ព័ត៌មានអន្ដរជាតិ
អាមេរិក ព្រមានពលរដ្ឋខ្លួន កុំធ្វើដំណើរទៅអាល្លឺម៉ង់ ព្រោះអាចផ្ទុះអំពើភេរវកម្ម
តាមការចុះផ្សាយរបស់កាសែត New York Post នៅថ្ងៃសុក្រទី៣ខែឧសភា សហរដ្ឋអាមេរិក បានចេញការព្រមានដល់ពលរដ្ឋខ្លួន សូមកុំធ្វើដំណើរទៅកាន់ប្រទេសអាល្លឺម៉ង់ឲ្យសោះ ដោយមើលឃើញពីហានិភ័យផ្ទុះអំពើភេរវកម្មនៅទីនោះ ហើយថែមទាំងបានដំឡើងកម្រិតប្រុងជើងការដល់កម្រិតទី២ ក្នុងប្រព័ន្ធព្រមានការធ្វើដំណើរដែលមាន៤កម្រិតផងដែរ។
រដ្ឋាភិបាលសហរដ្ឋអាមេរិកប្រកាសថា តំបន់ទេសចរណ៍និងមជ្ឈមណ្ឌលដឹកជញ្ជូន ត្រូវបានក្រុមភេរវកម្មកំណត់គោលដៅយ៉ាងញឹកញាប់ ក៏ដូចជាសណ្ឋាគារ ភោជនីយដ្ឋាន ក្លឹប ទីគោរពបូជា ឧទ្យាន ទីលានកីឡា និងសាលរៀបចំព្រឹត្តិការណ៍វប្បធម៌ ផងដែរ។
លើសពីនេះ ក្រសួងការបរទេសបានព្រមានថា “ភេរវករ អាចបើកវាយប្រហារ ដោយមានការព្រមានតិចតួច ឬគ្មានការព្រមានទាល់តែសោះក៏អាចថាបានដែរ”។
មិនមែនតែអាមេរិកទេ, បើងាកទៅមើលចុងខែមីនា កាលនោះប្រទេសកាណាដា ក៏បានណែនាំពលរដ្ឋខ្លួនឲ្យប្រុងប្រយ័ត្នខ្ពស់ផងដែរនៅក្នុងប្រទេសអាល្លឺម៉ង់ ដោយសារតែការគំរាមកំហែងនៃអំពើភេរវកម្ម។
លើសពីនេះ ចក្រភពអង់គ្លេសក៏បានចេញការព្រមានដូចគ្នា ដោយលើកឡើងអំពីឧប្បត្តិហេតុនៃអំពើភេរវកម្មនៅប្រទេសអាល្លឺម៉ង់ ក្នុងរយៈពេលប៉ុន្មានឆ្នាំចុងក្រោយ។
អំពើភេរវកម្មទាំងនោះ រួមមានការចាក់ប្រហារដោយកាំបិតបណ្តាលឲ្យមនុស្សស្លាប់និងរបួសធ្ងន់ក្នុងទីក្រុង Dresden កាលពីឆ្នាំ២០២០ ក៏ដូចជាការបាញ់សម្លាប់រង្គាល ចំនួនពីរលើកនៅក្នុងបារ៍ Hanau ដែលផ្តាច់ជីវិតមនុស្ស ៨នាក់ក្នុងឆ្នាំដដែលនោះ។
ចំណែកក្នុងឆ្នាំ២០១៩ មនុស្សចំនួន ២នាក់ ក៏ត្រូវបាញ់សម្លាប់ផងដែរ នៅជិតសាលប្រជុំក្នុងទីក្រុង Halle៕
អត្ថបទ៖ សុខ សុវណ្ណ
ចុចអាន៖ អាមេរិក ព្រមានពលរដ្ឋខ្លួននៅបារាំងឲ្យប្រយ័ត្ន ហាក់មានអ្វីមិនស្រួល
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ