ជីវិតកម្សាន្ដ

ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស

បានផុស

៩ ខែ មុន

នៅ

ថ្ងៃពុធ ២៤ មេសា ២០២៤

ដោយ

កញ្ញា ពេជ្រ ចរណៃ ដែលល្បីខាងក្បាច់គុនល្បុក្កតោបុរាណខ្មែរកន្លងមកត្រូវបានមហាជនដឹងហើយថា នាងបានសកម្មនឹងការចែករំលែកចំណេះដឹង និងចូលរួមយ៉ាងសកម្មក្នុងការលើកស្ទួយវិស័យគុនល្បុក្កតោ និងល្ខោនខោលជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការកត់សម្គាល់ថ្វីត្បិតបច្ចុប្បន្នតារាចម្រៀងស្រីសម្តីស្រទន់ ពេជ្រ ចរណៃ រវល់ការងារច្រើនយ៉ាងក្តី ប៉ុន្តែនៅតែរក្សាបានរូបសម្រស់ស្រស់ស្អាត មានរាងស្រឡូនគួរឲ្យស្រលាញ់។ ចំណែកឯប្រជាប្រិយភាព និងការគាំទ្រ ក៏នៅតែរក្សាបានដូចដើម ពោលគឺពុំមានការចុះថមថយឡើយ។ ចរណៃ ក៏ត្រូវបានគេចាត់ទុកជាតារាសម្តែងម្នាក់មានប្រជាប្រិយភាព និងសម្រស់ស្រស់ស្អាតពីធម្មជាតិ មានរាងស្រស់ស្អាត មិនចាញ់តារាបរទេស។

រឿងដែលធ្វើឲ្យទស្សនិកជនកាន់តែចាប់អារម្មណ៍ថែមទៀត ពេជ្រ ចរណៃ មកទល់ពេលនេះនាងក៏ទទួលបានការសរសើរថាជាតារាស្រីដែលមានអត្តចរិតស្លូតបូត និងសុភាពរាបសារទន់ភ្លន់ផងដែរ។ ប្រាកដណាស់ ការរក្សាបាននូវប្រជាប្រិយភាព និងការគាំទ្រនេះ ក៏ព្រោះតែកញ្ញា ពេជ្រ ចរណៃ គឺជាតារាខ្មែរមួយរូបដែលមានសមត្ថភាពសម្តែងបានល្អ បូករួមនឹងទេពកោសល្យសិល្បៈខ្ពស់មិនចាញ់តារាឯទៀតទេ។

សូមបញ្ជាក់ថា តារាសម្តែង និងជាគ្រូបង្ហាត់គុនល្បុក្កតោ កញ្ញា ពេជ្រ ចរណៃ បច្ចុប្បន្នក្រៅតែពីការលេចមុខនៅលើវិស័យភាពយន្ត(ខ្មែរ) នាងក៏ជាតារាស្រីមួយរូបដែលចូលរួមយ៉ាងសកម្មក្នុងការលើកស្ទួយវិស័យគុនល្បុក្កតោ និងតាមរយៈការបំផុសដល់យុវជនឲ្យចូលរួមលើកស្ទួយបង្ហាញសិល្បៈវប្បធម៌របស់ខ្មែរទៅកាន់ពិភពលោកផងដែរ។ សកម្មភាពនេះ ពេជ្រ ចរណៃ កន្លងមកតែងទទួលបានការសរសើរលើកទឹកចិត្ត និងគាំទ្រច្រើនពីមជ្ឈដ្ឋានមហាជនដែលស្នេហាលើវិស័យភាពយន្ត និងក្បាច់គុនបុរាណខ្មែរ(ល្បុក្កតោ)៕

អត្ថបទ ៖ ចាន់រ៉ា