ព័ត៌មានជាតិ
ការកូនថ្ងៃចូលឆ្នាំយកចំណងដៃកសាងវត្ត ក្លាយជាប្រពៃណីទាក់ទាញទេសចរ
គណៈកម្មការវត្តបឹងត្រាវ បានរៀបចំពិធីមង្កលការកូនចៅពលរដ្ឋដើម្បីអបអរសាទក្នុងឱកាសបុណ្យចូលឆ្នាំខ្មែរ និងបានចំណងដៃយកទៅកសាងវត្ត។
![](https://www.kampucheathmey.com/wp-content/uploads/2024/04/IMG_20240419_072622_976-1024x768.jpg)
![](https://www.kampucheathmey.com/wp-content/uploads/2024/04/IMG_20240419_072645_714-1024x768.jpg)
កាលពីល្ងាចថ្ងៃទី ១៨ ខែមេសា ឆ្នាំ ២០២៤ គណៈកម្មការអាចារ្យវត្តបឹងត្រាវ មេឃុំបត់ត្រង់ និងប្រជាពលរដ្ឋមកពីទីជិតឆ្ងាយជាង ១ ០០០ នាក់ បានចូលរួមធ្វើពិធីមង្គលការកូនចៅពលរដ្ឋមួយគូ ដើម្បីអបអរសាទក្នុងឱកាសបុណ្យចូលឆ្នាំខ្មែរ និងបានចំណងដៃទុកកសាងវត្ត ។
ប្រធានគណៈកម្មការអាចារ្យវត្តបឹងត្រាវ លោក ភឹម សំអាត បានប្រាប់អ្នកយកព័ត៌មានថា យុវជននិងយុវនារីជាកូនចៅប្រជាពលរដ្ឋរស់នៅក្នុងឃុំបត់ត្រង់ បានស្ម័គ្រចិត្តរៀបមង្គលការដោយកូនប្រុសមាននាម ទឺ តុង និងកូនស្រីនាម សូត្រ លីដា រស់នៅក្នុងឃុំបត់ត្រង់ ស្រុកមង្គលបូរី ខេត្តបន្ទាយមានជ័យ។
![](https://www.kampucheathmey.com/wp-content/uploads/2024/04/IMG_20240419_072834_731-1024x768.jpg)
![](https://www.kampucheathmey.com/wp-content/uploads/2024/04/IMG_20240419_072907_900-1024x768.jpg)
![](https://www.kampucheathmey.com/wp-content/uploads/2024/04/IMG_20240419_072903_329-1024x768.jpg)
លោក ភឹម សំអាត បានប្រាប់អ្នកយកព៍ត័មានឲ្យដឹងបន្តទៀតថា ក្នុងកម្មវិធី កូនក្រមុំនិងកូនកំលោះបានស្លៀកពាក់តុបតែងខ្លួនយ៉ាងស្អាតមកដល់វត្ត ដោយមានប្រជាពលរដ្ឋជាង ១ ០០០ នាក់ បានចូលរួម ក្នុងនោះក៏មានការលើកជំនូនចម្រុះចំនួន ២០០ គូ ចេញពីវត្តហែតាមផ្លូវជាតិអមទៅដោយភ្លេងខ្មែរ និងក្រុមឆៃយ៉ាំយ៉ាងឆ្ងាយទើបហែចូលមកក្នុងវត្តវិញ។
លោកបន្តថា ក្នុងពិធីបន្ទាប់ពីតាអាចារ្យឲ្យពរជ័យដល់កូនក្រមុំ និងកូនកំលោះ និងលោកមេឃុំ អ្នកមុខអ្នកការ ម្តាយកូនប្រុស កូនស្រី និងប្រជាពលរដ្ឋចូលរួមកាត់សក់បង្កក់សិរីសួស្តី អ្នកចូលរួមនាំគ្នាសែនចងដៃយ៉ាងសប្បាយរីករាយ។ បន្ទាប់មកទៀតកូនកំលោះ បានតោងស្បៃកូនក្រមុំបន្តទៅលេងគប់កញ្ញាធ្លាក់ទឹក រាំវង់កំដរហូតដល់ថ្ងៃទី ២០ ខែមេសា ឆ្នាំ ២០២៤ ទើបបញ្ចប់កម្មពិធីបុណ្យចូលឆ្នាំខ្មែរតែម្តង។
![](https://www.kampucheathmey.com/wp-content/uploads/2024/04/IMG_20240419_072738_406-1024x768.jpg)
![](https://www.kampucheathmey.com/wp-content/uploads/2024/04/IMG_20240419_072727_124-1024x768.jpg)
យ៉ាងណាមិញ លោក ភឹម សំអាត បានអះអាងថា ពិធីនេះគ្រាន់រៀបចំសម្តែងមិនមែនយកគ្នាជាប្តីប្រពន្ធមែនទែននោះឡើយ។ ចប់ពិធីកូនប្រុសកូនស្រីត្រឡប់ទៅផ្ទះរៀងៗខ្លួន ។
លោក ភឹម សំអាត បានកោតសរសើរដល់កូនក្រមុំនិងកូនកំលោះ ដែលបានស្ម័គ្រចិត្តដោយពុំមានការទើសទាល់ខ្មាសអៀន ដើម្បីយកចំណងដៃកសាងវត្ត បើទោះបីអ្នកទាំងពីរពុំបានគ្នាជាប្តីប្រពន្ធពិតក៏ដោយ។
![](https://www.kampucheathmey.com/wp-content/uploads/2024/04/IMG_20240419_072607_700-1024x768.jpg)
![](https://www.kampucheathmey.com/wp-content/uploads/2024/04/IMG_20240419_072951_323-1024x768.jpg)
លោក ភឹម សំអាត បានប្រាប់អ្នកយកព៍ត័មានថា ប្រពៃណីនេះបានអនុវត្តតពីដូនតាឲ្យតែចូលឆ្នាំម្តងៗ តែងតែធ្វើពិធីការ មិនដែលដាច់គឺតាំងពីសម័យកាល ៦០ ឆ្នាំ មុនមកម៉្លេះ ហើយពេលខ្លះការដល់ទៅ ៥ គូ ក៏មាន។
នៅដំណាក់កាលជំនាន់កូវីដ ១៩ ខណៈវត្តបឹងត្រាវផ្អាកដំណើរការបណ្តោះអាសន្ន។ ក្រោយពីចប់កូវីដ.១៩ វត្តទូទាំងប្រទេសដំណើរការឡើងវិញ ហើយដំណើរកម្មវិធីប្រពៃណីនេះក៏រៀបចំឡើងវិញ។ តែពីរឆ្នាំមុន វត្តបឹងត្រាវពុំមានប្រជាពលរដ្ឋមកលេងក្នុងឱកាសបុណ្យចូលឆ្នាំខ្មែរនោះទេ តែឆ្នាំនេះមានប្រជាពលរដ្ឋមកលេងច្រើនជាងឆ្នាំមុន ដោយសារតែគណៈកម្មការអាចារ្យវត្ត រកល្បែងប្រជាប្រិយជាច្រើនមកលេងក្នុងវត្តបឹងត្រាវពិសេសកញ្ញាធ្លាក់ទឹកនេះ៕
អត្ថបទ៖ វ៉ាន់ ណាង
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ