មន្ត្រីនគរបាលចរាចរណ៍លោក ហោ ម៉ៅ ដែលតែងសម្រួលចរាចរណ៍នៅស្តុបចាក់អង្រែលើ ទទួល​មរណភាព​ដោយ​ជំងឺ​គាំងបេះដូង​

ភ្នំពេញ ៖ យោងតាម​ប្រភព​ព័ត៌មាន​ពី​លោក យ៉ិ​ន វិធី ចៅសង្កាត់​ច្បារអំពៅ​ទី​២​បាន​បញ្ជាក់​ប្រាប់​កម្ពុជា​ថ្មី​តាមរយៈ​ទូរ​សព្ទ​នា​យប់​ថ្ងៃទី​១៨​ ខែឧសភា​នេះ​ថា លោក ហោ ម៉ៅ បាន​ទទួល​មរណភាព​ដោយ​ជំងឺ​គាំងបេះដូង​។

លោក​យ៉ិន វិធី បាន​បញ្ជាក់​ទៀ​តថា លោក ហោ ម៉ៅ មាន​ទីលំនៅ​ជាប់​ទីស្នាក់ការ​គណបក្ស​ប្រជាជន​កម្ពុជា ស្ថិត​ក្នុង​ភូមិ​ដើម​ចាន់ សង្កាត់​ច្បារអំពៅ​ទី​២ ខណ្ឌ​ច្បារអំពៅ រាជធានី​ភ្នំពេញ​។ មន្ត្រីនគរបាលចរាចរណ៍ដែលតែងតែសម្រួលចរារណ៍នៅស្តុបចាក់អង្រែលើជូនប្រជាពលរដ្ឋរូបនេះ​ បាន​ចេញ​ទៅធ្វើ​ការ​មិន​ដែល​ខកខាន​ឡើយ​។ ហើយ​ផ្ទះ​របស់លោក​សព្វថ្ងៃនេះ​គឺជា​អំណោយ​ដ៏​ថ្លៃថ្លា​របស់​សម្តេច អគ្គមហាសេនាបតី តេ​ជោ ហ៊ុន សែន និង​សម្តេច​ប៊ុន រ៉ានី ហ៊ុនសែន៕

ដោយ ៖ កោះនរា