ព័ត៌មានអន្ដរជាតិ
ភាគហ៊ុនរបស់ Singapore Airlines ធ្លាក់ចុះ ១,៣ ភាគរយ ក្រោយយន្តហោះជួបចលាចលស្លាប់អ្នកដំណើរម្នាក់
ភាគហ៊ុនរបស់ក្រុមហ៊ុនទេសចរណ៍សិង្ហបុរី Singapore Airlines បានធ្លាក់ចុះ ១,៣ ភាគរយ ក្នុងការជួញដូរនៅថ្ងៃព្រហស្បតិ៍នេះ បន្ទាប់ពីជើងហើរពីទីក្រុងឡុងដ៍បានជួបភាពចលាចលកាលពីថ្ងៃអង្គារ ដោយបណ្ដាលឱ្យអ្នកដំណើរម្នាក់ស្លាប់បាត់បង់ជីវិតនៅលើយន្តហោះ។ នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។
ទីផ្សារភាគហ៊ុនសិង្ហបុរី បានបិទសម្រាប់ថ្ងៃឈប់សម្រាកកាលពីថ្ងៃពុធ ហើយបានបន្តការជួញដូរឡើងវិញនៅថ្ងៃព្រហស្បតិ៍។ ភាគហ៊ុនរបស់ក្រុមហ៊ុន បានធ្លាក់ចុះរហូតដល់ ១,៣ ភាគរយ ដល់ ៦,៦៧ ដុល្លារសិង្ហបុរី/ហ៊ុន (៤,៩៤ ដុល្លារអាមេរិក) បើធៀបនឹងការជួញដូរ ៦,៧៦ ដុល្លារសិង្ហបុរី/ហ៊ុន ក្នុងការជួញដូរកាលពីថ្ងៃអង្គារ។
គួរគូសបញ្ជាក់ថា ជើងហោះហើរ SQ321 របស់ Singapore Airlines បានជួបនូវភាពចលាចលធ្ងន់ធ្ងរ នៅពេលមកដល់លើដែនអាកាសប្រទេសមីយ៉ាន់ម៉ា ក្នុងរយៈកម្ពស់ជាង ៩ ៤០០ ម៉ែត្រ ដែលបង្ខំឱ្យយន្តហោះ Boeing 777-300ER ត្រូវចុះចតជាបន្ទាន់នៅទីក្រុងបាងកក មុនឆ្ពោះទៅគោលដៅនៅសិង្ហបុរី។
រូបភាពដែលគេចែកចាយតាមបណ្ដាញសង្គម បានបង្ហាញថា ភាពចលាចលបានបង្កឱ្យកៅអី សម្ភារៈលើយន្តហោះ ទូរដាក់ឥវ៉ាន់ ក្រឡុកខ្ចាត់ខ្ចាយខ្ទេចខ្ទី។ ការច្របូកច្របល់បានកើតឡើង ដោយបោកក្រឡាប់ផ្កាប់ផ្ងារអ្នកដំណើរ និងបុគ្គលិកលើយន្តហោះទាំងអស់ ហើយបុរសជនជាតិអង់គ្លេស អាយុ ៧៣ ម្នាក់ ត្រូវបានគេសង្ស័យថាស្លាប់ដោយសារគាំងបេះដូង។
រ៉យទ័រចុះផ្សាយនៅព្រឹកថ្ងៃព្រហស្បតិ៍នេះ ដោយស្រង់សម្ដីមន្រ្តីអាកាសយានដ្ឋានម្នាក់ ដែលបានឱ្យដឹងថា មន្ទីរពេទ្យក្រុងបាងកក Samitivej បាននិយាយថា មានអ្នកដំណើរចំនួន ២០ នាក់ កំពុងស្ថិតក្នុងបន្ទប់មើលថែយ៉ាងយកចិត្តទុកដាក់ ៩នាក់បានទទួលការវះកាត់រួចរាល់ ខណៈ ៥ នាក់ទៀតកំពុងរង់ចាំការវះកាត់៕
ចំណូលរបស់រដ្ឋាករទឹកស្វយ័តក្រុងភ្នំពេញថយចុះតិចតូចនៅត្រីមាសទី៣
មេបក្សប្រជាធិបតេយ្យដែលស្ទើរក្លាយជាអ្នកទោស ថា ប្រជាជនបង្កើតប្រវត្តិសាស្រ្តថ្មី
រយៈពេល៨ឆ្នាំ ប្រធានាធិបតីកូរ៉េខាងត្បូង២រូបត្រូវសភាដកហូតអំណាចក្នុងខែធ្នូដូចគ្នា
លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជើញជាអធិបតីបើកពិធីបុណ្យរំលឹកគុណអង្គរលើកទី៤
លោក Yoon ដែលប្តេជ្ញាប្រយុទ្ធដល់ទីបញ្ចប់នោះ សន្យាចុះចេញ ក្រោយសភាទម្លាក់
ទីបំផុត សភាកូរ៉េខាងត្បូងជោគជ័យព្យួរអំណាចលោក Yoon យ៉ាងងាយស្រួល ដោយសំឡេង២០៤
មេបក្សប្រជាធិបតេយ្យដែលស្ទើរក្លាយជាអ្នកទោស ថា ប្រជាជនបង្កើតប្រវត្តិសាស្រ្តថ្មី
នាយករដ្ឋមន្ត្រី Han Duck-soo បន្តការងារពី Yoon Suk Yeol ដើម្បីដោះវិបត្តិកូរ៉េ
អតីតប្រធានសភាអាមេរិកដ៏មានឥទ្ធិពល Nancy Pelosi ដួលរងរបួសនៅលុចសំបួ
មនុស្សជិត ១ម៉ឺននាក់ ចូលរួមទស្សនាពិព័រណ៍យន្តហោះ និងបច្ចេកវិទ្យា ថ្ងៃទី១
-
ព័ត៌មានអន្ដរជាតិ៥ ថ្ងៃ ago១១ខែ វៀតណាម រញ្ជួយដី ៤៥៨លើក
-
ចរាចរណ៍៤ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ៥ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សុខភាព២ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៤ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ជីវិតកម្សាន្ដ៦ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
បច្ចេកវិទ្យា៧ ថ្ងៃ agoផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ
-
សន្តិសុខសង្គម១ សប្តាហ៍ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ