ព័ត៌មានជាតិ
ឧត្តមសេនីយ៍ឯក ហ៊ុន ម៉ានិត៖ ការងារហ្វឹកហ្វឺន គឺជាការបង្កើនសមត្ថភាព និងពង្រឹងស្មារតីរបស់កងទ័ព
ក្នុងពិធីបិទវគ្គហ្វឹកហ្វឺនបណ្តុះបណ្តាលជំនាញអង្គរក្សពិសេស នៅខេត្តកំពង់ស្ពឺ ឧត្តមសេនីយ៍ឯក ហ៊ុន ម៉ានិត បានចាត់ទុកការងារហ្វឹកហ្វឺន ជាការបង្កើនសមត្ថភាព ក៏ដូចជាការពង្រឹងនូវស្មារតីរបស់កងទ័ពឱ្យកាន់តែមុះមុតក្នុងកិច្ចការពារជាតិ និងការពារថ្នាក់ដឹកនាំ។
នៅមជ្ឈមណ្ឌលហ្វឹកហ្វឺនបញ្ជាការដ្ឋានអង្គរក្ស ស្ថិតនៅភូមិសាស្ត្រភ្នំស្រង់ ស្រុកគងពិសី ខេត្តកំពង់ស្ពឺ កាលពីថ្ងៃទី៨ ខែមេសា ឆ្នាំ២០២៤ ឧត្តមសេនីយ៍ឯក ហ៊ុន ម៉ានិត តំណាងសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអញ្ជើញជាអធិបតីក្នុងពិធីបិទវគ្គហ្វឹកហ្វឺនបណ្តុះបណ្តាលជំនាញអង្គរក្សពិសេស ជំនាន់ទី២៩ និងប្រកាសបើកវគ្គបន្ត ជំនាន់ទី៣០។
ក្នុងពិធីបិទនេះ ឧត្តមសេនីយ៍ឯក ហ៊ុន ម៉ានិត អគ្គនាយកនៃអគ្គនាយកដ្ឋានស្រាវជ្រាវចារកិច្ច ក្រសួងការពារជាតិ និងជាមេបញ្ជាការរងកងទ័ពជើងគោក បានសម្ដែងការអបអរសាទរដល់កងទ័ពដែលបានបញ្ចប់ជាស្ថាពរនៅវគ្គហ្វឹកហ្វឺនជំនាញអង្គរក្សពិសេសពេលនេះ ប្រកបដោយលទ្ធផលយ៉ាងល្អប្រសើរ ហើយក៏ស្វាគមន៍សិក្ខាកាមថ្មីៗដែលនឹងបន្តការហ្វឹកហ្វឺនជំនាញនេះ។
ឧត្តមសេនីយ៍ឯក ហ៊ុន ម៉ានិត លើកឡើងថា ភាពជោគជ័យនៃការហ្វឹកហ្វឺននាថ្ងៃនេះ និងពេលកន្លងមក គឺអាស្រ័យដោយភាពស្មោះត្រង់ និងឆន្ទៈមោះមុតរបស់កងទ័ព ជាពិសេសទទួលបានការគាំទ្រពីក្រុមគ្រួសារ ការជំរុញលើកទឹកចិត្តពីយោធាចារ្យ និងថ្នាក់ដឹកនាំបញ្ជាការដ្ឋានអង្គរក្ស។
ឧត្តមសេនីយ៍ឯក ហ៊ុន ម៉ានិត ក៏បានគូសបញ្ជាក់ពីតួនាទីដ៏សំខាន់របស់កងអង្គរក្ស ដែលបានក្លាយជាកម្លាំងស្នូលក្នុងការការពារសុវត្ថិភាពសន្តិសុខថ្នាក់ដឹកនាំ ប្រមុខរាជរដ្ឋាភិបាល និងលើកិច្ចការពារជាតិបូរណភាពទឹកដីរបស់កម្ពុជា។ តាមរយៈនេះ លោកឧត្តមសេនីយ៍ឯក ចាត់ទុកថា ការរៀនសូត្រ ជាការវិវត្តខ្លួនគ្មានទីបញ្ចប់ ពោល គឺត្រូវរៀនសូត្រអភិវឌ្ឍន៍ខ្លួនជាប់ជាប្រចាំ អស់មួយជីវិតនៅលើចំណេះដឹង និងចំណីធ្វើ ដើម្បីពង្រឹងសមត្ថភាព ជំនាញ ក្នុងការបំពេញតួនាទីភារកិច្ចរបស់ខ្លួនឲ្យទទួលបានជោគជ័យ។
ឧត្តមសេនីយ៍ឯក ហ៊ុន ម៉ានិត បានលើកឡើងដូច្នេះថា៖ «ការងារហ្វឹកហ្វឺន គឺជាកាបណ្តុះបណ្តាលបង្កើនសមត្ថភាព ពង្រឹងស្មារតី កងទ័ពរបស់យើង ក្នុងការការពារសុវត្ថិភាពថ្នាក់ដឹកនាំ ទប់ស្កាត់ និងប្រឆាំងភេរវកម្ម ជាពិសេសការពារថែរក្សាសុខសន្តិភាពជូនប្រជាជន»៕
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ