ព័ត៌មានជាតិ

១២ ថ្ងៃ កម្ពុជាចាក់វ៉ាក់សាំងកូវីដ ដល់ពលរដ្ឋបានចំនួន ៥៨៦០ នាក់

បានផុស

៤ years មុន

នៅ

ថ្ងៃអង្គារ ២៣ កុម្ភៈ ២០២១

ដោយ

ក្រសួងសុខាភិបាលបានបង្ហាញទិន្នន័យ ពីការចាក់វ៉ាក់សាំងបង្ការជំងឺកូវីដ ១៩ លើប្រជាពលរដ្ឋ។ បើតាមរបាយការណ៍របស់ក្រសួងចាប់ពីថ្ងៃ ១០ កុម្ភៈ ដល់ ២២ កុម្ភៈ ពលរដ្ឋដែលចាក់វ៉ាក់សាំងរួចបានចំនួន ៥៨៦០ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរបាយការណ៍ដដែលបានបញ្ជាក់ថា ចំនួនអ្នកស្ម័គ្រចិត្តចាក់វ៉ាក់សាំងមានចំនួន ៧១៥២ នាក់ តែគ្រូពេទ្យមិនអនុញ្ញាតិឲ្យចាក់មានចំនួន ១២៩២ នាក់។

ក្រសួងសុខាភិបាលបានបញ្ជាក់បន្ថែមថា ការចាក់វ៉ាក់សាំងឈរលើគោលការណ៍ស្ម័គ្រចិត្ត ដោយផ្តល់អាទិភាពទៅលើជនប្រឈមមុខខ្ពស់ ដូចជាកងកម្លាំង ក្រុមគ្រូពេទ្យ គ្រូបង្រៀនជាដើម។

គួរបញ្ជាក់ថា កម្ពុជាទទួលបានវ៉ាក់សាំងស៊ីណូហ្វាមដែលជាជំនួយរបស់ចិនចំនួន៦០ម៉ឺនដូសនៅជំហានដំបូង។ ក្នុងនោះរដ្ឋាភិបាលកម្ពុជា បានបែងចែកវ៉ាក់សាំង៣០ម៉ឺនដូសដល់ក្រសួងសុខាភិបាល និង៣០ម៉ឺនដូសដល់ក្រសួងការពារជាតិ។

មកដល់ពេលនេះ មិនទាន់មានរបាយការណ៍របស់ក្រសួងការពារជាតិ ចំនួនកងកម្លាំងដែលបានចាក់វ៉ាក់សាំងរួចនៅឡើយទេ៕

អត្ថបទ៖ ប៊ុណ្ណារ៉ា

Related Topics: