ព័ត៌មានអន្ដរជាតិ

ឧបការីរដ្ឋមន្ត្រីបរទេសអាមេរិកទៅទស្សនកិច្ចនៅចិនថ្ងៃស្អែក

បានផុស

៨ ខែ មុន

នៅ

ថ្ងៃអាទិត្យ ១៤ មេសា ២០២៤

ដោយ

មន្ត្រីទូតកំពូលរបស់សហរដ្ឋអាមេរិកប្រចាំតំបន់អាស៊ីបូព៌ានឹងទៅបំពេញទស្សនកិច្ចនៅប្រទេសចិនចាប់ពីថ្ងៃអាទិត្យ ទី១៤ ខែមេសា ឆ្នាំ២០២៤ បន្ទាប់ពីលោកប្រធានាធិបតី ចូ បៃដិន ទើបតែរៀបចំកិច្ចប្រជុំកំពូលជាមួយមេដឹកនាំជប៉ុន និងហ្វីលីពីន ដែលផ្តោតលើសមុទ្រចិនខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការបរទេសសហរដ្ឋអាមេរិកបាននិយាយថា ឧបការីរដ្ឋមន្ត្រីការបរទេសសហរដ្ឋអាមេរិកប្រចាំតំបន់អាស៊ីបូព៌ា និងប៉ាស៊ីហ្វិក លោក Daniel Krtitenbrink នឹងធ្វើដំណើរទៅបំពេញទស្សនកិច្ចនៅប្រទេសចិនរយៈពេល៣ថ្ងៃគឺទី១៤-១៥-១៦ ខែមេសា ឆ្នាំ២០២៤។ ជាមួយគ្នានេះនាយកជាន់ខ្ពស់ក្រុមប្រឹក្សាសន្តិសុខជាតិអាមេរិកសម្រាប់កិច្ចការចិន និងតៃវ៉ាន់ លោកស្រី Sarah Beran នឹងអមដំណើរលោក Daniel ដែរ។

តាមសេចក្តីថ្លែងការណ៍របស់ក្រសួងការបរទេសអាមេរិកបានបញ្ជាក់ថា មន្ត្រីទូតកំពូលទាំងពីរនឹងជួបភាគីចិនដែលផ្តោតលើកិច្ចខិតខំប្រឹងបន្តដើម្បីរក្សាទំនាក់ទំនងបើកចំហរ និងគ្រប់គ្រងលើការប្រកួតប្រជែងដោយទទួលខុសត្រូវ។

ប្រទេសចិន និងហ្វីលីពីនមានជម្លោះដែនសមុទ្រជាច្រើនកាលពីខែមុនរាប់បញ្ចូលទាំងការប្រើប្រាស់កាណុងបាញ់ទឹក និងសង្គ្រាមពាក្យសំដីដ៏ក្តៅគគុក។ ជម្លោះជុំវិញ Second Thomas Shoal ដែលជាផ្ទះទី២របស់ទាហានហ្វីលីពីនមួយចំនួននៅលើនាវាចម្បាំង១គ្រឿងដែលរដ្ឋាភិបាលទីក្រុងម៉ានីលបានចតនៅទីនោះតាំងពីឆ្នាំ១៩៩៩ដើម្បីពង្រឹងការទាមទារអធិបតេយ្យភាពរបស់ខ្លួន។

ចិនបានអះអាងថា សមុទ្រចិនខាងត្បូងស្ទើរទាំងស្រុងជារបស់ខ្លួន ក្នុងនោះរាប់បញ្ចូលទាំងតំបន់សេដ្ឋកិច្ចដែនសមុទ្រនៃប្រទេសជិតខាងផង។ ផ្ទះទី២ Second Thomas Shoal គឺស្ថិតនៅក្នុងតំបន់សេដ្ឋកិច្ចផ្តាច់មុខ៣២០គីឡូម៉ែត្ររបស់ហ្វីលីពីន៕

ប្រែសម្រួល៖ វីរបុត្រ
ប្រភព៖ state.gov