សេដ្ឋកិច្ច

ចិនដាក់ចេញច្បាប់សន្តិសុខស្បៀង ក្នុងបំណងឱ្យប្រទេសមានស្បៀងខ្លួនឯងគ្រប់គ្រាន់

បានផុស

៨ ខែ មុន

នៅ

ថ្ងៃសៅរ៍ ១ មិថុនា ២០២៤

ដោយ

ប្រទេសចិននៅថ្ងៃទី១ មិថុនា នេះ បានដាក់ចេញជាធរមាននូវច្បាប់សន្តិសុខស្បៀងដំបូងរបស់ប្រទេស ក្នុងបំណងធ្វើឱ្យប្រទេសអាចផ្គត់ផ្គង់ស្បៀងដោយខ្លួនឯងបានគ្រប់គ្រាន់ ដោយពង្រឹងកិច្ចខិតខំប្រឹងកាត់បន្ថយការពឹងផ្អែករបស់ប្រទេសលើការទិញស្បៀងពីក្រៅប្រទេស។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ច្បាប់នេះ ផ្តល់នូវក្របខ័ណ្ឌច្បាប់សម្រាប់ការណែនាំដែលមានស្រាប់របស់បក្សកុម្មុយនិស្ត លើរដ្ឋាភិបាលមូលដ្ឋាន និងឧស្សាហកម្មកសិកម្ម ដើម្បីលើកកំពស់ផលិតកម្មស្បៀង ទោះបីជាវាមិនបានផ្តល់ព័ត៌មានលម្អិតអំពីរបៀបដែលច្បាប់នេះ នឹងត្រូវអនុវត្តក៏ដោយ។ ច្បាប់ដដែល រួមបញ្ចូលទាំងការការពារដីស្រែ ពីការបំប្លែងវាសម្រាប់ប្រើប្រាស់គោលដៅផ្សេងទៀត ដើម្បីរក្សាជីវជាតិ។

ការមើលឃើញថា ច្បាប់នេះអនុម័តឡើង ដោយឆ្លុះបញ្ចាំងពីភាពបន្ទាន់របស់ប្រទេសចិន ក្នុងការដោះស្រាយបញ្ហាដែលរារាំងផលិតកម្ម ដូចជាកង្វះដីបង្កបង្កើនផល និងធនធានទឹក កង្វះកម្លាំងពលកម្ម និងកង្វះបច្ចេកវិទ្យាកសិកម្មជាដើម។

ច្បាប់ដដែល កំណត់ឱ្យរដ្ឋាភិបាលកណ្តាល និងខេត្ត ទទួលខុសត្រូវចំពោះការបញ្ចូលសន្តិសុខស្បៀងទៅក្នុងផែនការសេដ្ឋកិច្ច និងការអភិវឌ្ឍន៍របស់ពួកគេ ដោយធានាថា ការផ្គត់ផ្គង់ស្បៀងនៅតែជាអាទិភាពចម្បងក្នុងប្រទេសដែលមានប្រវត្តិទុរ្ភិក្សដ៏ធ្ងន់ធ្ងរមួយនេះ។

អ្នកវិភាគបាននិយាយថា ច្បាប់នេះមានពាក្យមិនច្បាស់លាស់ ហើយប្រហែលជាមិនមានប្រសិទ្ធិភាពខ្លាំងដល់របៀបដែលប្រទេសចិន ជំរុញការផលិតស្បៀងអាហារនោះទេ។

លោកស្រី Even Pay អ្នកវិភាគកសិកម្មនៅក្រុមហ៊ុនប្រឹក្សា Trivium China ដែលមានមូលដ្ឋាននៅទីក្រុងប៉េកាំង បាននិយាយថា៖ «វាមិនផ្លាស់ប្តូរតថភាពនៅថ្នាក់ក្រោមសម្រាប់មន្ត្រីមូលដ្ឋាន ដែលស្ថិតនៅក្រោមសម្ពាធយ៉ាងធំក្នុងការផ្តល់សុវត្ថិភាពស្បៀងអាហាររួចទៅហើយនោះទេ»៕

Related Topics: