ព័ត៌មានជាតិ
ការងារអភិវឌ្ឍន៍ជនបទជាផ្នែកមួយសំខាន់ដើម្បីឆ្លើយតបបាននូវចក្ខុវិស័យរបស់រាជរដ្ឋាភិបាល
ថ្នាក់ដឹកនាំក្រសួងអភិវឌ្ឍន៍ជនបទបានលើកឡើងថា ការងារអភិវឌ្ឍន៍ជនបទជាផ្នែកមួយសំខាន់ខ្លាំងណាស់ដើម្បីឆ្លើយតបបាននូវចក្ខុវស័យរបស់រាជរដ្ឋាភិបាល ក្នុងការប្រែក្លាយកម្ពុជាជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងមានប្រាក់ចំណូលខ្ពស់នៅឆ្នាំ២០៥០។
![](https://www.kampucheathmey.com/wp-content/uploads/2024/04/photo_2024-04-02_11-15-44.jpg)
ថ្លែក្នុងកិច្ចប្រជុំផ្សព្វផ្សាយលទ្ធផលសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ ដែលបានធ្វើឡើងនៅសាលប្រជុំទុរេន សាលាខេត្តកំពត នាថ្ងៃទី១ ខែមេសា ឆ្នាំ២០២៤ លោក សាន វិសាល រដ្ឋលេខាធិការក្រសួងអភិវឌ្ឍន៍ជនបទបានមានប្រសាសន៍ថា រាជរដ្ឋាភិបាលក្រោមការដឹកនាំដ៏ប៉ិនប្រសប់របស់សម្តេចមហាបវរធិបតី ហ៊ុន ម៉ាណេត នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនូវយុទ្ធសាស្ត្របញ្ចកោណដំណាក់កាលទី១ គឺកំណើន ការងារ សមធម៌ ប្រសិទ្ធភាព និងចីរភាព ព្រមទាំងកំណត់អាទិភាពគន្លិះចំនួន៥ រួមមាន៖ មនុស្ស ផ្លូវ ទឹក ភ្លើង និងបច្ចេកវិទ្យាឌីជីថល ដែលជាមូលដ្ឋានសម្រាប់ការរៀបចំគោលនយោបាយ និងផែនការយុទ្ធសាស្ត្រតាមវិស័យ ក្នុងគោលបំណងអភិវឌ្ឍន៍កម្ពុជា ជាប្រទេសមានប្រាក់ចណូលមធ្យមកម្រិតខ្ពស់នៅឆ្នាំ២០៣០ និងមានប្រាក់ចំណូលកម្រិតខ្ពស់នៅឆ្នាំ២០៥០។
ផ្អែកតាមចក្ខុវិស័យរបស់រាជរដ្ឋាភិបាល ក្រសួងអភិវឌ្ឍន៍ជនបទក៏បានដាក់ចុះនូវផែនការយុទ្ធសាស្ត្ររយៈពេល៥ឆ្នាំ ចំនួន៤សំខាន់ គឺ ១. អភិវឌ្ឍន៍ហេដ្ឋារចនាសម្ព័ន និងគមនាគម ២.លើកកម្ពស់លក្ខខណ្ឌនៃការរស់នៅរបស់សហគមន៍ជនបទ ៣.ធ្វើពិពិធកម្ម សកម្មភាពសេដ្ឋកិច្ចជនបទ និងទី៤ ពង្រឹងសេវាគាំទ្ររដ្ឋបាល និងកិច្ចការទូទៅ ក្នុងគោលដៅលើកកម្ពស់សមត្ថភាព ធនធានមនុស្ស និងស្ថាប័ន ដែលយុទ្ធសាស្ត្រទាំងបួននេះ ជាផ្នែកមួយសំខាន់ក្នុងការឈានទៅសម្រេចចក្ខុវិស័យេរបស់រាជរដ្ឋាភិបាល។ លោក សាន វិសាល ស្នើដល់មន្ទីរជំនាញពាក់ព័ន្ធ អាជ្ញាធរ និងអង្គការដៃគូ ត្រូវបន្តយកចិត្តទុកដាក់លើកការងារអភិវឌ្ឍន៍ជនបទឲ្យមានប្រសិទ្ធភាពខ្ពស់។
![](https://www.kampucheathmey.com/wp-content/uploads/2024/04/photo_2024-04-02_11-14-23.jpg)
លោក សេង សិរីបុត្រ អភិបាលរងខេត្តកំពត បានលើកឡើងថា លោកសូមវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រសួងក៏ដូចជាមន្ទីរអភិវឌ្ឍន៍ជនបទ និងអង្គការដៃគូរដែលបានចូលរួមសហការគ្នាសម្រេចបានលទ្ធផលការងារគួរជាទីមោទន។ ការងារអភវិឌ្ឍន៍ជនបទសំខាន់ណាស់ក្នុងការបើកច្រកទ្វារនៅគ្រប់មូលដ្ឋាន និងតភ្ជាប់ទំនាក់ទំនងសេដ្ឋកិច្ច កាត់បន្ថយភាពក្រីក្រ និងការលើកកម្ពស់ជីវភាពរបស់ប្រជាពលរដ្ឋ និងគម្លាតរវាងអ្នករស់នៅទីជនបទ និងទីប្រជុំជន។
![](https://www.kampucheathmey.com/wp-content/uploads/2024/04/photo_2024-04-02_11-14-49-1024x511.jpg)
លោក សេង សិរីបុត្រ អភិបាលរងខេត្តកំពតបានស្នើឲ្យក្រសួងក៏ដូចជាមន្ទីរ អង្គការពាក់ព័ន្ធ បន្តខិតខំយកចិត្តទុកដាក់លើកការងារនេះបន្តទៀត ដើម្បីសម្រេចបាននូវចក្ខុវិស័យរបស់រាជរដ្ឋាភិបាល នៅឆ្នាំ២០៣០ កម្ពុជានឹងក្លាយជាប្រទេសមានប្រាក់ចំណូលមធ្យមកម្រិតខ្ពស់ និង មានប្រាក់ចំណូលខ្ពស់នៅឆ្នាំ២០៥០។
![](https://www.kampucheathmey.com/wp-content/uploads/2024/04/photo_2024-04-02_11-15-54-1024x567.jpg)
លោក ហ៊ សូរិន ប្រធានមន្ទីរអភិវឌ្ឍន៍ជនបទ បានថ្លែងអំណរគុណដល់លោករដ្ឋមន្ត្រី និងថ្នាក់ដឹកនាំក្រសួង ពិសេសថ្នាក់ដឹកនាំខេត្ត ដែលតែងតែបានគាំទ្រ និងផ្តល់គម្រោងជូនដល់មន្ទីររហូតមកដល់សព្វថ្ងៃនេះ។ លោករំពឹងថា ឆ្នាំ២០៣០យ៉ាងយូរ ផ្លូវជនបទនៅខេត្តកំពត ពិសេសផ្លូវមេសំខាន់ៗក្នុងខេត្ត នឹងក្លាយជាផ្លូវកៅស៊ូ៕
អត្ថបទ៖ សឹង រ៉ាត់
![](https://www.kampucheathmey.com/wp-content/uploads/2024/04/photo_2024-04-02_11-15-04-1024x567.jpg)
![](https://www.kampucheathmey.com/wp-content/uploads/2024/04/photo_2024-04-02_11-14-58.jpg)
![](https://www.kampucheathmey.com/wp-content/uploads/2024/04/photo_2024-04-02_11-14-54.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ