សន្តិសុខសង្គម

ឆេះស្ថានីយលក់ប្រេងសាំងនិងលក់ហ្គាស់ យី ឡុង ស៊ីម នៅបេងដូប ឃុំស្រយ៉ង់ ខូចខាតស្ទើរទាំងស្រុង សង្ស័យមកពីទុសេខ្សែភ្លើង

បានផុស

៩ ខែ មុន

នៅ

ថ្ងៃចន្ទ ៦ ឧសភា ២០២៤

ដោយ

ព្រះវិហារ ៖ ឆេះស្ថានីយលក់ប្រេងសាំង,ហ្គាស និងមាត់យីហោឡុង ស៊ីម បណ្ដាលឱ្យឆាបឆេះទ្រព្យសម្បត្តិស្ទើរទាំងស្រុង សំណាងល្អមិនឆេះស៊ីទែងហ្គាស។ ហេតុការណ៍នេះកើតឡើងនៅវេលាម៉ោង១៥ និង៣០នាទីថ្ងៃទី០៦ ខែឧសភាឆ្នាំ២០២៤ ត្រង់ចំណុចបេងដូបក្នុងភូមិបេងដូប ឃុំស្រយ៉ង់ ស្រុកគូលែន ខេត្តព្រះវិហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ហោ សេង អធិការនគរបាលស្រុកគូលែន បានឲ្យដឹងថា ដោយមានការចង្អុលបង្ហាញពីលោកឧត្តមសេនីយ៍ស្នងការនគរបាលខេត្តព្រះវិហារ លោកបានចុះប្រតិបត្តិការដោយផ្ទាល់ ហើយហេតុការណ៍នេះកើតឡើងដោយសារតែទុសេខ្សែភ្លើង បណ្តាលឲ្យឆេះស្ថានីយសាំង និងតូបចាហួយជាច្រើនមុខ តែមិនឆេះស៊ីទែនហ្គាស។

បច្ចុប្បន្នប្រជាពលរដ្ឋនិងកម្លាំងសមត្ថកិច្ចស្រុកគូលែន មានឡានទឹកស្រុកគូលែន ឡានទឹកស្រុកស្វាយលើ ឡានទឹកស្រុកត្បែង ,ឡានទឹកស្រុកជាំក្សាន្ត ,ឡានទឹកខេត្តនិង ឡានទឹកអាជ្ញាធរប្រាសាទកោះកេរ ចុះជួយអន្តរាគមន៍ គ្រប់គ្រងស្ថានការណ៍បានទាំងស្រុងនៅវេលាម៉ោង ១៧និង៣០នាទីនេះ៕

ដោយ ៖ ជុន កុសល