ជីវិតកម្សាន្ដ

តារាចម្រៀង វ៉ាន់ នីឡា និងមហាជន ហួសចិត្តខ្លាំងចំពោះកាយវិការមិនសមរម្យគ្រូពេទ្យម្នាក់

បានផុស

៣ សប្តាហ៍ មុន

នៅ

ថ្ងៃព្រហស្បតិ៍ ៣០ ឧសភា ២០២៤

ដោយ

តារាចម្រៀងកញ្ញា វ៉ាន់ នីឡា និងមហាជន បានរិះគន់ បន្ទាប់ពីមានការចែករំលែកនូវឃ្លិបវីដេអូខ្លីមួយនៅលើបណ្តាញសង្គមហ្វេសប៊ុកបង្ហាញសកម្មភាពរបស់គ្រូពេទ្យស្រីម្នាក់ដែលប្រើពាក្យសម្តីមិនសមរម្យទៅកាន់ស្ត្រីម្នាក់ទៀតកំពុងនាំកុមារទៅចាក់វ៉ាក់សាំងការពារជំងឺ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈវីដេអូខ្លីដែលត្រូវបានគេបង្ហោះចែកចាយនៅលើបណ្តាញសង្គម កាលពីថ្ងៃទី ២៩ ខែឧសភា ឆ្នាំ ២០២៤ ម្សិលមិញនេះ កំពុងក្លាយជារឿងដ៏ចាប់អារម្មណ៍ពីសំណាក់មហាជនជាមួយការបញ្ចេញមតិរិះគន់ជាច្រើន ខណៈមានការលើកឡើងថា ក្នុងនាមជាគ្រូពេទ្យមិនគួរណាប្រើសម្តីមិនសមរម្យបែបនេះទេ ម្យ៉ាងទៀត មើលកាយវិការបុកសាច់ក្មេងដូចសត្វ។

ជាមួយនេះ ដោយឃើញសកម្មភាពបែបនេះ តារាចម្រៀងកញ្ញា វ៉ាន់ នីឡា ក៏បានបញ្ចេញជាសាររិះគន់ថា ” នែ..អ៊ី អ៊ីឯងថីហ្នឹង អ្នកណាទាញ ទៅស្តីឲ្យអ្នកនោះទៅ ថីបានមករាលដាលដល់គេ ហើយមើលកាយវិការបុកសាច់គ្នា ដូចគ្នាសត្វ បើអ៊ីឯងមិនពេញចិត្តធ្វើការ សុំឈប់ទៅ មានតែដេកស៊ីទេ ទើបស្រួល អត់ហត់”។

តារាចម្រៀងចង្កេះអង្ក្រងកញ្ញា វ៉ាន់ នីឡា បាននិយាយដោយខ្លីទៀតថា ”មូលហេតុនេះហើយ បានភាគច្រើនគេសំដៅទៅរកពេទ្យឯកជន”។ ក្នុងនោះ ក៏មានការបញ្ចេញមតិដែរថា ”មើលហើយក្នាញ់យាយប៉ិពេទ្យហ្នឹងណាស់ ប៉ះចំកូនខ្ញុំវិញ ស្តីឲ្យនៅមុខហ្នឹងហ្មង គ្មានសំចៃមាត់ទេ ចាក់ថ្នាំឲ្យតែរួចពីដៃ បុកម្ជុលមើលតែចាក់ថ្នាំឲ្យសត្វ សម្តីក៏អន់ កោតនៅធ្វើការកើត គ្មានសុជីវធម៌សោះ”។

ជាមួយគ្នានេះ ក៏មានមហាជនមួយចំនួនទៀត បានផ្ទុះការវែកញែក និង ខ្លះ សម្តែងការមិនពេញចិត្តទៅលើសកម្មភាពរបស់អ្នកគ្រូពេទ្យខាងនេះដែរ។