាំ ២០០៨ អស់រយៈពេលប្រហែល ១០ ថ្ងៃ។
យោងតាមការផ្សាយរបស់សារព័ត៌មាន Khaosod នៅថ្ងៃសៅរ៍នេះបានឱ្យដឹងថា សេចក្តីសម្រេចរបស់តុលាការឧក្រិដ្ឋកម្មទីក្រុងបាងកកគឺជាលើកទីពីរហើយក្នុងឆ្នាំនេះ ដោយបានរកឃើញថា ក្រុមបាតុករមួយចំនួនដែលប្រឆាំងនឹងរដ្ឋាភិបាលដឹកនាំដោយសម្ព័ន្ធមិត្តរបស់អតីតនាយករដ្ឋមន្ត្រី លោកថាក់ស៊ីន ស៊ីណាវ៉ាត្រា មិនបានប្រព្រឹត្តបទល្មើសព្រហ្មទណ្ឌធ្ងន់ធ្ងរនៅក្នុងសកម្មភាពរបស់ពួកគេឡើយ។ ហើយតុលាការបានសម្រេចកាលពីថ្ងៃសុក្រថា ការតវ៉ានៅអាកាសយានដ្ឋានត្រូវបានការពារនៅក្រោមរដ្ឋធម្មនុញ្ញ ដោយសារតែក្រុមអ្នកតវ៉ាមិនមានអាវុធ នេះបើតាមការផ្សាយជាសាធារណៈ Thai PBS និងកាសែតថៃរ៉ាត់។
យ៉ាងណាមិញសម្រាប់ មនុស្ស ៦៧នាក់នៅក្នុងសំណុំរឿងកាលពីថ្ងៃសុក្រ ត្រូវបានតុលាការចោទប្រកាន់ជារួម ក្នុងនោះរួមទាំងការបះបោរ និងអំពើភេរវកម្មដែលនាំឱ្យមានការកាត់ទោសប្រហារជីវិត។
សូមជម្រាបជូនថា ជនជាប់ចោទរាប់សិបនាក់ដែលពាក់ព័ន្ធនឹងការតវ៉ានៅអាកាសយានដ្ឋានឆ្នាំ ២០០៨ ត្រូវបានបែងចែកជាពីរក្រុម ហើយត្រូវបានចោទប្រកាន់ក្នុងឆ្នាំ ២០១៣ ។ ក្រុមទីមួយត្រូវបានដោះលែងកាលពីខែមករា ឆ្នាំ ២០២៤ ហើយក្នុងនោះមានមនុស្សប្រហែល ១០នាក់ត្រូវបានពិន័យជាប្រាក់ចំនួន ២០.០០០០ បាត (៥៥០ ដុល្លារ) សម្រាប់ការរំលោភលើក្រឹត្យបន្ទាន់មួយដែលបានហាមឃាត់ការប្រមូលផ្ដុំជាសាធារណៈ ។
ជាមួយគ្នានេះសម្រាប់ក្រុមបាតុករ អាវលឿង ដែលគេស្គាល់ថាជាក្រុមបង្ហាញពីភាពស្មោះត្រង់ចំពោះរាជានិយមថៃ បានកាន់កាប់ព្រលានយន្តហោះដុនមឿង និងសុវណ្ណភូមិ។ ពួកគេបានទាមទារឱ្យមានការលាលែងពីតំណែងរបស់រដ្ឋាភិបាលដែលស្មោះត្រង់នឹងលោកថាក់ស៊ីន ដែលត្រូវបានបណ្តេញចេញពីអំណាចដោយរដ្ឋប្រហារយោធាឆ្នាំ ២០០៦ បន្ទាប់ពីការតវ៉ារបស់ក្រុមអាវលឿងដ៏ធំ ដោយចោទប្រកាន់គាត់(លោក ថាក់ស៊ីន) ពីបទពុករលួយ និងការមិនគោរពរបបរាជានិយម។ កាលនោះក្រុមបាតុករបានបិទប្រតិបត្តិការព្រលានយន្តហោះ និងបានផ្គើននឹងដីកាអំពាវនាវឱ្យពួកគេចាកចេញ។ ការឡោមព័ទ្ធបានបញ្ចប់ បន្ទាប់ពីសេចក្តីសម្រេចរបស់តុលាការបានបង្ខំ នាយករដ្ឋមន្ត្រី Somchai Wongsawat ដែលជាប្អូនថ្លៃរបស់លោកថាក់ស៊ីន ចេញពីតំណែង។
ក្នុងឆ្នាំ ២០១១ តុលាការរដ្ឋប្បវេណីបានបញ្ជាឱ្យមេដឹកនាំក្រុមនេះបង់ប្រាក់ចំនួន ៥២២លានបាត (១៤.៧ លានដុល្លារ) ជាការខូចខាតដល់អាជ្ញាធរអាកាសយានដ្ឋានរដ្ឋ ៕
ប្រែសម្រួលដោយ÷ ប៉ោ កុសល
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា