ព័ត៌មានអន្ដរជាតិ
នាយករដ្ឋមន្ត្រី អេស្ប៉ាញ ពិចារណាលាលែងពីតំណែង ខណៈភរិយាអាចជាប់ក្ដីក្ដាំអំពើពុករលួយ
នាយករដ្ឋមន្ត្រីអេស្ប៉ាញលោក Pedro Sanchez នឹងពិចារណាលាលែងពីតំណែង បន្ទាប់ពីមានការស៊ើបអង្កេតរបស់តុលាការលើបទចោទប្រកាន់ពាក់ព័ន្ធនឹងភរិយារបស់លោកជាប់ទាក់ទិនអំពើពុករលួយ ។ នេះបើយោងតាមការចេញផ្សាយដោយទីភ្នាក់ងារព័ត៌មាន AP នៅថ្ងៃទី ២៥ ខែមេសា ។
![](https://www.kampucheathmey.com/wp-content/uploads/2024/04/109577957.png)
នាយករដ្ឋមន្រ្តីអេស្ប៉ាញបានលើកឡើងថា លោកនឹងពិចារណាលាលែងពីតំណែង បន្ទាប់ពីមានការស៊ើបអង្កេតរបស់តុលាការលើបទចោទប្រកាន់ថា ភរិយារបស់លោកបានប្រើតួនាទីរបស់ខ្លួនដើម្បីជះឥទ្ធិពលលើកិច្ចព្រមព្រៀងពាណិជ្ជកម្ម ។
កាលពីព្រឹកថ្ងៃពុធ ចៅក្រមអេស្ប៉ាញបានយល់ព្រមស៊ើបអង្កេតការចោទប្រកាន់អំពីអំពើពុករលួយដែលពាក់ព័ន្ធនឹងភរិយារបស់លោកប្រធានាធិបតីរូបនេះ ខណៈតុលាការនៅទីក្រុងម៉ាឌ្រីដនឹងពិចារណាលើការចោទប្រកាន់នេះថានឹងបន្តការស៊ើបអង្កេត ឬទុកចោល ។
![](https://www.kampucheathmey.com/wp-content/uploads/2024/04/ZWGMFO7UYDMYUFVCUVSJ3XVBOA-1024x683.jpg)
ទន្ទឹមនោះ លោក Sanchez បញ្ជាក់បន្ថែមថា ការចោទប្រកាន់មកលើប្រពន្ធរបស់លោកឈ្មោះ Begona Gomez គឺមិនពិត ហើយលោកនឹងលុបចោលសកម្មភាពការងារមួយចំនួនរហូតដល់ថ្ងៃចន្ទសប្ដាហ៍ក្រោយ ហើយលោកក៏កំពុងពិចារណាសម្រេចថានឹងបន្ត ឬចុះចេញពីតំណែងផងដែរ ។
លោកនាយករដ្ឋលើកឡើងទៀតថា លោកត្រូវតែលាលែងពីតំណែងដើម្បីឆ្លុះបញ្ចាំងពីរឿងនេះ ទោះបីជាត្រូវលះបង់កិត្តិយសដ៏ខ្ពស់បំផុតនេះក៏ដោយ ។ លោកស្រី Begona នឹងការពារកិត្តិយសរបស់លោកស្រី ហើយសហការជាមួយប្រព័ន្ធយុត្តិធម៌ក្នុងគ្រប់មធ្យោបាយដែលទាមទារដើម្បីបញ្ជាក់ឲ្យច្បាស់ថា ការចោទប្រកាន់ទាំងនេះមិនពិតនោះទេ ។
គួរបញ្ជាក់ថា លោក Sanchez អាយុ ៥២ ឆ្នាំបានឡើងកាន់ការជានាយករដ្ឋមន្ត្រីនៃប្រទេសអេស្ប៉ាញ ចាប់តាំងពីឆ្នាំ ២០១៨ ហើយលោកបានបង្កើតរដ្ឋាភិបាលចម្រុះថ្មីនៅក្នុងខែវិច្ឆិកាដើម្បីចាប់ផ្តើមអាណត្តិ ៤ ឆ្នាំ ខណៈលោក៏ជាមេដឹកនាំសង្គមនិយមដែលបម្រើការយូរបំផុតនៅអឺរ៉ុបផងដែរ ៕
![](https://www.kampucheathmey.com/wp-content/uploads/2024/04/01000000-0aff-0242-5533-08dc64c54302_w408_r1_s.jpg)
អត្ថបទ៖ ប៊ុន សុភាព
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ