ព័ត៌មានអន្ដរជាតិ
ព្យុះកំបុតត្បូងក្នុងទីក្រុងនៅ ចិន សម្លាប់ទាំងមនុស្ស និងបំផ្លាញរោងចក្រជាង ១៤០
ខ្យល់ព្យុះកំបុតត្បូងបានវាយប្រហារទីក្រុងក្វាងចូវភាគខាងត្បូងប្រទេសចិនកាលពីចុងសប្ដាហ៍កន្លងទៅ ដោយក្នុងនោះបានសម្លាប់មនុស្ស ៥ នាក់ និងធ្វើឲ្យខូចខាតអគាររោងចក្រជាង ១៤០ ។ នេះបើយោងតាមការចេញផ្សាយដោយទីភ្នាក់ងារព័ត៌មាន AP កាលពីថ្ងៃទី២៨ ខែមេសាកន្លងទៅ ។
យោងតាមក្រសួងឧតុនិយមចិនបាននិយាយថា ខ្យល់ព្យុះកំបុតត្បូងបានបោកបក់នៅម៉ោងប្រហែល ៣ រសៀលកាលពីថ្ងៃអាទិត្យនៅក្នុងសង្កាត់ Baiyun នៃទីក្រុងក្វាងចូវដែលជាទីប្រជុំជន និងជាមជ្ឈមណ្ឌលផលិតកម្មខ្នាតធំមួយនៅជិតទីក្រុងហុងកុង ។
អាជ្ញាធរបាននិយាយថា មនុស្ស ៣៣ នាក់ផ្សេងទៀតបានរងរបួស និងអគាររោងចក្រចំនួន ១៤១ ត្រូវបានខូចខាត ។ វីដេអូដែលបានបង្ហោះតាមអ៊ីនធឺណិតបានបង្ហាញឲ្យឃើញថា ពពកខ្មួលខ្មាញ់ ខ្យល់ព្យុះបោកបក់ និងកម្ទេចកម្ទីបក់បោកទៅមកលើអាកាស ។
អាជ្ញាធរក៏បានចេញការព្រមានអំពីខ្យល់ព្យុះកំបុតត្បូងដល់ផ្នែកផ្សេងទៀតនៃទីក្រុងក្វាងចូវផងដែរ ខណៈខ្យល់ព្យុះកំបុតត្បូងទី ២ ហាក់ដូចជាអាចបោកបក់មកកាន់ទីក្រុងនេះម្ដងទៀត ។
គួរបញ្ជាក់ថា កាលពីខែកញ្ញា ព្យុះកំបុតត្បូងចំនួន ២ ក៏បានសម្លាប់មនុស្សចំនួន ១០ នាក់ផងដែរនៅក្នុងខេត្ត Jiangsu ភាគខាងកើតប្រទេសចិន ៕
អត្ថបទ ៖ ប៊ុន សុភាព
-
ព័ត៌មានជាតិ៤ ថ្ងៃ ago
UN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៥ ថ្ងៃ ago
លោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ចរាចរណ៍៤ ថ្ងៃ ago
ស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
សន្តិសុខសង្គម១០ ម៉ោង ago
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
នយោបាយ១ សប្តាហ៍ ago
ស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ព័ត៌មានជាតិ១ សប្តាហ៍ ago
អាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ១ សប្តាហ៍ ago
អ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៦ ថ្ងៃ ago
នារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ