ជីវិតកម្សាន្ដ

Kim Soo Hyun សារភាពថា មានបញ្ហាផ្លូវចិត្ត ២ ថ្ងៃ ក្រោយព្យាយាមអានសាររបស់អ្នកគាំទ្រ

បានផុស

៥ ខែ មុន

នៅ

ថ្ងៃចន្ទ ២២ មេសា ២០២៤

ដោយ

កាលពីដើមសប្តាហ៍នេះ តួឯកប្រុសក្នុងរឿង ‘Queen of Tears’ បានចាប់ផ្តើមទំនាក់ទំនងជាមួយអ្នកគាំទ្រតាមរយៈសេវាកម្មផ្ញើសារជាលើកដំបូងចាប់តាំងពីការបង្ហាញខ្លួនលើកដំបូង។ បន្ទាប់ពីទទួលបានបច្ចេកវិទ្យាមួយកម្រិតទៀត Kim Soo Hyun បានសរសេរទៅកាន់អ្នកគាំទ្រថា “សូមថែរក្សាខ្ញុំឲ្យបានល្អចាប់ពីពេលនេះតទៅ សូមធ្វើការស្រាវជ្រាវ និងបង្កើតការងារនេះទាំងអស់គ្នា”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រហែលមួយថ្ងៃក្រោយមក អ្នកគាំទ្ររំភើបចិត្តពេលដឹងថា Kim Soo Hyun កំពុងអានសាររបស់ពួកគេ។ អ្នកគាំទ្រម្នាក់បាននិយាយថា “នេះជារឿងឆ្កួតដែលខ្ញុំបានផ្ញើ Kim Soo Hyun នៅម៉ោង ២ ទៀបភ្លឺ ហើយពេលដែលខ្លួនឯងកំពុងតែស្រវឹងថែមទៀតផង។ ម្នាក់ទៀតបានសរសេរថា “គាត់បានអានសាររបស់ខ្ញុំនៅម៉ោង ៦ ព្រឹក”។

ថ្វីបើយ៉ាងណាក៏ដោយ Kim Soo Hyun បានបង្ហាញខ្លួនលើវេទិកាដើម្បីសារភាពថា ខ្លួនមានអារម្មណ៍ថាពិបាកក្នុងខ្លួននៅពេលដែលអានសាររបស់អ្នកគាំទ្រ។ ជាពិសេសវាប្រៀបដូចជាសារមួយហាក់ដូចជាមនុស្សកំពុងតែសារភាពស្នេហា ចំពោះលោកយ៉ាងដូច្នោះដែរ។

លើសពីនេះទៀតដែរ តួឯកប្រុសក្នុងរឿង “សង្សារខ្ញុំជាមនុស្សភពផ្កាយ” បាននិយាយបន្ថែមទៀតថា ក្រោយពេលលោកបានអានសាររបស់ហ្វេនរួចមកលោកប្រែជាមានបញ្ហាផ្លូវចិត្តដល់ទៅ២ថ្ងៃឯណោះ។ មិនមែនមូលហេតុដោយសារតែអ្នកគាំទ្រសរសេរសារឆ្លើយតបឡើយ ប៉ុន្តែនេះក៏ព្រោះតែជាលើកដំបូងដែលអានសារទាំងនោះ។

យ៉ាងណាមិញ សម្រាប់តារាកូរ៉េខាងត្បូងមិនថាតារា K pop ឬសម្ដែងភាពយន្តនោះទេពួកគេកម្រនឹងអានសាររបស់អ្នកគាំទ្រជាសាធារណៈណាស់៕