ព័ត៌មានជាតិ

តាមការស្រាវជ្រាវ នៅលើខ្នងភ្នំគូលែនមានសំណង់ប្រាសាទបុរាណជាង ៧០ កន្លែងសាងសង់តាំងពីសតវត្សរ៍ទី ៩

បានផុស

៧ ខែ មុន

នៅ

ថ្ងៃព្រហស្បតិ៍ ១៨ មេសា ២០២៤

ដោយ

តំបន់ភ្នំគូលែនបានក្លាយទីតាំងដ៏សំខាន់មួយសម្រាប់ក្រុមអ្នកសិក្សាស្រាវជ្រាវ។ ភ្នំគូលែនជាទីតាំងនៃរាជធានីបុរាណដែលមានវ័យចំណាស់នៅក្នុងតំបន់ និងត្រូវបានកសាងឡើងក្នុងរាជរបស់ព្រះបាទជ័យវរ្ម័នទី២ នាដើមសតវត្សរ៍ទី៩ ដោយមានឈ្មោះថា មហេន្ទ្របព៌ត (លំនៅស្ថានរបស់ព្រះឥសូរជាអាទិទេពកំពូលនៃព្រហ្មញ្ញសាសនា)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការស្រាវជ្រាវនិងរុករកនៅតំបន់ភ្នំគូលែន បានរកឃើញនិងកត់ត្រាសំណង់ប្រាសាទបុរាណ និងស្ថានីយបុរាណជាច្រើន។ ប្រាសាទបុរាណភាគច្រើនកសាងឡើងក្នុងរាជព្រះបាទជ័យវរ្ម័នទី២ នាដើមសតវត្សទី៩។

ប្រាសាទបុរាណដែលរកឃើញភាគច្រើនកសាងឡើងអំពីឥដ្ឋជាប្រភេទសំណង់ទោល ដែលមានតួប៉មតែមួយនៅលើខឿនអំពីថ្មបាយក្រៀម និងមានកំពែងអំពីឥដ្ឋ (ប្រាសាទអូរផ្អៀង ប្រាសាទអ្នកតា ប្រាសាទខ្ទីងស្លាប់ ជាដើម) និងប្រាសាទមួយចំនួនទៀតជាប្រភេទសំណង់ដែលមានតួប៉មច្រើន ស្ថិតនៅជាជួរហើយព័ទ្ធជុំវិញដោយកំពែង អំពីថ្មបាយក្រៀម (ប្រាសាទដំរីក្រាប និងប្រាសាទប្រាំ)។

ចំណែកប្រាសាទក្រោលរមាស ជាប្រភេទសំណង់អំពីថ្មបាយក្រៀមទាំងតួប៉ម ថែវ និងកំពែងព័ទ្ធជុំវិញ លើកលែងគ្រឿងលំអរស្ថាបត្យកម្មដែលរចនានៅលើថ្មភក់។ ប្រាសាទនេះត្រូវបានកសាងឡើងក្នុងរាជព្រះបាទជ័យវរ្ម័នទី៧ សតវត្សរ៍ទី១៣។

សំណង់ប្រាសាទបុរាណដែលត្រូវបានរកឃើញនិងកត់ត្រាសរុបជាង ៧០ កន្លែងនៅលើឧទ្យានភ្នំគូលែនមានដូចជា៖

-ប្រាសាទអន្លង់ធំ
-ប្រាសាទបល្ល័ង្គ
-ប្រាសាទបួសនាគ
-ប្រាសាទជប់
-ប្រាសាទជប់ជ្រៃ
-ប្រាសាទជ្រៃ
-ប្រាសាទដំរីក្រាប
-ប្រាសាទដូនមាស
-ប្រាសាទស្តេចគម្លង់
-ប្រាសាទកញ្ឆា
-ប្រាសាទខ្ទីងស្លាប់
-ប្រាសាទខ្លាឃ្មុំ
-ប្រាសាទគោកចិន
-ប្រាសាទគគីរ
-ប្រាសាទគ្រែ
-ប្រាសាទក្រហម ១
-ប្រាសាទក្រហម ២
-ប្រាសាទក្រោលរមាស
-ប្រាសាទលប់
-ប្រាសាទអ្នកតា
-ប្រាសាទអូរផ្អុង
-ប្រាសាទអូរតុប
-ប្រាសាទគ្រែខាងជើង
-ប្រាសាទគ្រែខាងត្បូង
-ប្រាសាទភ្នំស្រួច
-ប្រាសាទប្រាំ
-ប្រាសាទរោងចិន
-ប្រាសាទរូបអារក្ស
-ប្រាសាទតាដុង
-ប្រាសាទថ្មដាប់
-ប្រាសាទគូលេន ១
-ប្រាសាទគូលេន ២
-ប្រាសាទគូលេន ៣
-ប្រាសាទគូលេន ៤
-ប្រាសាទគូលេន ៥
-ប្រាសាទគូលេន ៦
-ប្រាសាទលិង្គ ១០០០ (គូលេន ៧)
-ប្រាសាទនាងពួន (គូលេន ៨)
-ប្រាសាទគូលេន ៩
-ប្រាសាទគូលេន ១០ (ឡ)
-ប្រាសាទគូលេន ១១
-ប្រាសាទគូលេន ១២
-ប្រាសាទគូលេន ១៣
-ប្រាសាទគូលេន ១៤ (ឡ)
-ប្រាសាទគូលេន ១៥ (ឡ)
-ប្រាសាទគូលេន ១៦ (ឡ)
-ប្រាសាទគូលេន ១៧ (ឡ)
-ប្រាសាទគូលេន ១៨ (ឡ)
-ប្រាសាទគូលេន ១៩
-ប្រាសាទគូលេន ២០ (ឡ)
-ប្រាសាទគូលេន ២១
-ប្រាសាទគូលេន ២២
-ប្រាសាទគូលេន ២៣
-ប្រាសាទគូលេន ២៤
-ប្រាសាទគូលេន ២៥
-ប្រាសាទគូលេន ២៦
-ប្រាសាទគូលេន ២៧
-ប្រាសាទខ្លែងពណ៌
-ប្រាសាទរើ
-ប្រាសាទព្រៃខ្មាំង
-ប្រាសាទភ្នំហប់
-ប្រាសាទអូរសោម
-ប្រាសាទទទា
-ប្រាសាទស្អាកឈុន
-ប្រាសាទពាមស្លាកែត
-អ្នកតាត្រចៀកធំ
-ប្រាសាទចាម
-ប្រាសាទទទឹងថ្ងៃ
-ប្រាសាទក្បាលជប់
-ប្រាសាទគូលេន ២៨
-ប្រាសាទអង្កាម

ក្រៅពីបានសិក្សានិងកត់ត្រាប្រាសាទបុរាណមួយចំនួនដែលបានជួបប្រទះ ក្រុមអ្នកស្រាវជ្រាវក៏បានចាប់អារម្មណ៍ទៅលើបុរាណស្ថានផ្សេងៗទៀតដូចជា ពើង និងចម្លាក់បាតស្ទឹង ជាដើម។

អត្ថបទក្រោយ កម្ពុជាថ្មីនឹងបង្ហាញពីពើងនៅតំបន់ឧទ្យាជាតិភ្នំគូលែន ដែលជាបុរាណស្ថានមួយមានលក្ខណៈប្រវត្តិសាស្រ្ត និងជាវត្ថុតាងដ៏សំខាន់សម្រាប់អ្នកសិក្សាស្រាវជ្រាវ៕