សាវិន ហ្វីលីព យល់ថា ការកសាងរូបសេះសមុទ្របាញ់ទឹក នៅកំពត ជាគំនិតដ៏អស្ចារ្យ ទាញភ្ញៀវទេសចរ

ស្របពេល​ដែល​មាន​មហាជន និង​អ្នក​ប្រើប្រាស់​បណ្តាញ​សង្គម​​ហ្វេសប៊ុក​មួយ​​ចំនួន បាន​កំពុង​មាន​ការ​ជជែក​វែកញែក​ពាក់ព័ន្ធ​រឿង​ការ​សាង​សង់​រូប​សេះ​សមុទ្រ​បាញ់ទឹកនៅ​ខេត្តកំពត​នោះ​តារា​សម្តែង​ល្បីឈ្មោះ​លោក សាវិន ហ្វីលីព បាន​បញ្ចេញ​ទស្សនៈ​ដោយ​យល់​ឃើញ​ថា​ នេះជា​គំនិត​​ដ៏​អស្ចារ្យ​មួយ​ច្រើន​ជាង​មហាជន​មួយ​ចំនួន​ដែល​កំពុង​យក​រូបភាព​នេះ​ទៅ Troll លេង​សើច។

តាម​ការ​កត់​សម្គាល់​ក្រោយ​មាន​ការ​បង្ហោះ​ចែករំលែក​នូវ​រូបភាព​សេះ​សមុទ្របាញ់ទឹក​នៅ​ឯឆ្នេរ​សមុទ្រ​ខេត្ត​កំពតនោះ​ គេសង្កេត​ឃើញទស្សនិកជន និង​អ្នកប្រើប្រាស់​បណ្តាញ​សង្គម​ហ្វេសប៊ុក​មួយចំនួន​ធំ​បាន​បង្ហាញ​ការ​ចាប់​អារម្មណ៍ និង​កោត​សរសើរ​គ្រប់គ្នា​ចំពោះ​សមិទ្ធផល​ថ្មី​មួយនេះ​ តែ​ផ្ទុយគ្នានោះ​ក៏​មាន​បុគ្គល​មួយចំនួនតូច​បានរិះគន់​លក្ខណៈ​សើច​ចំអក​ឡកឡឺយ​ផង​ដែរ។

ងាក​មក​ចាប់​អារម្មណ៍​តារា​សម្តែង​លោក​ សាវិន ហ្វីលីព បាន​បញ្ចេញមតិ​កោត​សរសើរ និង​អរគុណ​ដល់​ថ្នាក់​ដឹកនាំ​ក្នុង​ខេត្ត​កំពតថា“ខ្ញុំ​សូមកោត​សរសើរថ្នាក់ដឹកនាំ​ខេត្ត​កំពត​ដែល​បាន​កសាង​រូបសេះ​សមុទ្របាញ់​ទឹកនេះទ្បើងដើម្បីបង្កើនសម្រស់ឆ្នេរ និង​ទាក់ទាញ​ភ្ញៀវទេសចរ​មកលេងខេត្តនេះ​បន្ថែមទៀត“។

តារា​សម្តែង​មាន​ប្រជាប្រិយ​ភាព​លោក សាវិន ហ្វីលីព លើក​ឡើង​​ន្ថែមទៀតថា «ក្នុងនាម​លោកជា​ប្រជាពល​រដ្ឋខ្មែរម្នាក់​ដែល​​ឧស្សាហ៍​ចេញចូល​ខេត្ត​នេះ​លោក​មើលឃើញថា នេះជាគំនិតដ៏អស្ចារ្យមួយច្រើនជាងមហាជនមួយចំនួន​ដែលកំពុងយករូបភាពនេះទៅ Troll លេង​សើចទៅវិញ…»។

យ៉ាងមិញ​មិនខុសគ្នាពីលោក សាវិន ហ្វីលីព នោះ​ទេគេក៏សង្កេត​ឃើញ​មានអ្នកគាំទ្រមួយ​ចំនួន​ទៀត​បាន​ជម្រុញឲ្យអ្នក​ដែល​កំពុងរិះគន់​ត្រូវគិតឡើងវិញ​អំពីបញ្ហា​នេះ។ ក្នុងនោះមានការលើកឡើងថា «គួតែខេត្ត​ដ៏​ទៃ​ទៀតជាប់ឆ្នេសមុទ្រ និង​មានទន្លេរមេគង្គ​ហូរកាត់គួរតែរំលេចរូបតំណាងឆ្នេរ និងទន្លេដែល​ហូរ​កាត់​ខេត្តខ្លួនដើម្បីជា​សម្រស់ក្នុងការទាក់ទាញ​ទេសចរ​ក្នុង និងក្រៅស្រុក​ឲ្យមានភាព​រស់​ររើក​ឡើង»៕

អត្ថបទ៖ ចាន់រ៉ា