អូស្រ្តាលី មិនអាចទទួលយកសកម្មភាពដែនអាកាសរបស់យោធា ចិន ឡើយ

នាយករដ្ឋមន្ត្រីអូស្ត្រាលីលោក Anthony Albanese មិនអាចទទួលយកបានទេចំពោះសកម្មភាពរបស់យោធាចិនដែលថាមន្ត្រីការពារជាតិអូស្ត្រាលីបង្កហានិភ័យនៅដែនអាកាសអន្តរជាតិ ខណៈដែលពួកគេចូលរួមក្នុងប្រតិបត្តិការមួយដើម្បីអនុវត្តទណ្ឌកម្មរបស់អង្គការសហប្រជាជាតិ (UN) លើកូរ៉េខាងជើង ។

យោងតាមការចេញផ្សាយដោយសារព័ត៌មាន CNA នៅថ្ងៃទី៧ ខែឧសភានេះបានឲ្យដឹងថា យន្តហោះចម្បាំងរបស់ចិនមួយគ្រឿងបានបង្កគ្រោះថ្នាក់ដល់ឧទ្ធម្ភាគចក្រយោធាអូស្ត្រាលី ក្នុងអំឡុងពេលការប្រឈមមុខដាក់គ្នាដែលមិនអាចទទួលយកបាននៅលើសមុទ្រលឿង ។

បើយោងរដ្ឋមន្ត្រីក្រសួងការពារជាតិ លោក Richard Marles បាននិយាយថា យន្តហោះចម្បាំង J-10 របស់កងទ័ពអាកាសចិន បានទម្លាក់ផ្កាភ្លើងមកពីលើ និងជាច្រើនរយម៉ែត្រនៅពីមុខឧទ្ធម្ភាគចក្រ MH60R Seahawk របស់អូស្ត្រាលីនៅលើផ្លូវហោះហើរក្នុងសមុទ្រលឿង ដែលជាផ្នែកមួយនៃប្រតិបត្តិការដើម្បីអនុវត្តទណ្ឌកម្មប្រឆាំងនឹងប្រទេសកូរ៉េខាងជើង ។

ពាក់ព័ន្ធនឹងបញ្ហានេះ ចិន​មិន​ទាន់​បាន​ឆ្លើយ​តប​ជា​សាធារណៈ​ចំពោះ​ទៅកាន់តំណាង​របស់​អូស្ត្រាលី​ជុំវិញ​ឧប្បត្តិហេតុ​នេះនោះ​ទេ ខណៈសាធារណជនអូស្ត្រាលីរំពឹងថានឹងមានការពន្យល់ពីប្រទេសចិនអំពីរឿងរ៉ាវនេះ ស្របពេលដែលយក​រដ្ឋមន្ត្រី​ចិនលោក Li Qiang អាច​នឹង​ទៅ​បំពេញ​ទស្សនកិច្ច​នៅ​ប្រទេស​អូស្ត្រាលី​នា​ខែ​ក្រោយនេះ ។

គួរបញ្ជាក់ថា នេះជាឧបទ្ទវហេតុលើកទី ២ ហើយក្នុងរយៈពេល ៦ ខែ ដែលធ្វើឲ្យមានទំនាក់ទំនងរវាងប្រទេសទាំងពីរកាន់តែតានតឹងឡើងៗដែលកើតចេញពីជម្លោះពាណិជ្ជកម្មអស់រយៈពេលជាច្រើនឆ្នាំមកហើយ ៕

អត្ថបទ ៖ ប៊ុន សុភាព