សេដ្ឋកិច្ច
តម្លៃប្រេងសកលបន្តធ្លាក់ចុះ ទោះ OPEC+ ប្រកាសបន្តកាត់បន្ថយទិន្នផលប្រេង
តម្លៃប្រេងបានបន្តធ្លាក់ចុះនៅក្នុងការជួញដូរនៅអាស៊ីនាថ្ងៃអង្គារនេះ ទោះបីអង្គការនៃប្រទេសនាំចេញប្រេង និងសម្ព័ន្ធមិត្ត (OPEC+) បានប្រកាសពីការបន្តនៃយន្តការកាត់បន្ថយទិន្នផលប្រេងរបស់ខ្លួនក៏ដោយ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ការបន្តធ្លាក់ចុះនេះកើតមាន ខណៈអ្នកវិនិយោគកំពុងព្រួយបារម្ភអំពីកំណើននៃការផ្គត់ផ្គង់នៅពេលក្រោយក្នុងឆ្នាំនេះ ចំពេលមានការប្រុងប្រយ័ត្នចំពោះការព្យាករណ៍ពីតម្រូវការរបស់អ្នកប្រើប្រាស់សំខាន់ៗនៅសហរដ្ឋអាមេរិក។
តួលេខរបស់ Oilprice.com បង្ហាញថា តម្លៃប្រេងឆៅម៉ាក Brent បានធ្លាក់ចុះ ៦១ សេន ឬ ០,៧៨ ភាគរយ ត្រឹម ៧៧,៧៥ ដុល្លារ/បារ៉ែល នៅម៉ោង ១២ ព្រឹក (អាមេរិក ឬកណ្ដាលថ្ងៃត្រង់នៅកម្ពុជា)។ បើតាមរ៉យទ័រ តម្លៃប្រេងម៉ាក Brent បានធ្លាក់ចុះក្រោម ៨០ ដុល្លារ/បារ៉ែលជាលើកដំបូងរាប់តាំងពីថ្ងៃ ៧ កុម្ភៈ ក្រោយធ្លាក់ចុះជាង ៣ ភាគរយ កាលពីថ្ងៃចន្ទ។ ចំណែកឯប្រេងឆៅអាមេរិក ម៉ាក West Texas វិញ បានធ្លាក់ចុះ ៦៧ សេន ឬ ០,៩០ ភាគរយ ទៅ ៧៣,៥៥ ដុល្លារ/បារ៉ែល។
ការបន្តធ្លាក់ចុះនេះ ធ្វើឡើងក្រោយ OPEC+ បានប្រកាសបន្តយន្តការកាត់បន្ថយទិន្នផលប្រេង៥,៨៦ លានបារ៉ែល/ថ្ងៃ ឬប្រហែល ៥,៧ ភាគរយនៃតម្រូវការសកល ដោយចង្អុលបង្ហាញពីកំណើនតម្រូវការខ្សោយ អត្រាការប្រាក់ខ្ពស់ និងការកើនឡើងនៃផលិតកម្មប្រេងរបស់អាមេរិក ខណៈតម្លៃជួញដូរប្រេងសកល ទាបជាងការចង់បានរបស់ប្រទេសលក់ប្រេងមួយចំនួន ដើម្បីឱ្យពួកគេអាចធ្វើតុល្យភាពថវិកា។
តាមការចុះផ្សាយរបស់រ៉យទ័រ សកម្មភាពផលិតកម្មរបស់សហរដ្ឋអាមេរិកបានធ្លាក់ចុះក្នុងរយៈពេល២ខែជាប់គ្នាៗក្នុងខែឧសភា ខណៈការចំណាយលើការសាងសង់បានធ្លាក់ចុះដោយមិននឹកស្មានដល់សម្រាប់ខែទី២នៅក្នុងខែមេសា ដោយសារការថយចុះនៃសកម្មភាពក្រៅផ្ទះ ដែលការណ៍នេះធ្វើឱ្យតម្រូវការប្រេង និងឥន្ធនៈខ្សោយ។
សញ្ញានៃកំណើនតម្រូវការធ្លាក់ចុះ បានដាក់សម្ពាធលើតម្លៃប្រេងក្នុងរយៈពេលប៉ុន្មានខែថ្មីៗនេះ ដែលធ្វើឱ្យគេផ្ដោត ជាសំខាន់លើទិន្នន័យស្តីពីការប្រើប្រាស់ប្រេងឥន្ធនៈរបស់សហរដ្ឋអាមេរិក។ យោងតាមទិន្នន័យរបស់ GasBuddy តម្លៃប្រេងសាំងជាមធ្យមនៅសហរដ្ឋអាមេរិក បានធ្លាក់ចុះ ៥,៨ សេន/ហ្គាឡុង មកត្រឹម ៣,៥ ដុល្លារ/ហ្គាឡុង កាលពីថ្ងៃចន្ទ៕
Pathum United មានកម្លាំងបរទេស១០នាក់មុនប៉ះព្រះខ័នរាជស្វាយរៀង ថ្ងៃស្អែក
មន្ត្រីទូត ថា កត្តាសន្តិភាព បានផ្ដល់ទំនុកចិត្តដល់ទេសចរអង់គ្លេសមកកម្ពុជាច្រើនជាងមុន
លោក ប៉ែន បូណា៖ សៀវភៅឃាតកម្មក្រោយខ្នងសម្តេចតេជោ ជាឯកសារដ៏មានតម្លៃ សម្រាប់អ្នកសិក្សាអំពីនយោបាយនៅកម្ពុជា
Lee Jong Suk បង្ហាញមុខគាំទ្រមិត្តស្រី លុបពាក្យចចាមអារ៉ាមប្រេះឆាស្នេហា
ព្រះមហាក្សត្រ អំពាវនាវប្រជារាស្រ្តខ្មែររួបរួមគ្នាថែរក្សាប្រទេសជាតិ និងគោរពច្បាប់រដ្ឋធម្មនុញ្ញ
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
៦ខេត្តរបស់ថៃ នៅតែរងគ្រោះ ដោយទឹកជំនន់
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
វត្តព្រះពុទ្ធសាសនានៅថៃត្រូវគ្រូបរទេសបង្រៀនអង់គ្លេស ប្រែក្លាយជាការបង្រៀនទ្រឹស្តីសាសនាផ្សេង
អភិបាលរាជធានីចុះពិនិត្យទីតាំងបាក់ស្រុតផ្លូវបេតុងអបប្រឡាយស្ទឹងមានជ័យ និងណែនាំឱ្យជួសជុលជាបន្ទាន់
-
ព័ត៌មានជាតិ៥ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ agoរដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១៩ ម៉ោង agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ