Connect with us

ព័ត៌មានអន្ដរជាតិ

តើនាយករដ្ឋមន្ត្រីថ្មីរបស់សិង្ហបុរី ជានរណា?

បានផុស

នៅ

លោក Lawrence Wong អាយុ៥១ឆ្នាំបានចូលខ្លួនជំនួសលោក Lee Hsien Loong ឡើងកាន់តំណែងនាយករដ្ឋមន្ត្រីសិង្ហបុរី ដោយក្លាយជាមេដឹកនាំទី៤ នៃមជ្ឈមណ្ឌលហិរញ្ញវត្ថុអាស៊ីមួយនេះ ចាប់តាំងពីការប្រកាសឯករាជ្យក្នុងឆ្នាំ១៩៦៥មក។

លោក Lee Hsien Loong (ឆ្វេង) និងលោក Lawrence Wong (MCI)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូចនេះ មកស្គាល់លោក Wong ឲ្យច្បាស់ទាំងអស់គ្នា!

លោក Wong កើតនៅថ្ងៃទី១៨ខែធ្នូឆ្នាំ១៩៧២ ក្នុងគ្រួសារដ៏សាមញ្ញមួយ ដោយមានឪពុកជាអ្នកធ្វើការផ្នែកលក់ ចំណែកម្តាយ ជាគ្រូបង្រៀននៅសាលាបឋមសិក្សាមួយកន្លែង ហើយគ្រួ​សារនេះ រស់នៅក្នុងផ្ទះនាភាគខាងកើតប្រទេសដែលមានឈ្មោះថា Marine Parade។

ត្បិតអ្នកនយោបាយនៅក្នុងប្រទេសសិង្ហបុរី ភាគច្រើនជាអ្នករៀនបានខ្ពស់ខ្ពង់ ចប់សុទ្ធពីលំដាប់សាកលវិទ្យាល័យកំពូលៗរបស់ចក្រភពអង់គ្លេសដូចជា Oxford ឬ Cambridge ក៏ដោយ ប៉ុន្តែលោក Wong មិនបានចូលរៀននៅសាលាល្បីៗឡើយ។ គាត់រៀនបានត្រឹមសាលាក្នុងស្រុក ហើយនៅក្នុងបទសម្ភាសមួយ គាត់និយាយថា វាជាធម្មជាតិសម្រាប់ខ្លួនគាត់ ដែលរៀននៅជិតផ្ទះមានមិត្តភក្តិជាមួយគ្នា។

លោក Lawrence Wong (រូបថត៖ Shutterstock)

គាត់បានសិក្សាផ្នែកសេដ្ឋកិច្ចនៅសាកលវិទ្យាល័យ Wisconsin-Madison ហើយ ជ្រើសរើសយកសហរដ្ឋអាមេរិក ព្រោះវាជាកន្លែងដែលសម្បូរតន្ត្រីករ គាត់ចូលចិត្ត។

លោក Wong គឺជាអ្នកប្រាជ្ញក្នុងជួររដ្ឋាភិបាលសិង្ហបុរី ហើយចាប់ផ្តើមអាជីពរបស់គាត់ជាសេដ្ឋវិទូនៅក្រសួងពាណិជ្ជកម្ម។ លើសពីនេះ លោកក៏បានកាន់កាប់ការងារធំៗមួយចំនួននៅក្នុងការិយាធិបតេយ្យរបស់ប្រទេសសិង្ហបុរីផងដែរ ដូចជានាយកប្រតិបត្តិនៃអាជ្ញាធរទីផ្សារថាមពល និងតំណែងដ៏មានកិត្យានុភាពជា លេខាផ្នែកឯកជនរបស់នាយករដ្ឋមន្ត្រី។

លោក Lawrence Wong (រូបថត៖ CNA)

គាត់ចូលប្រឡូកក្នុងឆាកនយោបាយក្នុងឆ្នាំ២០១១ ហើយត្រូវបានតែងតាំងជាក្រុមប្រឹក្សាភិបាលនៃអាជ្ញាធររូបិយវត្ថុសិង្ហបុរី។ ក្រោយមកគាត់បានកាន់ផ្នែកវប្បធម៌ ការអភិវឌ្ឍជាតិ និងវិស័យអប់រំ។ លុះមកដល់ឆ្នាំ២០២០ គាត់បានកាន់តួនាទីជាសហប្រធាននៃក្រុមការងារកូវីដ១៩។

លោក Wong ត្រូវបានតែងតាំងជារដ្ឋមន្ត្រីហិរញ្ញវត្ថុនៅឆ្នាំ២០២១ ហើយនៅឆ្នាំបន្ទាប់ គាត់ក៏ត្រូវបានតែងតាំងជាឧបនាយករដ្ឋមន្ត្រី និងជាអ្នកស្នងតំណែងពីលោក Lee តែម្តង។

លោករៀបការ​ក្នុង​វ័យ​២០​ឆ្នាំ ប៉ុន្តែដោយសារជីវិតគ្រួសារមិនចុះសម្រុង លោកក៏លែងលះជាមួយភរិយា។ លោកបានរៀបការជាមួយប្រពន្ធក្រោយឈ្មោះ Loo Tze Lui ធ្វើការផ្នែកគ្រប់គ្រងទ្រព្យសម្បត្តិ ហើយប្តីប្រពន្ធនេះមិនមានកូនឡើយ៕

អត្ថបទ៖ សុខ សុវណ្ណ

ចុចអាន៖ លោក Lee Hsien Loong ប្រគល់​លិខិត​​លាលែង ខណៈ​នាយករដ្ឋមន្ត្រី​​សិង្ហបុរី​ថ្មី​នឹង​ចូល​កាន់​តំណែង​ផ្លូវ​កា​រ​ថ្ងៃ​ទី​១៥​ឧសភា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៩ នាទីutes មុន

អភិបាលខេត្តកំពង់ចាម ចុះពិនិត្យការសាងសង់​ទប់ស្កាត់ច្រាំងទន្លេនៅខាងក្រោយវត្តមាន់ដប់

ព័ត៌មានជាតិ៤៨ នាទីutes មុន

បេក្ខជនប្រកួតសំណេរអង្គរមិនសូវរំពឹងពី លទ្ធផលតែរីករាយនឹងចូលរួមច្រើនជាង

សេដ្ឋកិច្ច៥១ នាទីutes មុន

រដ្ឋមន្ត្រីទេសចរណ៍ ស្នើឱ្យក្រុមហ៊ុន PATA ជួយជំរុញការផ្សព្វផ្សាយគោលដៅទេសចរកម្ពុជាទៅទីផ្សារអន្តរជាតិ

សេដ្ឋកិច្ច១ ម៉ោង មុន

ខេត្តសៀមរាប និងរាជធានីភ្នំពេញ ជាប់ជាកន្លែងកម្សាន្ត​ដ៏ល្អបំផុតសម្រាប់ឆ្នាំ ២០២៥ ក្នុងតំបន់អាស៊ី

ព័ត៌មានជាតិ២ ម៉ោង មុន

ឆ្នាំ ២០២៥ ខេត្ត​សៀមរាប នឹង​បន្ត​បោះបង្គោល​​ព្រំតំបន់ ២ ចំនួន ៤៧២ បង្គោលទៀត ដើម្បីការពារជីវចម្រុះបឹងទន្លេសាប

ព័ត៌មានអន្ដរជាតិ៥ ម៉ោង មុន

​តំបន់ភ្លើងឆេះព្រៃ​នៅរដ្ឋកាលីហ្វ័រញ៉ា នឹង​ជួប​ខ្យល់​ព្យុះ​ខ្លាំងក្លា​ចំថ្ងៃ​ត្រាំចូលស្បង​កាន់​តំណែង​​

ចរាចរណ៍៨ ម៉ោង មុន

សង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់

ព័ត៌មានជាតិ៥ ម៉ោង មុន

«ឆ្នេរ​តេជោសន្តិភាព​កែប» នឹង​បើកការដ្ឋាន​សាងសង់​នៅ​សប្តាហ៍ក្រោយ​នេះ

សន្តិសុខសង្គម១៩ ម៉ោង មុន

អគ្គីភ័យឆេះផ្ទះប្រជាពលរដ្ឋ ២ ខ្នងនៅស្រុកស្ទឹងត្រង់ ព្រោះប្អូនម្ចាស់ផ្ទះជាអ្នកដុត

ព័ត៌មានជាតិ២ ម៉ោង មុន

វិញ្ញាសារសំណេរអង្គរលើកទី២ រំលេចពីភាពអស្ចារ្យនៃប្រាសាទអង្គរ

Sokha Hotels

ព័ត៌មានពេញនិយម