ជីវិតកម្សាន្ដ
ប្រធានក្រុមល្ខោនបាសាក់ អំពាវនាវរួមគ្នាផ្សព្វផ្សាយអភិរក្សមរតកទម្រង់សិល្បៈល្ខោនបាសាក់ខ្មែរ
លោក អុល សំអាង ដែលជាប្រធានក្រុមដឹកនាំសិល្បៈល្ខោនបាសាក់មហាជន អុល សំអាង វង់ទីរាជាធានីភ្នំ ជាថ្មីម្តងទៀត បានចេញមុខអំពាវនាវដល់គ្រប់មជ្ឈដ្ឋានមហាជន ត្រូវរួមគ្នាផ្សព្វផ្សាយអភិរក្សមរតកទម្រង់សិល្បៈល្ខោនបាសាក់ខ្មែរ។
ការអំពាវនាវរបស់ប្រធានក្រុមល្ខោនបាសាក់ អុល សំ អាង រូបនេះ ក្នុងគោលបំណងដើម្បីចូលរួមអភិរក្សមរតកទម្រង់សិល្បៈល្ខោនបាសាក់ខ្មែរកុំឲ្យមានការបាត់បង់ ឬធ្លាក់ចុះ ពិសេសក៏ជាផ្នែកមួយដែលធ្វើឲ្យកាន់តែជ្រួតជ្រាបដល់ស្រទាប់មហាជនបានដឹងអំពីគុណតម្លៃវប្បធម៌ជាតិផងដែរ។
លោក អុល សំអាង បានបញ្ជាក់ថា ”ការរួមគ្នាជួយផ្សព្វផ្សាយ អភិរក្ស មរតកទម្រង់សិល្បៈល្ខោនបាសាក់ខ្មែរឲ្យជ្រួតជ្រាបដល់ស្រទាប់មហាជន ជ្រួតជ្រាបពីគុណតម្លៃ វប្បធម៌ជាតិ យើងគួរតែផុសចេញទឹកចិត្តសមានចិត្ត ស្មារតី មនសិការ នៃពលរដ្ឋយើងម្នាក់ៗ ដើម្បីការពារថែរក្សាបណ្ដុះបណ្ដាល គាំពារទ្រទ្រង់ពីមូលធនជនឥស្សរជន នៃជាតិយើង”។
កន្លងមកដោយការព្រួយបារម្ភខ្លាចបាត់បង់តួឯកល្ខោនបាសាក់លោក អុល សំអាង ធ្លាប់ចេញមកស្នើដោយទទូចដល់ភាគីពាក់ព័ន្ធ និងកូនខ្មែរទាំងអស់ រួមគ្នាលើកស្ទួយដល់វិស័យល្ខោនបាសាក់ ដើម្បីជំរុញឲ្យកាន់តែមានភាពល្បីល្បាញ។
ជាការពិតលោក អុល សំអាង គេកត់សម្គាល់ថា លោកតែងអំពាវនាវឲ្យមានការចូលរួមពីគ្រប់មជ្ឈដ្ឋានមហាជនខ្មែរក្នុងការរួមគ្នាផ្សព្វផ្សាយអភិរក្សនូវមរតកទម្រង់សិល្បៈល្ខោនបាសាក់ខ្មែរកុំឲ្យបាត់បង់ ឬធ្លាក់ចុះ។
លើសពីនេះទៀត ព្រោះតែមានការស្រលាញ់វប្បធម៌ អរិយធម៌សង្គមជាតិ ដោយឈរលើសុឆន្ទៈឧត្ដមគតិជាតិ ខ្លាចបាត់បង់ទម្រង់ល្ខោនសិល្បករ ក្រុមល្ខោនបាសាក់លោក អុល សំអាង បានបញ្ជាក់ដែរថា ទោះយ៉ាងណាលោកសុខចិត្តក្រាញននៀលតស៊ូពុះពារឆ្លងកាត់ឧបសគ្គ លំបាកលំបិនវេទនាក៏ដោយ ក៏មិនរាថយដែរ៕
អត្ថបទ ៖ ចាន់រ៉ា
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា