ព័ត៌មានអន្ដរជាតិ

ផ្ទុះអាវុធនៅអាកាសយានដ្ឋានអន្តរជាតិកូឡាឡាំពួររបួសធ្ងន់ម្នាក់ព្រឹកមិញ

បានផុស

៥ ខែ មុន

នៅ

ថ្ងៃអាទិត្យ ១៤ មេសា ២០២៤

ដោយ

បុរសម្នាក់បានរងរបួសធ្ងន់ក្នុងការផ្ទុះអាវុធមួយនៅកន្លែងអ្នកដំណើរមកដល់ទី១ក្នុងអាកាសយានដ្ឋានអន្តរជាតិកូឡាំពួរ (KLIA) នៅប្រទេសម៉ាឡេស៊ី នៅព្រឹកថ្ងៃអាទិត្យ ទី១៤ ខែមេសា ឆ្នាំ២០២៤។

អធិការប៉ូលិសទីក្រុង Selangor លោក Hussein Omar Khan បាននិយាយថា ឧបទ្ទវហេតុបានកើតឡើងវេលាម៉ោង១:៣០នាទីព្រឹក ដោយបុរសម្នាក់បាញ់២គ្រាប់ ក្នុងនោះមាន១គ្រាប់បានត្រូវបុរសម្នាក់ដែលជាបុគ្គលិការពារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ប៉ូលិសបានកំណត់សម្គាល់ជនសង្ស័យ និងបានបើកការបង្ក្រាបលើជនសង្ស័យដែលត្រូវបានគេជឿថា បានរត់ភៀសខ្លួនទៅភាគខាងជើង»។ អធិការប៉ូលិសបាននិយាយក្នុងសេចក្តីថ្លែងការណ៍មួយ។

លោកបានបន្តថា ឧបទ្ទវហេតុនេះកើតឡើងដោយសារបញ្ហាផ្ទាល់ខ្លួន និងមិនជាប់ពាក់ព័ន្ធនឹងសកម្មជនភេរវករ ឬក្រុមណាមួយនោះទេ។ «ការស៊ើបអង្កេតរកឃើញថា ជនសង្ស័យមានគោលបំណងបាញ់ប្រពន្ធរបស់គាត់ដែលកំពុងរង់ចាំការមកដល់របស់ Umrah ដែលជាក្រុមធម្មយាត្រាមួយ។ ទោះបីជាយ៉ាងណា ប៉ូលិសនៅតែបន្តស៊ើបអង្កេតបន្ថែមទៀត៕

ប្រែសម្រួល៖ វីរបុត្រ
ប្រភព៖ CNA

Related Topics:ប្រទេសម៉ាឡេស៊ី