កីឡា
តុលាការច្រានចោលបណ្តឹងឧទ្ធរណ៍អតីតប្រធានបាល់ទាត់អេស្ប៉ាញរឿងថើប Jenni
តុលាការអេស៉្បាញកាលពីថ្ងៃចន្ទបានច្រានចោលបណ្តឹងឧទ្ធរណ៍របស់អតីតប្រធានសហព័ន្ធកីឡាបាល់ទាត់អេស្ប៉ាញលោក Luis Rubiales ពាក់ព័ន្ធរឿងក្តីនៃការថើបមាត់កីឡាការិនីម្ចាស់ជើងឯក World Cup។
លោក Rubiales បានថើបកីឡាការិនីអេស្បាញ Jenni Hermoso នៅលើបបូរមាត់ ខណៈនាងចូលទៅទទួលមេដាយរបស់នាង បន្ទាប់ពីក្រុមនារីអេស្ប៉ាញបានយកឈ្នះក្រុមអង់គ្លេស វគ្គផ្តាច់ព្រ័ត្របាល់ទាត់នារីពិភពលោក (FIFA Women’s World Cup) កាលពីខែសីហាឆ្នាំមុន។ បន្ទាប់ពីការចោទប្រកាន់ និងការស៊ើបអង្កេត បុរសវ័យ៤៦ឆ្នាំរូបនេះបានលាលែងពីតំណែង ចំពេលមានការរិះគន់យ៉ាងខ្លាំងពីមហាជនស្ទើរទូទាំងពិភពលោក។
![](https://www.kampucheathmey.com/wp-content/uploads/2024/04/RubialesTrial-1024x683.jpg)
ព្រះរាជអាជ្ញាសាធារណៈដែលគ្រប់គ្រងករណីនេះបានប្រកាសកាលពីខែមុនថា ពួកគេកំពុងបន្តពិនិត្យការសម្រេចឱ្យជាប់ពន្ធនាគាររយៈពេល២ឆ្នាំកន្លះចំពោះលោក Rubiales។ ឥឡូវនេះ លោកប្រឈមនឹងការកាត់ទោសចំពោះឧប្បត្តិហេតុក៏ដូចជាសម្រាប់ការបង្ខិតបង្ខំជាបន្តបន្ទាប់រួមជាមួយនឹងអតីតអ្នកចាត់ការសញ្ជាតិអេស្ប៉ាញលោក Jorge Vilda ផងដែរ។
តុលាការព្រហ្មទណ្ឌបានធ្វើសេចក្តីសម្រេចដោយច្រានចោលបណ្តឹងឧទ្ធរណ៍ប្រឆាំងនឹងដីការបស់ចៅក្រម លោក Francisco de Jorge ក្នុងសំណុំរឿង ដែល លោក Rubiales, លោក Vilda, អតីតនាយក Albert Luque និងនាយកប្រតិបត្តិទីផ្សារ Ruben Rivera។ សេចក្តីរាយការណ៍ថា អង្គជំនុំជម្រះបានចាត់ទុកខ្លឹមសារនៃបណ្តឹងឧទ្ធរណ៍ថា មានភស្តុតាងសមស្របនឹងការពិពណ៌នាអំពីឧក្រិដ្ឋកម្មទាក់ទងនឹងសេរីភាពផ្លូវភេទ និងការបង្ខិតបង្ខំ។
តុលាការបានបញ្ជាក់យ៉ាងច្បាស់ថា ផលប៉ះពាល់ផ្លូវច្បាប់ “ការថើប និងការយល់ព្រមមិនអាចត្រូវបានវាយតម្លៃនៅចំណុចប្រសព្វនេះទេ”។
![](https://www.kampucheathmey.com/wp-content/uploads/2024/04/Spain-Rubiales-0_1694397658224_1694397682147.avif)
នៅក្នុងការចោទប្រកាន់ដែលបញ្ជូនទៅចៅក្រម ព្រះរាជអាជ្ញាសាធារណៈបានបង្ហាញពីបំណងចង់ឱ្យលោក Rubiales ប្រឈមមុខនឹងការជាប់ពន្ធនាគាររយៈពេល១ឆ្នាំ ប្រសិនបើរកឃើញថាមានពិរុទ្ធពីបទរំលោភបំពានផ្លូវភេទ។ រួមជាមួយនឹងការបង្ខិតបង្ខំបន្ថែម១៨ខែ ទាក់ទងនឹងកិច្ចខិតខំប្រឹងប្រែងដែលបានអះអាងរបស់លោកក្នុងការបញ្ចុះបញ្ចូលកីឡាការិនីបាល់ទាត់រូបនេះឱ្យលើកលែងទោសជាសាធារណៈបន្ទាប់ពីឧប្បត្តិហេតុនេះ៕
ប្រែសម្រួល៖ មន្នីរ័ត្ន
ប្រភព៖ Inside The Games
![](https://kampucheathmey.com/wp-content/uploads/2020/12/1-01-2-01-1.png)
-
ជីវិតកម្សាន្ដ៦ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ព័ត៌មានអន្ដរជាតិ១ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍៤ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សន្តិសុខសង្គម២ ថ្ងៃ ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
សេចក្ដីជូនដំណឹង៦ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានអន្ដរជាតិ៥ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
ព័ត៌មានអន្ដរជាតិ៥ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង
-
ព័ត៌មានជាតិ៧ ថ្ងៃ ago
សាលារៀនគ្រូយើង បើកបវេសនកាល ២០២៤-២០២៥ ដោយនាំយកកម្មវិធីសិក្សាថ្មីៗជាច្រើន