ព័ត៌មានអន្ដរជាតិ
ឥណ្ឌា ចង់ងាកទៅរកអាមេរិក ព្រោះរុស្ស៊ីខ្សត់ការផ្គត់ផ្គង់អាវុធ ក្រោយសង្គ្រាមនៅអ៊ុយក្រែន
រដ្ឋាភិបាលឥណ្ឌា កំពុងកាត់បន្ថយភាពពឹងផ្អែកទៅលើបញ្ជាទិញសព្វាវុធពីប្រទេសរុស្ស៊ី ខណៈមហាអំណាចមួយនេះកំពុងខ្វះខាតសមត្ថភាពនាំចេញអាវុធទៅក្រៅប្រទេស ក៏ព្រោះតែតម្រូវការប្រើប្រាស់នៅក្នុងសង្គ្រាមតតាំងជាមួយអ៊ុយក្រែន។ នេះបើយោងតាមការចុះផ្សាយរបស់សារព័ត៌មាន The National Ineterest កាលពីថ្ងៃទី៣ ខែមិថុនាកន្លងទៅ។
ឥណ្ឌា គឺជាប្រទេសនាំចូលអាវុធធំជាងគេបំផុតនៅលើពិភពលោក ដោយនៅរយៈពេល២ទសវត្សចុងក្រោយ រុស្ស៊ីបានលក់សព្វាវុធឲ្យក្រុងញ៉ូវដេលី ក្នុងទំហំទឹកប្រាក់ច្រើនជាង ៦០ពាន់លានដុល្លារឯណោះ។ យ៉ាងណាមិញ ក្រោយកើតមានសង្គ្រាមជាមួយអ៊ុយក្រែន រុស្ស៊ីមិនអាចផ្គត់ផ្គង់អាវុធគ្រប់គ្រាន់ឲ្យឥណ្ឌា ដែលជាហេតុនាំឲ្យឥណ្ឌាអាចនឹងងាកទៅរកសហរដ្ឋអាមេរិក សម្រាប់ការជួញដូរវិស័យការពារជាតិថ្មី។
លោក Nadan Unnikrishnan អ្នកអង្កេតការណ៍យោធានៃមូលនិធិស្រាវជ្រាវក្រុងញ៉ូវដេលី បាននិយាយប្រាប់ទីភ្នាក់ងារព័ត៌មាន Reuters កាលពីពេលថ្មីៗថា “យើងទំនងជាមិនអាចចុះកិច្ចព្រមព្រៀងយោធាធំដុំអ្វីនោះទេជាមួយរុស្ស៊ី”។
ទោះជាមានបំណងទៅទិញអាវុធពីអាមេរិកក៏ពិតមែន ឥណ្ឌានៅតែមិនអាចបោះបង់ចោលទំនាក់ទំនងល្អជាមួយរុស្ស៊ីនោះទេ ពោលគឺឥណ្ឌាត្រូវសង្កត់ចិត្តរក្សាទំនាក់ទំនងឲ្យបានជិតស្និទ្ធដដែលជាមួយរុស្ស៊ី ដើម្បីបញ្ចៀសរុស្ស៊ីកុំឲ្យមានភាពល្អូកល្អឺនកាន់តែខ្លាំងថែមទៀតជាមួយមហាយក្សចិន ដែលជាសត្រូវដ៏ធំបំផុតរបស់ឥណ្ឌា។ មួយវិញទៀត ឥណ្ឌានៅតែពឹងផ្អែករុស្ស៊ីលើការផ្គត់ផ្គង់ប្រេងដដែល។
ដូចគ្នានេះដែរ រុស្ស៊ីក៏មិនចង់របូតភាពជាដៃគូជាមួយឥណ្ឌាផងដែរ។ រុស្ស៊ីតែងដាក់សម្ពាធជានិច្ចលើរដ្ឋាភិបាលឥណ្ឌា ដែលមានលោក Narendra Modi ជាអ្នកដឹកនាំ។ នាពេលថ្មីៗកន្លងទៅ រុស្ស៊ីបានស្នើឲ្យឥណ្ឌាទិញឧទ្ធម្ភាគចក្រ Kamov, យន្តហោះ Sukhoi និងយន្តហោះ MiG ប៉ុន្តែត្រូវលោក Modi បដិសេធ។ នាយករដ្ឋមន្ត្រីឥណ្ឌា ថា ចង់ផ្ដោតសំខាន់លើសង្វាក់ផលិតកម្មក្នុងស្រុកវិញ ដោយពឹងផ្អែកលើបច្ចេកវិទ្យាពីលោកខាងលិច។
Reuters បានចុះផ្សាយថា លោក Modi មានបំណងពង្រឹងកម្មវិធី “Made in India” ជំរុញផលិតផលក្នុងប្រទេសឲ្យបានច្រើនជាងការនាំចូលអាវុធពីក្រៅ ខណៈដែលឥណ្ឌាត្រៀមនឹងចំណាយថវិកាជាតិខ្ទង់ជិត ១០០ពាន់លានដុល្លារបន្ថែមទៀតសម្រាប់វិស័យការពារជាតិ នារយៈពេល១ទសវត្សខាងមុខ។
ទន្ទឹមនឹងគម្រោងទិញអាវុធពីអាមេរិក ប្រទេសឥណ្ឌាក៏បានបញ្ជាទិញយន្តហោះចម្បាំងពីប្រទេសបារាំង ព្រមទាំងធ្វើកិច្ចសហការរួមគ្នាជាមួយអឺរ៉ុប ក្នុងការសាងសង់នាវាមុជទឹកជាច្រើនគ្រឿងផងដែរ៕
ដោយ៖ ឈាង
អភិបាលខណ្ឌ៧មករា បញ្ជាដល់នគរបាលខណ្ឌ៧មករាស្រាវជ្រាវឃាត់ខ្លួនក្មេងទំនើង២នាក់ ក្រោយជិះម៉ូតូបង្ហោះ តាមដងផ្លូវជាសាធារណៈ
ជួសជុលកែលម្អរួចរាល់សម្រាប់ឧបករណ៍ហាត់ប្រាណតាមសួនច្បារ ដើម្បីឱ្យបងប្អូនប្រជាពលរដ្ឋបានហាត់ប្រាណ
តុលាការ ចោទប្រកាន់លោក លី សាម៉េត,លោក ដួង តារា, លោក មួង ឃីម, ឧកញ៉ា អ៊ុត ធី ពីបទជំនួញឥទ្ធិពលសកម្ម និងឥទ្ធិពលអកម្ម
អ្នកឧកញ៉ា ឡេង ណាវ៉ាត្រា៖គិតត្រឹមថ្ងៃទី១០ ខែវិច្ឆិកា ក្រុមហ៊ុន ដោះស្រាយ និងសាងសង់បញ្ចប់បានចំនួន ២០០៦ផ្ទះ ចំណែកផ្ទះដែលនៅ នឹងបញ្ចប់បន្តបន្ទាប់ ជូនអតិថិជន
សាកលវិទ្យាល័យពាណិជ្ជសាស្ត្រអេស៊ីលីដា រៀបចំកម្មវិធីតម្រង់ទិសសម្រាប់សិស្សនិស្សិតមុនចូលរៀន
យន្តហោះBoeing ដឹកអ្នកដំណើរ២៤៩នាក់ ហោះបុកសត្វស្លាប បណ្តាលឲ្យឆេះម៉ាស៊ីន
រឿងប្លែកទៀតហើយនៅ ឥណ្ឌា មនុស្សឈរតម្រង់ជួរត្រងទឹកម៉ាស៊ីនត្រជាក់ផឹក ព្រោះជឿថាបរិសុទ្ធ
និស្សិតនៅសាកលវិទ្យាល័យឌីជីថលកម្ពុជា រៀបរាប់ពីការសិក្សានិងការរស់នៅ ក្នុងរយៈពេលមួយឆ្នាំនៅទីនោះ
ព្យុះសង្ឃរា ទី២២ និងព្យុះទី២៣ ចាប់ផ្ដើមដើរលើគន្លងតែមួយបង្កើនឥទ្ធិពលខ្លាំងលើរបបខ្យល់មូសុងឦសាន
ត្រាំ ព្រមានពូទីន ខ្លាំងៗ ក្នុងការនិយាយទូរស័ព្ទលើកដំបូង ក្រោយជាប់ឆ្នោតអាណត្តិថ្មី
-
ព័ត៌មានជាតិ៥ ថ្ងៃ agoជង្ហុកជាច្រើនកន្លែងលើកំណាត់ផ្លូវ ៦០៨ បង្កគ្រោះថ្នាក់ដល់អ្នកដំណើរជារឿយៗ
-
ជីវិតកម្សាន្ដ៦ ថ្ងៃ agoលោក អ៊ិន សុភិន ចេញមុខអះអាងថា ខ្លួនមិនពាក់ព័ន្ធទេ ក្រោយផ្ទុះរឿងទិញសិទ្ធិ Miss Grand 2025
-
ជីវិតកម្សាន្ដ៥ ថ្ងៃ agoបវរកញ្ញាមីយ៉ាន់ម៉ា បង្ហាញខ្លួនលើកដំបូង ក្រោយបាត់បង់តំណែងលេខ២ MGI
-
ជីវិតកម្សាន្ដ៥ ថ្ងៃ agoអ្នកស្រី អ៊ឹម សុគន្ធា បញ្ជាក់ថា ព្រោះតែងរឿងចង់ចាញ់ឈ្នះ មានអ្នកខ្លះចង់ទិញសិទ្ធិ Miss Grand 2025
-
ជីវិតកម្សាន្ដ៤ ថ្ងៃ agoធ្លាយវីដេអូរសើប Selena ក្នុងពិធីជប់លៀងរបស់ Diddy ពី Weibo ចិន
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលរបបខ្យល់មូសុងឦសានខ្លាំងដល់ថ្ងៃទី៦វិច្ឆិកា
-
ព័ត៌មានជាតិ៥ ថ្ងៃ agoក្រុមហ៊ុនចិន គ្រោងពង្រីកការវិនិយោគលើដំណាំដំឡូងមី ស្វាយចន្ទី ដំឡើងរោងចក្រកែច្នៃគ្រាប់ស្វាយចន្ទីនៅកម្ពុជា
-
ព័ត៌មានជាតិ៧ ថ្ងៃ agoព្យុះទី២២ ឈ្មោះ ឃីនស៊ីង នឹងជះឥទ្ធិពលលើកម្ពុជា ចាប់ពីថ្ងៃនេះដល់ថ្ងៃទី៧វិច្ឆិកា