ព័ត៌មានអន្ដរជាតិ
ចិន នឹងប្រើកម្លាំងបាយ បញ្ឈប់ការទាមទារឯករាជ្យរបស់តៃវ៉ាន់
ក្នុងសុន្ទរកថាដ៏ក្ដៅគគុកនៅវេទិកាសន្ដិសុខប្រទេសសិង្ហបុរីកាលពីថ្ងៃទី២ ខែមិថុនាកន្លងទៅ លោក Dong Jun បានប្រកាសក្ដែងៗថា យោធាចិនបានត្រៀមខ្លួនរួចរាល់ជាស្រេច ដើម្បីប្រើកម្លាំងបាយបញ្ឈប់ការទាមទារឯករាជ្យភាពរបស់កោះតៃវ៉ាន់។ លោករដ្ឋមន្ត្រីក្រសួងការពារជាតិចិនរូបនេះ ថា ប្រជាធិបតេយ្យពេញលេញរបស់តៃវ៉ាន់ គឺជាបញ្ហាស្នូលរបស់រដ្ឋាភិបាលក្រុងប៉េកាំង។
លោក Dong Jun បានអះអាងថា រដ្ឋាភិបាលតៃវ៉ាននាពេលបច្ចុប្បន្ន កំពុងទេរទៅរកភាពផ្ដាច់ខ្លួនកាន់តែខ្លាំង ដោយចង់បំបាត់ចោលនូវអត្តសញ្ញាណជាជនជាតិចិនរបស់ខ្លួន។ មន្ត្រីជាន់ខ្ពស់រូបនេះ បានបន្តថា “អ្នកផ្ដាច់ខ្លួននិយមទាំងនោះ កាលពីពេលថ្មីៗបានធ្វើសេចក្ដីថ្លែងការណ៍បំភ្លៃការពិត ដែលបង្ហាញពីភាពក្បត់សញ្ជាតិចិន និងដូនតារបស់ពួកគេ។ ពួកគេនឹងត្រូវជាប់ឈ្មោះលើបង្គោលភាពអាម៉ាសនៅក្នុងប្រវត្តិសាស្ត្ររបស់ពួកគេ។ នរណាក៏ដោយឲ្យតែហ៊ានបំបែកតៃវ៉ាន់ពីចិន នឹងត្រូវកម្ទេចជាបំណែកៗ ហើយទទួលរងការខូចខាតដោយខ្លួនឯង”។
យោងតាមការចុះផ្សាយរបស់សារព័ត៌មាន Aljazeera, ជាការឆ្លើយតបនឹងសេចក្ដីថ្លែងការណ៍មួយនេះ រដ្ឋាភិបាលតៃវ៉ាន់ បាននិយាយថា ខ្លួនពិតជាមានសេចក្ដីសោកស្ដាយចំពោះការលើកឡើងដែលមានលក្ខណៈបង្ករឿង និងមិនសមហេតុផលយ៉ាងដូច្នេះ។
សូមបញ្ជាក់ថា ចិនតែងទុកតៃវ៉់ាន់ ជាអធិបតេយ្យភាពរបស់ខ្លួន ហើយមិនបដិសេធនោះទេក្នុងការប្រើប្រាស់កងកម្លាំងដើម្បីបង្រួបបង្រួមចិនតែមួយ។ កាលពីខែឧសភាកន្លងទៅ ចិនបានធ្វើសមយុទ្ធ២ថ្ងៃជាប់គ្នា ជុំវិញកោះតៃវ៉ាន់ ក្រោយពីការប្រកាសឡើងកាន់តំណែងថ្មីរបស់លោក Lai Ching-te ជាមេដឹកនាំដែនកោះមួយនេះ។ រដ្ឋាភិបាលក្រុងប៉េកាំង បានចាត់ទុកលោក Lai គឺជាជនផ្ដាច់ខ្លួននិយម ហើយសុន្ទរកថារបស់លោកគឺជាការសារភាពបង្ហាញពីបំណងចង់ទាមទារឯករាជ្យឲ្យតៃវ៉ាន់ តាមរយៈការប្រើកម្លាំងយោធា និងការពឹងផ្អែកលើកងកម្លាំងពីអន្តរជាតិ។ កងទ័ពរំដោះប្រជាជនចិន បានជំទាស់ដាច់អហិង្កានឹងគោលបំណងនេះ ហើយព្រមាននឹងចាត់វិធានការប្រឆាំងយ៉ាងខ្លាំងក្លាបំផុត៕
ដោយ៖ ឈាង
ខេត្តកំពង់ឆ្នាំងត្រូវបានប្រកាសថាខេត្តដែល «គ្មានសំរាម និងសំណល់ប្លាស្ទិកតាមទីសាធារណៈ»
ថ្ងៃនេះក្រុមលីគកំពូលកម្ពុជា២គូជួបគ្នាវគ្គ១៦ក្រុមជើងទី១ ពានសម្តេចតេជោ
សមាគមបណ្ណាល័យគំនិតរៀបចំពិព័រណ៌សៀវភៅលើកទី១ នៅរាជធានីភ្នំពេញចុងសប្ដាហ៍នេះ
ក្រុមប្រឹក្សាធុរកិច្ចស្ត្រីហ្វីលីពីន ចាប់អារម្មណ៍វិនិយោគលើវិស័យសក្ដានុពលនៅកម្ពុជា
ក្រសួងការងារបញ្ជាឱ្យក្រុមហ៊ុន៥ចូលខ្លួនមកដោះស្រាយវិវាទការងារឱ្យបានមុនថ្ងៃទី១៤ កុម្ភៈ
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ