កីឡា

អ៊ុយក្រែន ប្រកាន់ជំហរមិនឲ្យមានអត្តពលិកអព្យាក្រឹតរុស្ស៊ី ក្នុងកីឡាអូឡាំពិក

បានផុស

៧ ខែ មុន

នៅ

ថ្ងៃអង្គារ ២១ ឧសភា ២០២៤

ដោយ

លោក Matwij Bidny រដ្ឋមន្ត្រីកីឡាអ៊ុយក្រែន នៅក្នុងបទសម្ភាសន៍ជាមួយទូរទស្សន៍អាល្លឺម៉ង់ DW បានបញ្ជាក់ជាថ្មីនូវជំហររបស់អ៊ុយក្រែនចំពោះជនជាតិរុស្សីដែលត្រូវបានអនុញ្ញាតឱ្យចូលរួមប្រកួតក្នុងព្រឹត្តិការណ៍កីឡាអូឡាំពិក នៅទីក្រុងប៉ារីស នាពេលខាងមុខ ដោយសង្កត់ធ្ងន់ថា ពួកគេ មិនឲ្យមានអត្តពលិកអព្យាក្រឹតរុស្ស៊ីទេ”។

ចាប់តាំងពីមានសង្គ្រាមជាមួយរុស្ស៊ី កាលពីខែកុម្ភៈ ឆ្នាំ២០២២ គណៈកម្មាធិការអូឡាំពិកអន្តរជាតិ បានអនុម័តការរឹតបន្តឹងសម្រាប់ការរារាំងកីឡាករ កីឡាការិនីរុស្ស៊ី និងបេឡារុស ចូលរួមប្រកួតកីឡាអូឡាំពិក ប៉ុន្តែអត្តពលិកអព្យាក្រឹតអាចចូលរួមពិធីបើក នៅថ្ងៃទី២៦ ខែកក្កដាបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាពិសេសទៀតនោះក្នុងករណីដែលពួកគេមិនគាំទ្រសង្គ្រាមនៅក្នុងប្រទេសអ៊ុយក្រែន និងស្ថិតក្រោមទង់ជាតិអព្យាក្រឹត ទើបមានកាតព្វកិច្ចចូលរួមក្នុងក្បួនដង្ហែ ប៉ុន្តែការសម្រេចចិត្ត ទាំងនេះត្រូវបានប្រទេសអ៊ុយក្រែនបដិសេធ។

លោក Bidny បាននិយាយថា ៖«ជំហររបស់យើងនៅតែមិនផ្លាស់ប្តូរទេ។ យើងគិតថា មិនមានអត្តពលិកអព្យាក្រឹតទេ។ យើងគិតថា អត្តពលិកទាំងអស់ដែលមិនគាំទ្រការឈ្លានពានរបស់រុស្ស៊ីគួរតែផ្លាស់ប្តូរសញ្ជាតិ។ ឥឡូវនេះអាចទៅរួច ប៉ុន្តែអត្តពលិករុស្ស៊ី និងបេឡារុស្ស ក្រោមទង់ជាតិអព្យាក្រឹត មិនមែនជាការសម្រេចចិត្តល្អនោះទេ»។

ថ្មីៗនេះ ប្រទេសអ៊ុយក្រែនបានណែនាំអត្តពលិករបស់ខ្លួនកុំឱ្យមានការទាក់ទងណាមួយជាមួយជនជាតិរុស្ស៊ី និងបេឡារុស្ស ត្រូវចូលរួមប្រកួតនៅកីឡាអូឡាំពិកប៉ារីស ឆ្នាំ២០២៤។ អ្នកខ្លះថែមទាំងកំពុងពិចារណាធ្វើពហិការការប្រកួតជាមួយអ្នកចូលរួមរុស្សីថែមទៀត។

លោកបានបន្ថែមថា ៖«ខ្ញុំគិតថា វាគួរតែជាការសម្រេចចិត្តរបស់អត្តពលិករបស់យើង ពីព្រោះពួកគេជាច្រើនឥឡូវនេះស្ថិតក្នុងស្ថានភាពលំបាកខ្លាំង»។

លោករដ្ឋមន្ត្រីបានទទូចលើការពិតដែលថានេះគឺជានីតិវិធីពិសេសមួយសម្រាប់អត្តពលិកដែលត្រូវទទួលយកជាអព្យាក្រឹត ឬក៏មិអព្យាក្រឹត ហើយបានរម្លឹកពីហានិភ័យដែលហ្គេមអាចនឹងត្រូវបានប្រើប្រាស់ជាមធ្យោបាយសម្រាប់ផ្សព្វផ្សាយសារនយោបាយមួយចំនួនផងដែរ៕