ព័ត៌មានអន្ដរជាតិ
នាវាកម្សាន្តដែលរៀបចំ Pre-Wedding លើកទី ២ របស់កូនសេដ្ឋី ឥណ្ឌា មានលក្ខណៈពិសេសខ្លាំង
ពិធីជប់លៀងមុនអាពាហ៍ពិពាហ៍លើកទីពីរសម្រាប់ Anant Ambani កូនប្រុសរបស់មហាសេដ្ឋី Mukesh Ambani និងគូដណ្តឹង Radhika Merchant បានធ្វើឡើងនៅលើ Celebrity Ascent ដែលជានាវាកម្សាន្តដ៏ធំបំផុតមួយរបស់ពិភពលោក។
បន្ទាប់ពីពិធីជប់លៀង Pre-Wedding លើកដំបូងកាលពីខែមីនា ធ្វើឲ្យមានការចាប់អារម្មណ៍ជាសកល មហាសេដ្ឋីឥណ្ឌាដ៏មានបំផុតនៅអាស៊ី លោក Ambani បានជួលនាវាទេសចរណ៍ប្រវែង៣២៣ ម៉ែត្រ ដើម្បីនាំក្រុមគ្រួសារ និងភ្ញៀវកិត្តិយសក្នុងការធ្វើដំណើររយៈពេល ៤ ថ្ងៃពីប្រទេសអ៊ីតាលីទៅកាន់ភាគខាងត្បូងនៃប្រទេសបារាំងរវាង ថ្ងៃពុធ និងថ្ងៃសៅរ៍។
យោងតាម Luxury Launches បានគូសបញ្ចាក់ថា វាគឺជានាវា Celebrity Cruises’ Edge-class ដែលវាស់វែងដូចនាវាផ្ទុកយន្តហោះ ហើយត្រូវបានសាងសង់ក្នុងឆ្នាំ ២០២៣។ នាវាយក្សនេះត្រូវបានគេប្រដូចទៅនឹង ប្រាសាទអណ្តែតលើមហាសមុទ្រ ដែលមានសមត្ថភាពផ្ទុកអ្នកដំណើរជិត ៤,០០០ នាក់ និងបុគ្គលិកសេវាកម្មចំនួន ១,៤០០ នាក់ ដែលផ្តល់ឲ្យពួកគេនូវបទពិសោធន៍ធ្វើដំណើរកម្រិតខ្ពស់។
អ្វីដែលកាន់តែចាប់អារម្មណ៍ពីភ្នែកមហាជន ដោយសារភាពឯកជន និងសុវត្ថិភាព កប៉ាល់ដឹកភ្ញៀវ VIP ត្រឹមតែ ៦០០នាក់នៃគ្រួសារ Ambani ប៉ុណ្ណោះ។ ភ្ញៀវរបស់ Ambanis មានសិទ្ធិចូលទៅកាន់កាប៊ីន និងបន្ទប់កំពូលៗ រួមទាំង AquaClass SkySuites និង Iconic Suite ដែលផ្តល់ការចូលទៅកាន់ Thermal Spa និងភោជនីយដ្ឋាន Blu ដែលស្អាតផ្ទាល់ខ្លួនរបស់នាវាថែមទៀតផង។
Celebrity Ascent ផ្តល់ជូននូវកន្លែងស្នាក់នៅជាច្រើនប្រភេទ ដើម្បីបំពេញតម្រូវការរបស់ភ្ញៀវទាំងអស់ រួមមានបន្ទប់ទោល បន្ទប់ទ្វេរ ឈុត ដល់អាផាតមិនប្រណីត។ បន្ទប់ត្រូវបានបំពាក់យ៉ាងពេញលេញជាមួយនឹងបរិក្ខារទំនើបៗដូចជា យ៉រឯកជន គ្រែដ៏មានផាសុខភាព និងបន្ទប់ទឹកកម្រិតខ្ពស់។ ចំណែកឯ តម្លៃសំបុត្រអាស្រ័យលើប្រភេទបន្ទប់ ពេលវេលាចេញដំណើរ និងការធ្វើដំណើរតាមនាវា។ ការស្នាក់នៅមួយយប់មានចាប់ពី ១,៨៤៩ ដុល្លារអាមេរិកសម្រាប់បន្ទប់មួយដល់ ៥,៧៣៦ ដុល្លារសម្រាប់បន្ទប់មួយ។
ទន្ទឹមនោះទៀតដែរ នាវាកម្សាន្តនេះក៏មានលក្ខណៈពិសេស វីឡា Edge ជាន់ពីរដ៏ធំទូលាយ ជាមួយនឹងកន្លែងរស់នៅ និងអាងទឹកនៅលើនាវាទីមួយ និងបន្ទប់គេងនៅទីពីរ។ នាដ៏ទំនើបនេះក៏ផ្តល់នូវសេវាកម្មដូចជា កន្លែងស្ប៉ាលំដាប់ពិភពលោក កន្លែងហាត់ប្រាណ កន្លែងលេងរបស់កុមារ អាងហែលទឹក និង The Club ដែលជាកន្លែងក្លឹបរាត្រីនៅជាប់នឹង Theatre ។ នាវានេះមានភោជនីយដ្ឋាន បារ និងកន្លែងទទួលភ្ញៀវចំនួន ៣២ ដែលបម្រើនូវមុខម្ហូបជាច្រើនពីជុំវិញពិភពលោក ដែលរៀបចំដោយមេចុងភៅល្បីៗ។
គ្រួសារ Ambani ត្រូវបានគេរំពឹងថានឹងអញ្ជើញមេចុងភៅលំដាប់ផ្កាយ Michelin មកពីជុំវិញពិភពលោក ដើម្បីរៀបចំម្ហូបសម្រាប់ទទួលភ្ញៀវមុនអាពាហ៍ពិពាហ៍លើកទីពីររបស់កូនប្រុសពួកគេ។ ស្របពេលដែលនាវាកម្សាន្តមានរោងមហោស្រពក្នុងផ្ទះជាមួយនឹងឆាកទំនើប និងការសម្តែងសិល្បៈ និងតន្ត្រីពិសេស បន្ថែមពីលើតំបន់កាស៊ីណូ និងរោងកុនដែលមានអេក្រង់ធំទូលាយ៕
អត្ថបទ៖ សាង ស្រីល័ក្ខ
ចុចអាន៖Pre-Wedding លើកទី២លើនាវាប្រណិតរបស់កូនសេដ្ឋី ឥណ្ឌា អាចចាយប្រាក់សុទ្ធ ១៤៤ លានដុល្លារ
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ