ព័ត៌មានអន្ដរជាតិ
កូរ៉េខាងត្បូង ចិន និងជប៉ុន រៀបចំកិច្ចប្រជុំកំពូល ក្រោយផ្អាកអស់៤ឆ្នាំ
ជំនួបត្រីភាគីរវាងប្រទេសកូរ៉េខាងត្បូង ចិន និងជប៉ុន នឹងត្រូវរៀបចំធ្វើឡើងវិញនៅថ្ងៃទី២៦ ដល់ថ្ងៃទី២៧ ខែឧសភាខាងមុខ ក្រោយការផ្អាកអស់រយៈពេល៤ឆ្នាំកន្លងទៅ។ នេះបើយោងតាមការប្រកាសរបស់ការិយាល័យប្រធានាធិបតីក្រុងសេអ៊ូល នៅថ្ងៃទី២៣ ខែឧសភា ឆ្នាំ២០២៤។
លោក Yoon Suk Yeol ប្រធានាធិបតីកូរ៉េខាងត្បូង នឹងត្រូវមានជំនួបទ្វេភាគីម្ដងម្នាក់ជាមួយលោក Li Qiang នាយករដ្ឋមន្ត្រីចិន និងលោក Fumio Kishida នាយករដ្ឋមន្ត្រីជប៉ុន នៅថ្ងៃអាទិត្យទី២៦ មុនការជួបប្រជុំជាលក្ខណៈត្រីភាគីនៅថ្ងៃចន្ទបន្ទាប់។ កិច្ចប្រជុំរវាងប្រទេសទាំង៣ នឹងធ្វើសេចក្ដីថ្លែងការណ៍រួមគ្នា ផ្ដោតសំខាន់ទៅលើ៦ចំណុចធំៗ មានដូចជា សេដ្ឋកិច្ច និងពាណិជ្ជកម្ម, ការអភិវឌ្ឍប្រកបដោយចីរភាព, បញ្ហាសុខភាព, វិទ្យាសាស្ត្រ និងបច្ចេកវិទ្យា, ការគ្រប់គ្រងគ្រោះមហន្តរាយ និងសុវត្ថិភាព, ព្រមទាំងការផ្លាស់ប្ដូររវាងប្រជាជននិងប្រជាជន។
កូរ៉េខាងត្បូង ចិន និងជប៉ុន ធ្លាប់យល់ព្រមធ្វើការប្រជុំរួមគ្នាជារៀងរាល់ឆ្នាំ គិតចាប់តាំងពីឆ្នាំ២០០៨ ដើម្បីបង្កើនកិច្ចសហប្រតិបត្តិការតំបន់។ ប៉ុន្តែគំនិតផ្តួចផ្ដើមនេះ ត្រូវបានខកខាន ដោយសារតែជំនាស់ទ្វេភាគី និងការរីករាតត្បាតនៃជំងឺកូវីដ១៩។ កិច្ចប្រជុំត្រីភាគីលើកចុងក្រោយធ្វើឡើងកាលពីចុងឆ្នាំ២០១៩។
យោងតាមការចុះផ្សាយរបស់សារព័ត៌មានកូរ៉េ Yonhap បានឲ្យដឹងថា នៅក្នុងកិច្ចប្រជុំត្រីភាគីនេះ កូរ៉េខាងត្បូង និងជប៉ុន ទំនងជាអាចស្នើសុំឲ្យចិនដើរតួនាទីជួយទប់ស្កាត់ការគំរាមកំហែងមីស៊ីល និងនុយក្លេអ៊ែររបស់រដ្ឋាភិបាលក្រុងព្យុងយ៉ាង ជុំវិញក្ដីព្រួយបារម្ភថា កូរ៉េខាងជើងកំពុងលួចដឹកជញ្ជូនសព្វាវុធឲ្យរុស្ស៊ីយកទៅប្រើក្នុងសង្គ្រាមតតាំងនឹងអ៊ុយក្រែន។ ដោយឡែកចំពោះភាគីចិនវិញ អាចលើកយកកង្វល់ពីបញ្ហាសន្តិសុខរបស់ខ្លួន ចំពោះកិច្ចសហប្រតិបត្តិការត្រីភាគីរវាងកូរ៉េខាងត្បូង ជប៉ុន និងសហរដ្ឋអាមេរិក ជាពិសេសនោះគឺការធ្វើសមយុទ្ធរួមគ្នាតែម្ដង ក្រោយកិច្ចប្រជុំ Camp David កាលពីពេលកន្លងទៅ៕
ដោយ៖ ឈាង
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា