ព័ត៌មានជាតិ
សហភាពអង្គការសង្គមស៊ីវិល ប្តេជ្ញាចូលរួមជាមួយក្រសួងបរិស្ថាន ដើម្បីការពារឱ្យបាននូវព្រៃឈើកម្ពុជា
សហភាពអង្គការសង្គមស៊ីវិល និងបណ្តាអង្គការ-សមាគម បានចេញសេចក្តីថ្លែងការណ៍ថ្ងៃទី១៦ ខែឧសភា ឆ្នាំ២០២៤ ប្ដេជ្ញាចិត្តចូលរួមជាមួយក្រសួងបរិស្ថាន ធ្វើយ៉ាងណាឱ្យគោលនយោបាយដែលបានដាក់ចេញបានសម្រេចជោគជ័យ ដើម្បីមាតុភូមិកម្ពុជា។ មិនតែប៉ុណ្ណោះ ថែមទាំងស្នើដល់យុវជនដែលចាញ់កលបរទេស មកសិក្សាពីគោលនយោបាយរបស់ក្រសួងឱ្យបានច្បាស់លាស់។
កាលពីថ្ងៃទី ១៥ ខែឧសភា ឆ្នាំ២០២៤ សមាជិកសហភាពអង្គការសង្គមស៊ីវិល និងបណ្តាអង្គការ-សមាគម បានចូលរួមប្រជុំពិភាក្សាការងារជាមួយលោក អ៊ាង សុផល្លែត រដ្ឋមន្រ្តីក្រសួងបរិស្ថាន។ តាមរយៈការតាមដានគោលនយោបាយនៃការខិតខំអនុវត្តរបស់ថ្នាក់ដឹកនាំអាណត្តិថ្មីរបស់ក្រសួងបរិស្ថានរយៈពេល ៨ខែកន្លងមកនេះ សហភាពអង្គការសង្គមស៊ីវិលសង្គេតឃើញថា មានការប្រែប្រួលយ៉ាងខ្លាំងនៃវិស័យបរិស្ថាននៅក្នុងប្រទេសកម្ពុជា និងការទប់ស្កាត់ការកាប់បំផ្លាញព្រៃឈើ។ មិនត្រឹមតែប៉ុណ្ណឹង តាមរយៈគោលនយោបាយ និងយុទ្ធសាស្ត្រនានា ដែលក្រសួងបានដាក់ចេញមក ដូចជា ការកំណត់តំបន់ព្រៃឈើតាមរយៈការប្រើប្រាស់នូវប្រព័ន្ធឌីជីថល(Degital), យុទ្ធការរបស់ក្រសួងបរិស្ថាន គឺដាំកូនឈើ ១,០០០,០០០ (មួយលានដើម) ជារៀងរាល់ឆ្នាំ និងគោលនយោបាយដែលធ្វើឱ្យប្រទេសកម្ពុជាមានភាពស្រស់ស្អាតទាំងលើផ្ទៃទឹក ផ្ទៃអាកាស និងផ្ទៃដី ជាដើម គឺជាការបង្ហាញយ៉ាងច្បាស់ពីកិច្ចខិតខំរបស់ក្រសួង ដើម្បីឱ្យបរិស្ថាន ព្រៃឈើនៅកម្ពុជា មានការអភិរក្ស និងអភិវឌ្ឍន៍។
ទាំងអស់នេះ សុទ្ធតែជាគោលនយោបាយ និងយុទ្ធសាស្ត្រល្អៗដែលក្រសួងបានដាក់ចេញមក ហើយសហភាពអង្គការសង្គមស៊ីវិល និងបណ្តាអង្គការ-សមាគម រីករាយ និងប្តេជ្ញាចិត្តក្នុងការចូលរួមចំណែកជាមួយក្រសួងបរិស្ថាន ដើម្បីស្តារព្រៃឈើ រៀបចំ និងអភិរក្សបរិស្ថានធម្មជាតិឱ្យបានគង់វង្ស ដើម្បីកម្ពុជាអាចរីកចម្រើនទៅមុខបន្តទៀត។ សហភាពអង្គការសង្គមស៊ីវិល ក៏អរគុណដល់ក្រសួងបរិស្ថាន ដែលបើកឱកាសទូលំទូលាយឱ្យមានការសហប្រតិបត្តិការចូលរួមពីយុវជន នៃបណ្ដាអង្គការសង្គមស៊ីវិល។
ដោយឡែក សហភាពអង្គការសង្គមស៊ីវិល និងបណ្តាអង្គការ-សមាគម ក៏អំពាវនាវដល់យុវជនមួយចំនួនដែលចាញ់កលលោក អាឡិច(Alex) ជាជនបរទេស សូមយុវជនសិក្សាអំពីគោលនយោបាយរបស់ក្រសួងបរិស្ថាន ឱ្យបានច្បាស់លាស់ និងចូលរួមជាមួយក្រសួង ដើម្បីជំរុញការអភិវឌ្ឍប្រទេសជាតិឱ្យមានការរីកចម្រើន។ សហភាពអង្គការសង្គមស៊ីវិល លើកឡើងថា៖ “គ្មានជនជាតិណា មកស្រឡាញ់ខ្មែរជាងខ្មែរគ្នាឯងឡើយ!”។ ហេតុដូច្នេះហើយ ការជឿតាមពាក្យញុះញង់របស់បរទេស មានតែធ្វើឱ្យខូចកិត្តិយសជនជាតិខ្មែរ និងធ្វើឱ្យខ្មែរបាត់បង់កេរ្តិ៍ឈ្មោះលើឆាកអន្តរជាតិតែប៉ុណ្ណោះ។ សហភាពអង្គការសង្គមស៊ីវិល សុំឱ្យយុវជនមួយចំនួនដែលជឿតាមការលួងលោមរបស់ចលនា អាឡិច(Alex) សូមមានការពិចារណាឡើងវិញ៕
-
ព័ត៌មានជាតិ៦ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១៥ ម៉ោង ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានអន្ដរជាតិ៧ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ១ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ