សេដ្ឋកិច្ច
ធនាគារឡាវថា អតិផរណានឹងបន្តខ្ពស់ក្នុងអត្រា២ខ្ទង់នៅឆ្នាំ ២០២៤
ទេសាភិបាលធនាគារឡាវ (BOL) លោក Bounleua Sinxayvoravong បានថ្លែងកាលពីសប្ដាហ៍មុនថា អតិផរណារបស់ប្រទេសឡាវនឹងនៅតែបន្តខ្ពស់រហូតដល់ដំណាច់ឆ្នាំ ២០២៤ ដែលធ្វើឱ្យខ្លួនមិនអាចកាត់បន្ថយអត្រាអតិផរណាមកត្រឹមអត្រា១ខ្ទង់នៅក្នុងឆ្នាំនេះ។ នេះបើតាមការចុះផ្សាយរបស់សារព័ត៌មាន The Laotian Times។
![](https://www.kampucheathmey.com/wp-content/uploads/2024/05/Laos-Bank-1024x614.jpg)
លោកថ្លែងបែបនេះ ក្នុងសម័យប្រជុំបំផុសគំនិតរបស់ BOL កាលពីថ្ងៃពុធ នៅទីក្រុងវៀងចន្ទន៍ អំពីយុទ្ធសាស្រ្តដោះស្រាយអតិផរណាខ្ពស់ថេររបស់ប្រទេស។ ការផ្តោតសំខាន់នៃការពិភាក្សានាពេលនោះ គឺដើម្បីកំណត់ពីមូលហេតុឫសគល់នៃអតិផរណាទាំងនៅក្នុងទីផ្សារពិភពលោក និងក្នុងស្រុក ហើយស្វែងរកដំណោះស្រាយសក្តានុពល ដើម្បីកាត់បន្ថយផលប៉ះពាល់របស់វា។
អត្រាអតិផរណាឡាវបានកើនឡើងកប់ពពក ៤១,២៦ ភាគរយនៅខែកុម្ភៈឆ្នាំ ២០២៣ ហើយបើទោះបីជាវាមានមាននិន្នាការធ្លាក់ចុះតាំងពីពេលនោះហើយក្ដី អតិផរណារបស់ប្រទេសនេះ នៅតែខ្ពស់ដោយឈរនៅអត្រា២ខ្ទង់ ២៤,៩២ ភាគរយ កាលពីខែមេសា ឆ្នាំនេះ។
កត្តាជាច្រើន បានរួមចំណែកដល់សម្ពាធអតិផរណានេះ រួមទាំងតម្លៃមិនថេរនៃប្រេងឥន្ធនៈ ឧស្ម័ន និងទំនិញនាំចូល។ ការធ្លាក់ថ្លៃនៃរូបិយប័ណ្ណជាតិ ប្រាក់គីបឡាវ ធៀបនឹងប្រាក់បាតថៃ និងប្រាក់ដុល្លារអាមេរិក ធ្វើឱ្យស្ថានការណ៍កាន់តែស្មុគស្មាញ ដោយធ្វើឱ្យឡាវពិបាកក្នុងការរក្សាតម្លៃទាបសម្រាប់ទំនិញនាំចូល។
![](https://www.kampucheathmey.com/wp-content/uploads/2024/05/Laos-City-1024x614.jpeg)
ដើម្បីដោះស្រាយបញ្ហានេះ លោកទេសាភិបាល លោក Bounleua បានសង្កត់ធ្ងន់លើសារៈសំខាន់នៃការលើកកម្ពស់ការយល់ដឹងជាសាធារណៈអំពីមូលហេតុនៃអតិផរណា និងវិធានការនានាដែលរដ្ឋាភិបាលចាត់វិធានការដោះស្រាយ។
គួរគូសបញ្ជាក់ថា កាលពីឆ្នាំ ២០២៣ BOL ធ្លាប់បានកំណត់គោលដៅកាត់បន្ថយអតិផរណាមកត្រឹម ៩ ភាគរយ។ កិច្ចខិតខំប្រឹងប្រែងផ្សេងៗរួមមានការជំរុញការអនុវត្តគោលនយោបាយរូបិយវត្ថុ ការបញ្ជូនប្រាក់ចំណូលនាំចេញទៅក្នុងប្រព័ន្ធធនាគារ និងការសម្របសម្រួលអត្រាប្តូរប្រាក់ជាមួយយន្តការទីផ្សារជាដើម។ យ៉ាងណាមិញ ទោះបីជាផែនការទាំងអស់បានកំណត់ហើយក្ដី គោលដៅនៃការទម្លាក់អតិផរណាឱ្យនៅក្រោម ១០ ភាគរយ នៅតែមិនបានសម្រេច៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានអន្ដរជាតិ២ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៧ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ១៧ ម៉ោង ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤