លោក ព្រាប កុល ឱ្យកូនខ្មែរឈរនៅពីក្រោយសម្ដេច​តេជោ ជម្នះឧបសគ្គ កសាងព្រែកជីកភ្ជាប់ទៅសមុទ្រ

លោក ព្រាប កុល រដ្ឋមន្ត្រីប្រតិភូអមនាយករដ្ឋមន្ត្រី បានលើកឡើងថា សម្តេចអគ្គមហាសេនាបតីតេជោ ហ៊ុន សែន បានថ្លែងសារដ៏សំខាន់មួយ ដែលកូនខ្មែរគ្រប់រូប និងគ្រប់និន្នាការនយោបាយត្រូវកត់ត្រាទុកជាប្រវត្តិសាស្ត្រជុំវិញសារៈប្រយោជន៍នៃព្រែកជីកហ្វូណនតេជោក៏ដូចជាការជំទាស់ និងរារាំងរបស់ប្រទេសវៀតណាទៅលើគម្រោងព្រែកជីក​ហ្វូណន-តេជោរបស់កម្ពុជា។

លោក ព្រាប កុល យល់ឃើញថា នេះគឺជាពេលវាដ៏ចាំបាច់បំផុតសម្រាប់កូនខ្មែរគ្រប់រូប និងគ្រប់និន្នាការនយោបាយទម្លាក់ចោលនូវការខ្វែងគំនិតគ្នា និងរួបរួមគ្នាឈរពីក្រោយសម្តេចតេជោ ហ៊ុន សែន ដើម្បីបញ្ជាក់ពីការសាមគ្គីជាតិ និងឯកភាពជាតិ និងដើម្បីជម្នះនូវឧបសគ្គទាំងឡាយក្នុងដំណើរឆ្ពោះទៅរកការកសាងព្រែកជីកហ្វូណនតេជោឱ្យខាងតែបាន។

សមិទ្ធិផលថ្មី និងជាប្រវត្តិសាស្ត្រនេះ គឺសម្រាប់បម្រើដល់ឧត្តមប្រយោជន៍របស់យើង និងកូនចៅយើងជំនាន់នេះ ក៏ដូចជាជំនាន់ក្រោយ។ ដូច្នេះយើងត្រូវតែរួមចំណែកគាំទ្រទាំងអស់គ្នា៕