ព័ត៌មានជាតិ

ស្រុកមួយក្នុងខេត្តត្បូងឃ្មុំ ទទួលបានភ្ញៀវទេសចរទៅកម្សាន្តចូលឆ្នាំជាង ១០ ម៉ឺននាក់

បានផុស

៩ ខែ មុន

នៅ

ថ្ងៃពុធ ១៧ មេសា ២០២៤

ដោយ

ព្រឹត្តិការណ៍សង្ក្រាន្តអូររាំងឪ រៀបចំឡើងនៅឧទ្យានទន្លេស្ងួត រយៈពេល ៥ ថ្ងៃ ពោលគឺចាប់ពីថ្ងៃទី ១២ ដល់ថ្ងៃទី ១៦ ខែមេសា ឆ្នាំ២០២៤ នេះ បានបញ្ចប់ដោយទទួលបានភ្ញៀវទេសចរមកលេងកម្សាន្តជាង ១០ ម៉ឺននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសបុណ្យចូលឆ្នាំថ្មីប្រពៃណីជាតិ ប្រជាពលរដ្ឋ ភ្ញៀវទេសចរជាតិ និងអន្តរជាតិជាង ១០ ម៉ឺននាក់ (១០៥,០០០នាក់) មកពីគ្រប់ទិសទី បានមកកម្សាន្តសប្បាយព្រឹត្តិការណ៍សង្រ្កាន្តអូររាំងឪឆ្នាំ២០២៤ ជាមួយកម្មវិធីសប្បាយជាច្រើន ដូចជាការលេងល្បែងប្រជាប្រិយខ្មែរ ពិធីសាសនា ការសំដែងសិល្បៈបុរាណ ពិព័រណ៍សមិទ្ធផលមូលដ្ឋាន សួនផ្កាស្បៃរឿងចំនួន ១ លានគុម្ព ការជិះទោងកម្សាន្ត ការប្រកួតកីឡាបាល់ទះ ការប្រគំតន្រ្តីសម័យ និងការរាំលេងកម្សាន្តក្រោមតំណក់ទឹកត្រជាក់ជាដើម។

អ្នកចូលរួមបានលើកឡើងថា សង្រ្កាន្តអូររាំងឪ ឆ្នាំ២០២៤ នេះ បានដំណើរការយ៉ាងអធឹកអធមខុសប្លែកពីឆ្នាំមុនៗ ជាពិសេសបានដំណើរការក្នុងតំបន់ឧទ្យានទន្លេស្ងួត ដែលជាតំបន់ធម្មជាតិ និងប្រវត្តិសាស្រ្ត មានទេសភាពស្រស់ស្អាត ខុសពីពេលមុនតំបន់នេះមានភាពស្ងប់ស្ងាត់ មិនដែលមានមនុស្សច្រើនបានស្គាល់។

ក្នុងឱកាសបុណ្យឆ្នាំថ្មីប្រពៃណីជាតិនេះ ប្រជាពលរដ្ឋ ប្រុស ស្រី ក្មេង ចាស់ បានសប្បាយរីករាយ ប្រកបដោយសាមគ្គីភាពរស់នៅក្រោមម្លប់សន្តិភាព និងជាមួយសមិទ្ធផលថ្មីកើតមានលើទឹកដីស្រុកអូររាំងឪ ខេត្តត្បូងឃ្មុំ៕