ព័ត៌មានអន្ដរជាតិ

ប្រទេសចំនួន ១៤៥ ទៀតប្រកាសទទួលស្គាល់រដ្ឋប៉ាឡេស្ទីន

បានផុស

៩ ខែ មុន

នៅ

ថ្ងៃពុធ ២៩ ឧសភា ២០២៤

ដោយ

គិតត្រឹមពេលនេះមានប្រទេសចំនួន ១៤៥ ហើយ បន្ទាប់ពីន័រវេស អេស្ប៉ាញ និងអៀរឡង់ដែលប្រកាសទទួលស្គាល់រដ្ឋប៉ាឡេស្ទីន ដើម្បីជាផ្នែកមួយនៃកិច្ចចរចាសន្តិភាពជាមួយអ៊ីស្រាអែល ។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី២៩ ខែឧសភា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសចំនួន ១៤៥ ក្នុងចំណោមរដ្ឋសមាជិក ១៩៣ របស់អង្គការសហប្រជាជាតិ (UN) ដែលបានទទួលស្គាល់រដ្ឋប៉ាឡេស្ទីន រួមមានប្រទេសមជ្ឈិមបូព៌ា អាហ្រ្វិក និងអាស៊ីជាច្រើន លើកលែងតែសហរដ្ឋអាមេរិក កាណាដា អូស្ត្រាលី ជប៉ុន និងកូរ៉េខាងត្បូងប៉ុណ្ណោះ ។

សហរដ្ឋអាមេរិកបានប្រើការវេតូរបស់ខ្លួននៅក្រុមប្រឹក្សាសន្តិសុខអង្គការសហប្រជាជាតិដើម្បីរារាំងការចរចាឲ្យប៉ាឡេស្ទីនក្លាយជារដ្ឋសមាជិកពេញសិទ្ធិរបស់អង្គការសហប្រជាជាតិ ។

គួរបញ្ជាក់ថាឆ្នាំ កាលពី ១៩៨៨ ប្រទេសអាល់ហ្សេរីបានក្លាយជាប្រទេសដំបូងគេដែលទទួលស្គាល់ជាផ្លូវការនូវរដ្ឋឯករាជ្យប៉ាឡេស្ទីន ក្រោយមកក៏មានប្រទេសជាច្រើនទៀតប្រកាសទទួលស្គាល់ជាបន្តបន្ទាប់ ។

ចំណែកការទទួលស្គាល់នាពេលថ្មីៗនេះវិញ គឺដោយសារតែកាវាយលុកឥតឈប់ឈររបស់អ៊ីស្រាអែលនៅតំបន់ហ្គាហ្សាដែលបានបណ្តាលឲ្យមនុស្សរាប់ម៉ឺននាក់បានស្លាប់ ហើយកត្តានេះហើយទើបបង្កើនការគាំទ្របន្ថែមទៀតនៅអឺរ៉ុបជុំវិញភាពជារដ្ឋប៉ាឡេស្ទីន ។

ជាកស្ដែង ប្រទេសន័រវេស អេស្ប៉ាញ និងអៀរឡង់កាលពីថ្ងៃអង្គារបានប្រកាសទទួលស្គាល់រដ្ឋប៉ាឡេស្ទីន ខណៈប្រទេសម៉ាល់តា និងស្លូវេនីក៏បានសម្តែងការត្រៀមខ្លួនដើម្បីទទួលស្គាល់រដ្ឋប៉ាឡេស្ទីននៅពេលដ៏សមស្របណាមួយផងដែរ ៕