កីឡា

សំដីដ៏វែងរបស់ Mbappe រៀបរាប់ពីការចាកចេញពីក្លិប PSG

បានផុស

៩ ខែ មុន

នៅ

ថ្ងៃសៅរ៍ ១១ ឧសភា ២០២៤

ដោយ

ខ្សែប្រយុទ្ធឆ្នើមជម្រើសជាតិបារាំង Kylian Mbappe បានចេញវីដេអូរៀបរាប់ជាផ្លូវការអំពីការចេញពីក្លិបយក្សបារាំង Paris Saint-Germain នៅចុងរដូវកាលនេះ បន្ទាប់ពីពួកគេមិនទទួលបានជោគជ័យក្នុងពានរង្វាន់ UCL ជាថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅយប់ថ្ងៃទី១០ ខែឧសភា ឆ្នាំ២០២៤ Mbappe បានរៀបរាប់ថា ៖«ខ្ញុំតែងតែនិយាយថា ខ្ញុំនឹងប្រាប់អ្នកគ្រប់គ្នានៅពេលវេលាមកដល់។ នៅពេលនេះ ខ្ញុំចង់ប្រកាសប្រាប់អ្នកគ្រប់គ្នាថា នេះជារដូវកាលចុងក្រោយរបស់ខ្ញុំនៅក្លិប PSG។ ខ្ញុំនឹងមិនបន្តទៀតទេ ហើយការស្ថិតនៅទីនេះនឹងបញ្ចប់ក្នុងពេលពីរបីសប្តាហ៍ខាងមុខ។ វាជាអារម្មណ៍ដ៏តាន់តឹង និងរំជើបរំជួល ហើយខ្ញុំនឹកស្មានមិនដល់ថា ពិបាកយ៉ាងនេះក្នុងការប្រកាសចាកចេញពីប្រទេសកំណើតរបស់ខ្ញុំ ប៉ុន្តែខ្ញុំគិតច្បាស់ហើយ ត្រូវតែផ្សងព្រេងថ្មី បន្ទាប់ពីរយៈពេល៧ឆ្នាំ»។

«PSG ជាក្លិបមួយដែលមិនទុកចោលនរណាម្នាក់ឲ្យឯកោ។ ខ្ញុំពិតជាមិនសោកស្តាយឡើយដែលបានចុះកុងត្រាចូលរួមជាមួយក្លិបដ៏អស្ចារ្យនេះ។ វាជាក្លិបមួយដែលស្ថិតនៅក្នុងខួរក្បាលខ្ញុំពេញមួយជីវិត។ ទោះជាខ្ញុំលែងជាកីឡាកររបស់ក្លិបនេះបន្តទៀត ប៉ុន្តែខ្ញុំនឹងបន្តមើលគ្រប់ការប្រកួតរបស់ពួកគេ។ ខ្ញុំសូមអរគុណដល់អ្នកទាំងអស់គ្នាយ៉ាងជ្រាលជ្រៅបំផុត ហើយគ្មានពាក្យពេចន៍អ្វីមករៀបរាប់បានឡើយគឺ មានតែ សូមអរគុណ។ ខ្ញុំសង្ឃឹមថា យើងនឹងបញ្ចប់រដូវកាលនេះជាមួយពានរង្វាន់ចុងក្រោយ ហើយខ្ញុំជឿថា អ្នកនឹងស្ថិតនៅក្នុងបេះដូងខ្ញុំជានិច្ច»។

សម្រាប់អនាគត Kylian Mbappe មិនទាន់ច្បាស់ទេ ប៉ុន្តែ Real Madrid ជាក្លិបដែលរូបគេស្រឡាញ់តាំងពីក្មេង ហើយក៏ជាកីឡាករម្នាក់ដែលក្លិបអេស្ប៉ាញមួយនេះចង់បានជាយូរមកហើយ៕

ប្រែសម្រួល៖ វីរបុត្រ

Related Topics:Kylian Mbappe