ព័ត៌មានជាតិ

ក្រសួងការងារ នឹងចុះផ្សព្វផ្សាយឱកាសការងារតាមសាកលវិទ្យាល័យ និងគ្រឹះស្ថានសិក្សា ចាប់ពីថ្ងៃទី ២២-៣០ មេសា

បានផុស

៩ ខែ មុន

នៅ

ថ្ងៃអាទិត្យ ២១ មេសា ២០២៤

ដោយ

មជ្ឈមណ្ឌលការងារចល័តរបស់ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ នឹងចុះផ្សព្វផ្សាយពីឱកាសការងារ និងផ្តល់សេវាការងារនៅតាមសាកលវិទ្យាល័យ និងគ្រឹះស្ថានសិក្សានានា នៅរាជធានីភ្នំពេញ ចាប់ពីថ្ងៃទី ២២-៣០ ខែមេសា ឆ្នាំ ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាស្រ័យហេតុនេះ សូមយុវជន សិស្ស/និស្សិត ត្រៀមចុះឈ្មោះរកការងារ និងប្រឹក្សាយោបល់អំពីការងារ និងអាជីព ជាមួយមជ្ឈមណ្ឌលការងារចល័តតាមរយៈលេខ ០១២ ៩០៦ ៦៦៤/០៨៦ ៨៦០ ០៦៦។

បើតាមក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងថា ចំពោះកាលវិភាគ នៃការចុះផ្សព្វផ្សាយពីឱកាសការងារ និងផ្តល់សេវាការងារនៅតាមសាកលវិទ្យាល័យ និងគ្រឹះស្ថានសិក្សានានារួមមាន ថ្ងៃទី ២២ ខែមេសា ឆ្នាំ ២០២៤ នៅវិទ្យាស្ថានជាតិពហុបច្ចេកទេសកម្ពុជា សាកលវិទ្យាល័យឯកទេស នៃកម្ពុជា វិទ្យាស្ថានបច្ចេកវិទ្យាកម្ពុជា និង សាកលវិទ្យាល័យពាណិជ្ជសាស្ត្រអេស៊ីលីដា។ ថ្ងៃទី ២៣ មេសា នៅសាកលវិទ្យាល័យជាតិគ្រប់គ្រង សាកលវិទ្យាល័យមេគង្គកម្ពុជា សាកលវិទ្យាល័យវេស្ទើន សាកលវិទ្យាល័យពុទ្ធិសាស្ត្រ និង សាកលវិទ្យាល័យសេដ្ឋកិច្ច និងហិរញ្ញវត្ថុ។ ថ្ងៃទី ២៤ មេសា នៅសាកលវិទ្យាល័យភូមិន្ទភ្នំពេញ សាកលវិទ្យាល័យ អាស៊ី អឺរ៉ុប វិទ្យាស្ថានជាតិសង្គមកិច្ច សាកលវិទ្យាល័យធនធានមនុស្ស និង សាកលវិទ្យាល័យកម្ពុជា។ ថ្ងៃទី ២៥ មេសា នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច សាកលវិទ្យាល័យភូមិន្ទវិចិត្រសិល្បៈ និងសាកលវិទ្យាល័យអន្តរជាតិ។ ថ្ងៃទី ២៦ មេសា នៅសាកលវិទ្យាល័យភូមិន្ទកសិកម្ម សាកលវិទ្យាល័យវិទ្យាសាស្ត្រសុខាភិបាល សាកលវិទ្យាល័យបៀលប្រាយ និង មូលដ្ឋានខណ្ឌមានជ័យ។ ថ្ងៃទី ២៩ មេសា នៅវិទ្យាស្ថានជាតិពាណិជ្ជសាស្ត្រ សាកលវិទ្យាល័យឯកទេស នៃកម្ពុជា វិទ្យាស្ថានបច្ចេកវិទ្យាកម្ពុជា និងសាកលវិទ្យាល័យពាណិជ្ជសាស្ត្រអេស៊ីលីដា និងថ្ងៃទី ៣០ មេសា នៅសាកលវិទ្យាល័យភូមិន្ទភ្នំពេញ សាកលវិទ្យាល័យ អាស៊ី អឺរ៉ុប វិទ្យាស្ថានជាតិសង្គមកិច្ច សាកលវិទ្យាល័យធនធានមនុស្ស និងសាកលវិទ្យាល័យកម្ពុជា៕

អត្ថបទ ៖ សំអឿន